رد: حيرتي في الزواج من مطلقة بولدي مستجد الرد
السلام عليكم ورحمة الله وبركاته
هلا اخوي الوحيد .. أنا متابع كل مواضيعك كزائر وامس سجلت وحبيت افيدك برأي عسى الله يكتب فيه الخير
انت في دوامه من زواج أول بأطفال ثم خيانه كبيره من زوجتك ( طليقتك الأولى )
ثم أحداث صعبه شكلت ضغوط نفسيه كبيره عليك ثم طلاق
ثم زواج جديد لم يدم أشهر ثم طلاق ثاني, وفي كل هذا طليقتك الأولى تحاصرك كظلك
وانت واضح عليك أنك ما استطعت الخروج نفسيا للآن من دوامة طلاقك الأول وما صاحبه من أحداث
رأيي أنك ما تتزوج الآن لا المطلقه ولا الأخرى
ما هو عشان حركاتهم ومحاولة تخريبهم على بعض ولكن عشانك انت إلى ما تستقر نفسيا
وادري ان أكثر ما يضغط عليك للزواج هو وضع أولادك ومن يرعاهم
اما من ناحيتك أنت .. فأنت لست بحاجة زوجة بقدر حاجة عيالك لمرأه ترعاهم في البيت
أذكر إنك قلت ان عمتهم حرمه كبيره وكانت تسكن عندك عشان ترعاهم
ولكن ما اذكر إذا كانت تسكن بنفس مدينتك ولا مدينه ثانيه
وش رأيك لو تخلي عيالك يسكنون مع عمتهم وتجيب لهم شغاله تساعد عمتك برعايتهم
وإذا كانت عمتهم تسكن بمدينه ثانيه انقل لهم .. حاول تنقل عملك لمدينة عمتهم وخلهم يسكنون معها
وانت تاخذ لك شقه قريبه أو تشتري بيت قريب منهم أو تعمر بيت جديد عشان تقدر كل يوم تمرهم وتاخذهم عندك بالويكند
وبيتك الحالي تشوف حل أما تأجره أو تبيعه وبثمنه تشتري بيت بمدينه أختك
وبكذا تكون مطمئن على وضع عيالك نفسيا وتربويا ودراسيا وترتاح شوي من ضغط التفكير فيهم أو الزواج عشانهم فقط .
نصيحه لك .. لا تتزوج وحده توها مطلقه ابدا لأن اي مطلقه بحاجه لفتره ربما لا تقل عن سنه عشان تستعيد توازنها النفسي أيا كانت صفاتها وأخلاقها فلا تستعجل وتاخذها .
بالنسبه لاستنزاف طليقتك لك بالطلبات
عطها كلمتين جامده بالعظم عشان تعرف تحترمك وتحسب لك حساب
19-08-2016, 05:59 AM
ضوابط المشاركة
العرض الشجري