أخوي أبو سليمان ..

معاك حق و الصراحة أنا وافقت عليه لأخلاقه و دينه و ما دققت عالناحية المادية ..
خذوهم فقراء يغنيكم الله من فضله ..

يعني ما دققت عالناحية المادية أبداً ..
و يكفي إنه متوظف و إنسان مكافح ..

فأتوقع إنه بيجمع المهر ،، بس تقدموا عشان يضمنوا ..
( بس برضو ،،
كان المفروض إن كان هذا هو السبب و على افتراض ذلك .. إنه يكون عندنا علم ) ..

و أشكرك أخوي كثير ..

_____________________

هلا أختي أم ريف ..

عجبني كلامك كثير ،، و هذا أكثر شئ ..
بس تريني ماني مخروشة .. <- ماني فاهمة معنى الكلمة ..
بس من حقي الصراحة و ما أحب الأمور اللي ماهي منظمة بالشكل هذا ..
و مو مشكلة بأي وقت ،،
بس هناك شئ اسمه احترام الطرف الآخر ومن وجهة نظري بإن احترام الآخر بإعطائه علم بالأمر ..

^

كيف أتعرف عليهم أكثر و ما صارت الملكة ..؟؟

و خلاص عرفت وحدة من طبايعهم من ألحين ..
إنهم مالهم كلمة .. <- لو يدروا عنها بيذبحوها ..

أمزح و الله ..

لأ طبعاً ..؟؟
مين قال كذة ..؟؟

و مع إن زميلتي المتزوجة قالت لي ..
على الأقل لو تكلميه و تفهميه ألحين قبل عقد القرآن ..؟؟

بس ما أقتنعت برأيها أبداً و تكفيني الإستخارة و المشورة ..

تحية لك ..
و بالعكس ماثقلتي علي و لاشئ و الله ..

______________________________


هلا أخوي دكتور بطاطس ..

و الله إنك دكتور بجد ماشاء الله عليك ..

و هذا اللي قصدته ..
إنه المفروض يكون هناك إطلاع منا على الأمور المستجدة ..
و لو ما يبغونا .. فمحد جبرهم علينا ..

أمي تقول الله يعين الشاب عليك ..
ما تسكتي عن حقك أبداً ..

و الصراحة ،، هذه عبارة عن وجهة نظر لا غير ..
و حبيت أتأكد من صحتها ..

و أحب إن الأمور دايم تكون ماشية صح من أولها ..

بالضبط هذا المطلوب .. طالما انك على برّ الأمان

بالتوفيق اختي

__________________
عندما كنت صغيرا كنت أتمنى أن أتزوج فقط ...

عندما كنت في سن المراهقة كنت أتمنى أن أتزوج إمرأة جميلة فقط ...

تزوجت ... وفشلت ...

والآن أتمنى أن أتزوج إمرأة لن أستطيع إيجادها ...

شئ عجيييييييييب جدا نايس

كنت احسب نفسي الوحيدة في الدنيا اللي بتمر بنفس الظروف

تخيلي ...انتي تتكلمي عن نفس وضعي...

بس اللي فارق ...انه اهلي معطينه خبر انه مارح تصير الملكة قبل الصيف...

وكلمونا مره بعد الموافقة بس ابوه ما اتصل علينا ....وبابا شايفها مرررررررره كبيره في حقه انه ابوه ما عبرنا رغم انه يقرب لنا من بعيييييد يعني اقله حق القرابه

وطول الوقت اهلي يقولوا اشبهم ما اتصلوا ولا سألوا يعني اقله تصير قراية الفاتحه وتحديد متى الملمكةووووو...وانا مابيدي شي؟؟؟

وعلى قولك ماصار شي رسمي وانتي زي المعلقه....والأسواء اني لسه بانخطب واهلي يقولوا للناس اني مخطوبه؟؟والكل يقول متى الملكه..؟؟؟


اما حكاية انك تكلميه قبل الملكه فأنا انصحك لا تطلبي انك تكلميه (عشان كرامتك بس )... انا لما طلب يكلمني اهلي طنشوه...ولما شافني اخويا منهاره ومو قادره اقرر طلب منه انه يكلمني ....ولا اعطانا وجه.(اظنه مكسوف )..وصرت حاسه انه مغصوب عليا ((ترا ما في رجال ينغصب على الزواج))...وبس يا ستي وافقت ولو انه جمدني


ما علينااااااااااا....بس لما تلاقي الحل اعطيني خبر عشان اسوي متلك...لأني تعبت نفسيا و مالنا غير الاستخاره....ولو اني كل شويه اهدد اهلي بأني رح افركش ...وعيوني اتورمت من كثرة البكا....ودرجاتي نزلت للحضيض...خيابة....
(ما خاب من استخار) وطالما احنا حاطين فكرة الدين والاخلاق...والامتثال لأمر الرسول وواثقين في ربنا صدقيني رح ييسر ربنا كل شئ بس الأمر يبا له صبر وطووووووووووولة بال

سامحيني طولت عليكي ويارب نسمع اخبار حلوه لكي ولي

هلا أخوي دكتور بطاطس .. <- عاجبها الإسم

و هذا اللي أقصده بالضبط ..

____________________

أختي الغالية .. dr queen ..

ليه تبكي و تتعبي حالك ..؟؟
خليك مثلي قوية ..

و لي عودة معك بنصايح إن شاء الله تفيدك ..
و ترى مسألة إني أكلمه أو أو ...؟؟

لا طبعاً ..
( شايفني فار تجارب ..؟؟ يجربني قبل الملكة ؟ ) <- تبي تونس عليك شوي ..

ياختي أضحكي و تونسي و وسعي صدرك ..
و على فكرة ..

انتبهي لحاجة .. :
لو جاك خاطب آخر الفترة هذه - فرضاً - ،،
مو تردوهم و تقولوا لهم إنك مخطوبة ..؟؟

خلي أهلك يرحبوا بهم .. و عادي و لا كأن الأول موجود .. <- نصيحة أختي الكبيرة ..
و استخيري ..( و مع إني مقتنعة مية مية إن شاء الله بالشاب اللي تقدم .. و بسبب الإستخارة .. )

و ردوا على أهل الخاطب الأول ..
ترى جوا ناس غيركم و إحنا راح نجري الموضوع إن شاء الله ..

القصد لا تربطي نفسك عليهم ،، لحد ما يصير الموضوع رسمي ..
و بجدددد الإستخارة نعمة كبيرة و الله ..

تخيلي حياتنا من غير صلاة الإستخارة ..؟؟
و الله ... أضيع و أحوس ..

ربي يوفقك ياغالية ..
و أبشري بأعطيك الأخبار أول بأول ..

عزيزتي

انا من رايي ان امك تتصل بهم أحسن

لأن يمكن هم يفكرون بنفس طريقتك و يقولون هي ساكته و شكلها لا تريد

من الافضل ان هاي الامور تصير فيها تناقش لأن الموعد لازم يناسب الاثنين اقصد أهل العروس و اهل المعرس ايضا

فلهذا ما اشوف فيها شي ان امك تسأل

والله يوفقك و لا تستعجليين في أخذ أي قرار ممكن تندمين عليه بعدين

و اشوفك عروس قريب ان شاء الله

هلا نايس ....الموضوع صار حماسي شويتين...

ياستي انا مكتئبه وبأبكي لأني طبيعتي كذا...وبأحاول آخذ الموضوع برحابة صدر

بس حكاية اني استقبل خاطب ثاني...فأظن هذا الشئ ما يجوز شرعا....والله أعلم ...وبعدين الموافقة تمت من الطرفين بس اللي معصبني البروووووود في الموضوع....يلا ما علينا...على قولهم أنا اريد وأنت تريد والله يفعل ما يريد

وسلامتكم

نايس وش ذا بتخربينها شكلك على كبر

قال الرسول صلى الله عليه وسلم «لا يخطب أحدكم على خطبة أخيه حتّى
ينكح أو يترك»

__________________
عندما كنت صغيرا كنت أتمنى أن أتزوج فقط ...

عندما كنت في سن المراهقة كنت أتمنى أن أتزوج إمرأة جميلة فقط ...

تزوجت ... وفشلت ...

والآن أتمنى أن أتزوج إمرأة لن أستطيع إيجادها ...

أول شئ سامحوني ..
و ترى لا تفهموني غلط ..

هذا كلام أختي لأمي ..
بس أقصد .. على فرض ناس تقدموا و هم ماهم عارفين بالخطبة الأولى ..
فتكون حجة إنا نفتح الموضوع مع أهل الخاطب الأول ..

ترى فيه ناس بيتقدموا .. إلخ ..
عشان نقيس نبضهم ..

^
هذه نصيحة أختي و ما أقتنعت بها ..
و مثل ماقلت لكم .. يا هو يا بلاش ..

بس ما أعرف إنه ما يجوز بالشرع .. و استنكرتها بقلبي فقط ..

و معليه شكلي لخبطت على الأخير ..
مو من شئ .. من السهر ليلة أمس و جالسة أحمل ملف حجمه كبير ..

سامحوني و غلطة الشاطر بعشرة ..
أختي dr queen <- إيش الحكاية كل الناس دكاترة ..؟؟

أنسي الجزئية هذه اللي قلت لك عليها ..
معليه ..

و مشكووووورين أخواني على التنبيه ..


و على فكرة .. أختي زمااااان كان واحد تقدم لها كذة ..
بس حجزوها و نفس الوقت يدوروا على وحدة تانية ..

و الحمد لله ماتم الموضوع و كل واحد راح بطريقه ..
و بعدها بشهرين تقدم لها تاني و اللي هو زوجها ألحين ..
و تحمد ربها ألحين إنها ماتزوجت هذاك اللي تقدم لها أول شئ ..

^
هي يمكن كذة قصدها أختي ..
إن الناس يا يكونوا جادييين .. يا إنهم لا يلعبوا ببنات الناس ..

بس طبعاً حالتي مختلفة .. لإن الشاب على خلق و دين إن شاء الله - أحسبه كذلك و لا أزكي على الله أحد - ..
و هذا اللي مطمن أمي و أهلي ..
و مخلينهم معطين أهل الشاب راحتهم ..

أختي حايرة ..

معاك حق ..
بس ما أعتقد .. لإن الشاب دق على أخوي من أسبوع ..
و كان بيسلم عليه ..

و أخوي قابله ..
بس هذه أول مرة يدق عليه بعد ماتمت قرآة الفاتحة ..

و أمه كانت تدق على أمي و تكلمها بفترات متباعدة ..



عموماً ..
صار الأمر ما يعني لي شئ ..
و صابني البرود و عدم المبالاة ..

و أنا استخرت و شاورتكم ..
و اللي فيه الخير ربي يكتبه و كل شئ من ربنا خير ..

و بأعطيكم آخر الأخبار إن شاء الله ..
إن حصلت مستجدات ..

أختكم ..

أختي الغالية / نايس

والصبر عاقبته شهد بإذن الله ومع أن الناس جاءؤ وخطبوا باقتناع تام ولا يوجد غبش في نيتهم فيما يظهر لنا فعليك بالصبر ولكني أعرف أنك لا تستطيعين ذلك لأننا بطبعنا خلقنا من عجل ولا نريد أن نصبر لغدِ مع أن الصبح قريب كما قال تعالى فإن لم تستطعي الصبر فعليك بالاصطبار والتصبر وكل معاني الصبر جربي أن تذوقيها فالصبر درس جميل وهاأنت في مقاعد مدرسة الصبر فأرجو أن تكوني متفوقة ناجحة فيها .

أما إن خارت قواك ولم ترتقي أو ضعفت همتك عن ذلك فلعيك بدعاء الله بتفريج الكربة فالسلف الصالح كانوا يدعون الله عن نقص الملح عندهم وكان أحدهم إذ أنقطع سير نعله دعاء الله أن يصلحه فكل بيده سبحانه وتعالى .

__________________