الله يعطيكم العافيه ويوفقكم كلامكم مثل العسل على قلبي وريحني ..

اهلين اخوي
اخووووي اذا ماتدلعت عليك البنت الحين متى تدلع من حقها تدلع خلها تنبسط هي قاعده تتدلع على زوجها مافيها شي ابدا واذا انت متضايق من اختها تحمل شوي الين تتزوجون عاد في هذاك الوقت انت تعجن زوجتك على هواك بالكلام الحلو والعشره الطيبه
لاتصير حساس هذي زوجتك دلعها وخلها تدلع عليك انت رجال

اذا اعترفت او مااعترفت بتدخل احد بينكم
وضح لها اثر ذلك على علاقتكما في المستقبل
وان الزواج بطبيعة الحال يحتاج الى الخصوصية بشكل كبير
وان مافي احد يفهمنا قد فهمنا لبعضنا وبالتالي ان اي احد بالكون لايرغب بالتدخل في شوؤنه
وان ذلك يؤدي الى كثرة المشاكل والطلاق وانا لا ارغب بخسارتك
ومن هالكلام
الله يسر امورك

قللها أي شيء افعله لك لا تخبرين به أحد ,,,


وأنا لا أخبر به احد


هذه خصوصية بيني وبينك ،، وإذا اردت تشتري لها هدية خذها معك


مثلا تبي تشتري هدية ساعة خذها لمحل الساعات

عطر لمحل العطورات


بالتالي ماتقدر تقول لحظة وتتصل على اختها



وبنفس الوقت تختار شيء من ذوقها


فما تقدر تقول ما اعجبني

طبعا انت قل رايك بالاشياء
وخل فاهم بالاشياء الزينة
لان باين عليها ماعندها خبرة وتشوف ان اختها اكثر منها خبرة فتستعين فيها

خلك دايم مثالي وعقلاني عندها وسامحها وبصراحة اعجبني موقفك ماشاء الله لاقوة الا بالله


قل لها ايضا من باب السوالف مثلا صاحبي يقول كل شي بينه وبين زوجته لاخته او لامه

وكيف الزوجة تنظلم ويعني اقعد الف قصص من نفس معاناتك ، ولكن لاتحس لا من بعيد ولاقريب انك تعنيها فقط سوالف


وهي راح تتعلم


الله يوفقك ويسعدك

السلا عليكم

احيانا يكون بين الاخوات مزح ثقيل لا يقصد منه شي لكن يؤثر بالزوجه

انا اختي جابلها خطيبها هدايا كثيره بعد الملكه وشكلها راقي بس انا علقت على الساعه قلت يمكن

جايبها لامي لانها شكلها تصلح لحريم كباراكثر

اختي زعلت وشوي وتصيح مع اني مااقصد شي بس اني تداركت الوضوع وقلبت الموجه وقلت انها تهبل وهي مو عجبتني ..

بس علشان ماتزعل وقلت يكفي انه جايب لك كل الهدايا ..هذا دليل انه ذوق >>ياشين النصب

المهم هي استانست بعدها يمكن اخواتها كذا يعلقو على الهدايا فتكرهن وهم مو قصدهم شي مثلي ..


ولا تظلم اختها يمكن ماتتدخل بينكم..
الشي الثاني

بما ان الزواج قريب وانت في منطقه ثانيه لا تجيب هدايا الا بعد الزواج احسن

والله يوفقك ويسعدك ويجعل زوجتك قرة عين لك

يعطيكم العافيه وما قصرتوا ..


والله أن الأمور كل مالها في دبور ..


لكن على الله يا متم الصوم ومقيم الصلاة .. تدفى الكفوف الباردات ويجبر العظم الكسير



أم يارا أنتي مبين عليك عاقله وقدرتي تعدلين الموقف السلبي إلى إيجابي ولا كأنه صار شي بس الكلام فاللي مهوب عاقل ويحاول يبني وهو ما يدري انه يهدم .. عموماً الحاله يرثى لها عسى الله يعين حتى النوم ما صرت اهتني فيه ..


. لا يسهُر الليلَ الا من بهِ ألمُ.....ولا تُحْرِق النارَ الا رجلَ واطيها

اخوي والله حالتك صعبه

بس بقولك شغله بماانكم بعيدين عن بعض تفهمون بعض خطأ

راح اقولك عن تجربتي

اول مكالمه لي مع زوجي نااار حتى اني قعدت اندب حظي وهو بعد يقولي كنت اقول بعد المكالمه كيف حياتي بتصير معها

بس ابصبر وامشي الزواج <<<يعني فكر انه ممكن يكون طلاق

والمسأله كانت بسيطه سوء فهم

بس الحمدلله ماكلمته الا قبل الزواج باسبوع

واول ليله بالزواج اختلفنا بعد

لكن الحمدلله بعدها خلاص فهمنا بعض وحياتنا ولا احلى يارب لك الحمد الحين لنا اكثر من اربع سنوات

والحمدلله مبسوطين

انت خلك اعقل منها ولما تصير عندك بتفهمها ان شاء الله تفهمك وانت اقنعها ان حياتكم خاصه وهي بعد

بتعرف الشي ولا راح تتدخل اي شخص بحياتها لكن ايام الخطوبه لانه شي جديد عليها تحب تقوله للكل الاخوات والصديقات

الله يسعك ويوفقك يارب

	السلام عليكم اخي الافضل لك ان تحل المشكله قبل الزواج لانها اذا لم تحله فسوف تطاردك بعد الزواج اولا اسألها هل هي تحبك حقا وواضح من كلامك انها تحبك؛بعدها اخبرها ان اي تدخل بينكما قد يؤدي الى الفراق لا سمح الله وقل لها انك متمسك جدا بها وانك تحبها ولكن قد ينقلب الحب الى كره اذا استمرت كذا وانشاالله ستفكر زوجتك بكلامك وتفعل ما تريده والله يسخركم لبعض ويبعد عنكم شر الناس

__________________
[IMG][/IMG]

لن ازيد على كلامك اخي في الله

كويس اللي سويته وكلام سليم وباين عليك حكيم واكثر تعقلا وفقك الله في حياتك
وهو تقديم الزواج باسرع وقت
بس اللهم انصحها وبين لها الشي اللي تحب والشي اللي ماتحبه
وايضا تبين لها اذا انتي تسمعين كلام احد تكوني ماعندك شخصيه واللللخ عشان تنتبه من نفسها اكثر شوي
وارسلها كتب ثتقيفيه في الحياة الزوجيه واللخ

وفقكم الله في حياتكم وحفظكم الله من كل شر اللهم آمييييييييييين

بارك الله لكما وجمعكما على خير عاجلا ان شاء الله

__________________
للمتزوجين..من يريد منا الذريه فلنستغفر كل يوم وكل دقيقه
من دعاء زكرياسورة الأنبياء..نقول دائمافي السجود(ربي لاتذرني فردا وانت خير الوارثين) وآل عمران(رب هب لي من لدنك ذرية طيبة انك سميع الدعاء) لغيرمتزوجين..من يريد منا الزواج فلنستغفر كل يوم مع الدعاء..نقول دائما في السجود (ربي اني لما انزلت اليي من خير فقير) لطلب الوظيفه والمال وغيرالكثير...فلنستغفركثيرا..دعواتكم لي بالزوج الصالح ولإخواتي المسلمات
اللهم ارزقنا ازواج صالحين عاجلا غير آجل اللهم آمييين

أم يارا ..


يا هلا وغلا فيك .. ابشرك حالياً الامور تمام اليوم ارسلت لي رساله ( كلمني . شكرا ) واتصلت عليها .. طبعاً بعد محاولة كم يوم لانها مسويه زعلانه بسبب موضوع ثاني والحمد لله مشت الأمور تمام ( طبعاً مسويه تتثيقل علي وانا والله اني حان عليها والا اقدر اعلمها كيف الثقل بس وش اسوي لازم اخلي نفسي طويل ههه ) .. المهم ان البنت حاسه اني حاس ان فيه احد يتدخل في امورنا ويشوش وضعها علي وقالت ابيك تنتبه اني ما اعلم احد باللي يصير بيننا وان كل امورنا بالسر ومن هالكلام وقلت بارك الله فيك وواثق من هالكلام ههه وانا والله اني واثق عكس هالكلام بس يالله يمكن تعقل وتنتبه لنفسها ههه .. عساها تمشي الامور تمام لكن الله يعين .. وانتو يالحريم دوختونا هههه بس الله يصبرنا .. عموماً أختي والله حضورك وكلامك لي هنا كان له أثر طيب في نفسي فوق ما تتخيلينه .. بارك الله في الصلب الذي انبتك والبطن الذي حملك ..


همي لجنتي .. الله يسعدك وانا والله مطبق اللي قلتيه .. حتى قبل اسبوع لما جيتها في بيتهم علشان اللي صاير واحله بيني وبينها قلت لها .. قلت اذا ما تبيني قولي ولا تعلقيني وتقلقيني عليك .. لاني حسيت انك باللي تسوينه ما تبيني فلذلك اذا خايفه من احد قولي لي ومالك الا طيبة الخاطر .. بس مو كل وقت والثاني تحاولين تزعليني وتثيرين معي مشكله .. المهم انها قالت لا انا ابيك بس انت تفهمني غلط وتزعل مني .. طبعاً تعابير وجهها بينت لي انها صادقه في كلامها يوم جبت طاري هالكلام .. عموماً وفقك الله أختي وبارك فيك وشاكر لك حضورك ومشاركتك ..


همس القلوب .. بارك الله فيك شورك طيب وانا والله توني قبل يومين شاري لي كم كتاب على كم شريط واطلعت عليها واخترت الزين منها وابقدمه لها اذا رحت لها بعد بكره وان شاء الله انها تطلع عليها وتفهم محتواها وبتحل امورها كلها .. بارك الله فيك ..

__________________
لا يسهُر الليلَ الا من بهِ ألمُ .. ولا تُحْرِق النارَ الا رجلَ واطيها