الحل هنا بحديث الرسول عليه الصلاة والسلام


دخلت هند بنت عتبة امرأة أبي سفيان على رسول الله صلى الله عليه وسلم، فقالت: إن أبا سفيان رجل شحيح، لا يعطيني من النفقة ما يكفيني ويكفي بني، إلا ما أخذت من ماله بغير علمه، فهل علي في ذلك من جناح؟ فقال رسول الله صلى الله عليه وسلم: "خذي من ماله بالمعروف ما يكفيك ويكفي بنيك

قصدك اخذ من جيبه بدون علمه؟!
طيب ولو اكتشف ولاحظ
وألاحظ عليه مايخلي ولاريال بجيبه
كل فلوسه بالبطاقه وان مثلا شفت مبلغ
يكون عشرات وريالات بسيطه
زوجي حريص جدا
ومن ناحية الفلوس فقط يظهر ذكاءه
اما الذكاء من الجهات الاخرى فهو صفر

هذه نصيحة للسرقة!
ماذا لو اكتشفتها!
اي حياة هذه كلما احتاجت مال تسرق منه!
ثم هناك نساء تعتقد ان زوجها مقصر و هو ليس كذلك بالتالي ستكون لها دافع للسرقة.
زوجها مقصر معها بالصرف اما الصبر او تفاتحه و تتكلم معه بجدية و بحزم
السرقة ليست حل.

اساسا مستحيل اسويها
ربي يشهد لو لقيت له نص ريال على الطاوله اعطيه
والله يااخ سعد تكلمت معاه بحزم وجديه
وبكل الطرق مانفع معاه
هوا يعتبر اللي براسه يسويه حتى لو كان خطأ
مايقتنع بكلامي ابدا كل شي ياخذه بعناد

بردك هذا كأنك تتهم رسول الله بانه يدعو للسرقه ..
طبعا انا ماقلت ولا كلمه انا نزلت حديث النبي وطبعا ما عجبك الحديث واتهمته بالسرقه ..

استغفر الله مجرد ما تسمع حديث نبيك تقول سمعا وطاعه مانبي لك اراء ووجهات نظر

واخت ابتسامه طالما هالشي مجاز شرعا الحمدلله مافيها شي يؤخذ من مال الزوج على حسب الحاجه وما فيه اي حرج ..
بس بما ان زوجك يخبي فلوسه مالك الا تدورين مصدر رزق ترزقين منه ..وترفعين منه عن منته

ويا كثر حريم الاستقرام التاجرات اللي كسبن من وراء مهنتهن ذهب ..
الحمد لله الشغل مو عيب

صدقتي هوا جالس يمن علي
وكأنه بيعطيني عشرين ألف
الله المستعان
اليوم كلمني مطلع رقم جديد ب٢٠٠ريال
قلتله كان حولتها لي انا ماعندي مصروف
وتروح اخذ شريحه
قال انتظر رجال يعطيني حقي ومنها بحول لك
شي مضحك
ولما ناقشته انه وش علي من الرجال وحقك منه
دايم معاك حول لي من عندك
قال لاتتفلسفين عليا وقفل الخط بوجهي

ههههههه استغفرالله الذي لاإله الا هو واتوب اليه

+1
تصور واحد يعمل عند شخص و لا يعطيه حقه كفاية
فتكون النصيحة ان ياخذ بدون علمه (سرقة) !

تصور ان هذا حديث من الرسول صلى الله عليه و سلم
لمن لا يعطي زوجته كفايتها و بخيل جدا. فهل ترى النصيحة هنا سرقة

__________________

وهل الحقوق بين الزوجين مماثله للحقوق بين الأجير ورئيسه؟!!
حتى تسقط مثالك على حديث رسول الله ..


ويا خت ابتسامه اذا بديتي مشروعك خلي هالشي بينك وبين اهلك
زوجك لا يدري ... ولا يعني انك ماتطالبين بالنفقه
ان شاء الله تكونين بزنس بس قدامه سوي نفسك ما معك شي وطالبي بحقك

معليش أختي بس لو شاف حزم منك ومن اهلك ماقصر عليكم بشيء .. أجل يصرف على زوجته الاولى وعيالها وأنتي راميك وعيالك على اهلك وشايل يده من مصاريفكم .. تدرين لو أنا مكانك وش بسوي!! بعطيه عياله وبقوله خذهم معك اصرف عليهم دام ماتعطيني شيء لهم .. وقتها بيعرف إن الله حق وبيعطيك إللي تبين عشان مايبتلش فيهم .. ولاتخافين ماراح ياخذهم لانه اللي عنده يكفيه..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..