أنا ما أبغاه أصلا ولا أبغى حضانته ولا أبغى أشوفه حتى لا أتعلق فيه..
ولو تزوجت تخليه عندها.. هي اللي جرت وراء الحمل بإيعاز من أهلها, و هي اللي حاولت تحمل من وقت الخطوبة, و هي اللي بطلت تاخذ موانع حتى تحمل, و هي اللي أصرت تكمل حملها..
لذلك, كل شي بخصوص جنينها من مسؤوليتها.. و المفروض هي و أهلها يتحملوا مسؤولية تصرفاتهم.

عمرها 25 سنة.. يعني مو صغيرة, مو ياهل و ما تعرف تفكر..
و أنا بعد ما قصرت و فهمتها من قبل الحمل انها المفروض ما تحمل و احنا بيننا هالمشاكل, و ما تحمل الا بعد ما نستقر و نستقل في مكان خاص فينا.. و هي كانت تعرف ان موضوع الحمل بيزعجني لو حصل..
و حتى بعد ما حملت, قلت لها توقف الحمل.. و بعد المشكلة ذكرتها أن جنينها لو جا على الدنيا بيتبهدل بدون بيئة صحية.. و هددتها اني بسافر ولا بتشوفني لا هي ولا ولدها..
لكن شسوي, الجاهل جاهل.. و الموضوع مو بالعمر.. الموضوع بنضج التفكير.

أهلها ضغطوا عليها صحيح.. من وقت الخطوبة و أبوها يحننننن عليها تحمل قداااامي..
اصرارها في وقت الخطوبة انها تنام في الشقة أتوقع كان حتى "تستقر فيها" و تفرض علي أنها خلاص "هذا مكانها" و حتى الناس تعرف انها تنام في الشقة و يعتبر الجميع ان احنا تزوجنا.. و حتى تحمل بسرعة و تربطني فيها رغم المشاكل اللي بيننا.

أنا ما ألوم نفسي في شي بصراحة إلا سوء الإختيار..
الكل يقول لي "المفروض انفصلتوا من أول مشكلة لأن مشاكلهم كبيرة و أهل فضايح", لكن أنا اقول لنفسي أنا سعيت اني ما اخرب بيتي ولا بيتها.. و تحملت و صبرت حتى ما تكون هي أيضا ضحية تصرفات أهلها الهوجاء.. لكنها كانت في صفهم طول الوقت و نفذت نصايحهم الخاطئة.. و هذا وضعها الحين.. لا أفكارهم نفعتهم, ولا تخطيطهم نفعهم, ولا الحمل نفعهم..

اللي مستغرب منه من جهتهم.. إن إنتوا يا نااااس, بنتكم حامل.. و ما زلتوا مستمرين في التهجم و الوقاحة و دخول البيت.. و جايبين لي ثلاثة أشخاص خريجين سجون وسط البيت يتهجموا علي؟؟ يعني ماهم خايفين من الطلاااااق أببببدا..

شي غرييييب!!!