طريقتي في التفريز:
1/ألف السمبوسه المحشيه باللحم أوالدجاج وأقسمها في البلاستك على شكل طبقات بينهم نايلون وأحسب عدد السمبوسه الي بطلعها كل يوم عشان أسهل لي في استخراجها من الفريزر كل طبقه لوحدها.
2/ألف سبرنغ رول وأفرزنها.
3/ألف أيضا أصابع الجبن والسمبوسه الصغيره المحشيه بالجبن.
4/أعمل معجنات من بيتزا وعش البلبل وفطائرالدجاج واللحم والسبانخ والزعتروأضعها في الفريزر.
5/أقلي باذنجان ثم أضعه في بلاستك وأضعه في الفريزر أسرع لي في عمل مسقعه أو غيرها يكون مقلي وجاهز ولايتغير طعمه.
6/اذا أشترينا ذبيحه لحم أقسمها أقسام قسم يفرم للكفته وأصلحها وتكون جاهزه وأضعها في صحن فلين وأغلفها,وقسم يقطع مكعبات ويكون للشيش طاووق وايضا أصلحه ويكون جاهز وأغلفه وقسم يكون قطع لحم بعظم للشوربه والمكرونه وقسم يقطع شرائح لعمل مقلقل,هذي تقسيماتي وكل وحده تسوي التقسيمات الي تبيها.



هذا الي أذكره ولي رجعه اذا ذكرت شي.....