ام اثير!
انا عرضت مشكلتي عليكم ،، وان كان عندك اي رد فيه تجريح فصدقيني انا مو بحاجه له
اقتباس:
|
و تساعدني باخوانها و مسؤليتهم تاكلهم و تشربهم ت تلبسهم
|
طيب انتِ عايشه معي علشان تعرفين هل انا اسوي هالاشياء او لا ..
بقولك شغله ،، لما كنت بعمر بنتك واصغر ،، كنت كل ليلة بمنامي ابكي اذا تذكرت امي تتكلم عن الموت!! ليلياً مانام الا بعد ما أبكي وانا اقول الى اختي .. اخاف افقد امي !!! ..
حتى ان خواتي احياناً يعاندوني ويتظاهرون انهم يعصبوا امي علشان انا ادافع !!
ولو اغلط عليها بشيء بسييط .. ماتغمض عيني الا لما اعتذر لها ( للعلم بعد مااعتذر لها تجلس تلومني اكثر واكثر !!! )
كنت انا الوحيده من خواتي اللي ينظف البيت ويكنس ويغسل رغم صغر سني بس كنت احب اساعد امي وبشهادة كل اللي بالبيت
ولما تسافر بدوني انا الوحيدة اللي يحن لها واشتاق لاني اتصل واسمع صوتها وابكي واعد الايام لحتى ترجع
اتذكر مره شريت انا وصديقتي وردة واتفقنا نهديهم امهاتنا وفعلاً هديتها وياها وسألتني ليش؟
دقايق الا واشوف الوردة مرميه على الطاوله ويوم شفتها اقولها يمه ليه رميتي الورده خذيها ! تقولي ارميها شسوي فيها!!!
>> كان عمري 10 أو 11 سنوات تقريباً!! .. ولما سألت صديقتي قالت لي بأن امها فرحت كثير بالوردة وضمتها!! عكس امي >> وإن كان شيء تافه ولكن مجاملةً لبنتها
ولما كنت صغيره بعد تناظر لي وتقولي ( يقولون بنت خالك تشبهك ......... بس هيه احلى منك )!! وكأنها نست بأني بنت
ويمكن اكثر شيء يأثر في البنت ان احد ينتقد او يتكلم عن جمالها او يقارن بينها وبين احد من ناحية الشكل .. فكيف وهي امي اللي المفروض تشوفني احلى البنات
بس كنت احبها واعشقها واقول هذه امي .. مالي غيرها! بس لمتى وهي تعاملني بهالمعامله ؟؟
لاتلوميني يا أم اثير وتقولي دلعوني! ليه ماتقولي مو مهتمين فيني .. ولانهم مو مهتمين فيني خلوني اسوي اللي بكيفي بدون رقيب
ليه مركزة على ان البنات هم الغلط والامهات الصح ؟ .. على فكره مو كل الامهات سوى وانا ماابي اجي هنا واحكيلك
لكن اي دلع اللي تتكلميلي عنه ؟؟ عمــري مافكرت اقارن واشوف غيري واقول ماعندي
لكن خليني اقولك ..
ان انا مااطلع من البيت ابداً! في الاعياد .. في المناسبات .. في الاجازات مـا أطلع مو لأني ماريد!
لأن اهلي مايطلعونا! سوق لا .. ( يقولون لي انتِ مو محتاجه اش حقه كل يوم قلتي باروح رغم انهم ولايوم ودوني علشان يقولون لي كل يوم )
كورنيش لا .. مطاعم لا .. منتزهات لا ( اقسم لك بالله اني مره في حياتي دخلت منتزه ومن لما كنت صغييييييييييييييييره
وكانوا معانا بيت عمي بعد مو لله ) .. الشغله الثانيه ان انا ماعندي بيت جد ولاعندي اهل ازورهم واقعد معاهم فقوليلي كيف تبيني اعيش بالبيت ؟
حتى لما صديقاتي يتكلمون ويسألون وين طلعتوا في الاجازات اقوم عنهم .. استحي اجلس ويسألوني واقولهم قاعده بالبيت!! رغم ان حالتنا الماديه ممتازة .. لكن هم مايحبون الطلعات والجيات .. بعد ماتريديني ازور صديقاتي؟؟ لحتى ماسكتها عليّ!
وعلى فكره .. انا ماازور صديقاتي كثير .. واصلا انا مو اجتماعيه كثير ونادرا اذا طلعت من البيت حتى في مناسبات القريه . . وآخر شي .. انا اذا زرت صديقاتي ازورهم بعد رضا امي وما أطول عندهم ولا اسوي اي شيء سيء عندهم حتى تقوليلي مخلينك تزورين صديقاتك؟
يعني طول الوقت بالبيت غير المعامله والتهزيئات اللي احصلها من امي .. واسكت!
خواتي متزوجات .. واخواني اولاد شباب مايجلسون بالبيت! يعني دائماً منفرده في غرفتي .. وقلتيها مريت بسن حرج
ولااحد داري عني ،، يعني اربي روحي بروحي واعلم نفسي بنفسي ؟؟!!
اقتباس:
اهلك تركوكي بدون عقوبه
شي صعب اصدقه
|
ياليت عاقبوني يمكن احس انهم خايفين عليّ من جد .. أو عطوني مجال اتكلم
بس قلت لك .. .. مو مهتمين !! بس المهم واللازم يصير اللي يريدونه!!
الحمدلله ألف مره
التعديل الأخير تم بواسطة * بنت النور * ; 31-10-2005 الساعة 06:42 PM
31-10-2005, 06:16 PM
ضوابط المشاركة
العرض الشجري