أختي بنت طيبة الطيبة

أنا قلت لو السالفة مافيها مشاكل سابقة من أخته

والله أجي وأبوس راس خالتي وأعتذر بعد

لكن السالفة فيها أطراف خارجية منبوذة بالنسبة لي ,, وشوية ظلم منها الله يهديها


وعلى فكرة ,,

أنا وأمه وأخته ,, كلنا غلطانين مو شخص واحد

لكن بأي حق أنا اللي أعتذر ,, وراس المشاكل أخته ,, لولا وجودها ماصار شي من هالمشاكل

والله العظيم كانه انا انتي وتفاجات بكلامك بالاول نفس الظرووووووووووووووووف والله انا حاسه فيها زيييييييييييين
الرجل يحب امور معينه من الزوجه يحب البيت مرتب يحب زوجته تهتم فيه تحبه تطيعه بالمقابل المراه تحب الاستقلال
مو تبعيه لاطراف موملزمه فيهم وهالشئ الرجل يغمض عيونه عنه يااخواني المراه تحب لها مملكه تاخذ راحتها تستقل بنفسها ليش يظلمها مع اهله .. اهله لهم تقدير وحقوق وكذلك الزوجه له كرامتها لها حقوقها ..
اذا على امه هي امه هو مو امها هي .. يعني البر يجي من الولد مو من مرة الولد ..
يارجل امسك العصا من النص بر بامك مثل ماتبي لكن احفظ زوجتك كرمتها مو لازم كل يوم هي عندها وتسلم
خفف الاحتكاك بينهم راح تقلل المشاكل وتريح راسك من المشاكل ..
نفسيتها التعبانه من الضغط النفسي من الصدمه بالحياه الزوجيه شلون شخص نفسيته تعبانه وكل يوم مشاكل كل يوم
استفزاز شكل وتبغى اخلاقها اخررررررر حلاوه ...!؟

لا تدور تغير زوجتك الا اذا منحتها الاستقلاليه لانها وقتها راح ترتاح .. يااخي سعادة وراحة زوجتك من راحتك
انا كنت مثلها تماما .. وطلبت بيت والحمد لله استجاب لي على مضض ..

ياليتك تقرا كلامي وتحس بقهر زوجتك ..

ممكن تحطون مشاكلي وعلاقاتي مع أهله على جنب

وتركزون على أسلوبي وشخصيتي ,,

أنا عصبية خلقة وماأتحمل أي كلمة أو أي غلط علي

كنت أمسك نفسي ,, لكن الآن لاااااااا

من جد بعد زواجي تغيرت للأسوأ ,,

كل كلمة أو جملة أحس لها مقصد

لاتلوموني ,, أمه وأخته هذي بالذات كل كلامهم رمي ,,

يعني رمي كلااام ( تجديع كلام) سواء على أختي أو على أهلي أو علي

صرت زيهم والله ,, بس أنا كلامي مباشر وهم غير مباشر ,, ومتأكدة من سوء النية لأنو معه أفعال

أختي = حماتي

وهذي مشكلة ثانية ,, رابطيني فيها ,, ومنهم أنا ربطت نفسي فيها بعد ,,


المهم ركزوا الله يخليكم على شخصيتي وأسلوبي

معلومة :

أخته متزوجة بس من تزوجت أنا وهي تقريبا يوميا عندنا

يعني لأسباب كثيرة منها سفر زوجها أو زعل أو دلع

والبيت عبارة عن شقة صغيرة

جناحي غرفة ومغسلتين وحمام ,, والباقي مجلس حريم وغرفة أمه ومطبخ وصالة وحمام

وأخته مستولية على كل شي ,, بحكم إنو البيت بيت أمها

والبيت زوجي وأمه يدفعون أجاره

ابو جوري واجب عليها تلبي طلباتها ..؟ ولا اوامرها .؟ تلبي بطيب نفس منها مو ماموره تلبي لها
اذا كانت ام الزوج طيبه وتقدر اللي يخدمها تنحط فوق الراس وبالعيون .. واذا مايثمر فيها .؟
اعتقد الرسميه مافي احسن منها وتلب لها بحدود يحفظ لها كرامتها ..

لا واجب عليها تحترمها وتحطها فوق راسها لا تقوليلي رسميه ولا تقوليلي مادري شنو

هذي ام زوجها يعني في مقام والدتها ودامها هي وياها في نفس البيت واجب عليها تحترمها وتخدمها

لانها في مقام والدتها

اما انها ماتحترم امه ولا تقدرها وتحط راسها براس ام زوجها صدقيني مو من صالحها وراح تكثر على راسها المشاكل

وهي كاتبه طلاقها كان بسبب ام زوجها واخته

مافيها شي هذي حرمه كبيره بالسن وزوجة ولدها تعتبر في مقام ابنتها ماراح ينقص من كرامتها شي لو خدمتها وحطتها على راسها من فوق

تخيلي كيف راح تكون معاملة ام الزوج لها !!

الأم فضلها كبير ولا تنسي الجنه تحت اقدام الأمهات يعني هي جنتها تحت رجل زوجها وزوجها جنته تحت رجل أمه

__________________

امه هو مو امي انا هي ..

اسمعني يابو جوري .. مثل مافي زوجات متسلطات فيه امهات ازواج ظالمات ..
ياابو جوري انا محد طيري من بيتي الا امه الله يسامحها .. عاملتها مثل ماقلت انت انها مثل امي
وانا زي بنتها لكن هي والله ماعاملتني مثل بنتها الا كني ضرتها تشاركني بزوجي بكل شئ ياكل معاها
وانا اجلس لوحدي واسكت لو طلعت معه اتمشى قالت ليش مطلعها خليها تنطق بالبيت .. حتى الخدم بالبيت
والله يستهينون بي وتحرضهم علي .. حتى امي اذا جاتني زياره ماتعطيها وجه .. وكم مره اجي اسلم عليها وتصد لانها زعلانه من ولدها وانا والله مالي دخل بالمشكله اللي صارت بينهم .. اي مشكله تصير بيني وبين بناتها اسمع سبها ودعاها علي وانا بغرفتي وهم غلطانين مليون بالميه هذا وانا وقتها اسوي كل شئ حشمه له لزوجي حتى لو جيتها تسمعني كلام يستفزني بكيت ببيتي اكثر من اللي بكيته ببيت اهلي طول عمري ...وتوصل انهم يشكون باخلاقي .؟. مايخافون يوم افرش سجادتي وبنص الليل ادعي ربي ينصرني .؟! انسانه مظلومه مهضومة الحقوق .. غريبه بينهم وكلهم اللي باليت اخوان وامهم موجوده تدافع عنهم وسوي يافلانه تراها ام تفهمين وش يعني ام .؟

يرضيك يابو جوري يصير لاختك كذا .. والحجه تراها امه اللي تعبت عليه ... طيب امه وتعبت عليه انا ماعمري حرضت عليها اللي ابيه كرامتي انا بنت ناس يبو جوري ..

ولاتزعل مني يابوجوري والله ان كلام اغلب الرجال مثل كلامك وماهي الا كلمة حق اريد بها باطل ..


اسمحيلي اختي صاحبة الموضوع على كلامي لبوجوري وقطعي لموضوعك السموحه منك ...

اختي برق وسحاب ابداً ما زعلت منك

احنا هنا بالمنتدى اخوان متعاونين على الخير بمشيئة الله

انا ما تكلمت بمثالية ولا تحيزت لأحد ابداً

انا اتكلم من باب الذوق والأدب العام لأن مثل ما أنتي عندك غيره على زوجك برضه والدته تغار عليه

تقول وانا سمعت الكلام هذا من سيدة كبيره في السن واولادها متزوجين

( تقول : تعبت وربيت وكبرت وزوجت وتجي بنت الناس تاخذه من حضني )

معاملة ام الزوج فن أكثر النساء لايتقنه

الهديه لها مردود كبير جداً على قلب أم الزوج وين المشكله لو اشترت وحده من الحريم هديه لأم زوجها

عطر , قطعة قماش , الله يكرمكم صندل جديد

والله لها مردود كبير على قلب ام الزوج

ولا تنسي يا اختي برق وسحاب ان اصابعك ماهي وحده يعني في كل بيت في الطيب وفي البطال

لكن على ازواج الأبناء ا ان يعرفو من اين تؤكل الكتف

لو صارت ام زوجك في صفك والله والله لتقوم الدنيا وتقعدها ان ولدها غلط على زوجته

وبالنسبة للأخت الفاضلة زوجة عبدو

انا لم أغلط بكلامي فأنا اتكلم بالواقع اللي انا عايش فيه

وصاحبة الموضوع ما اقول غير الله يهديها ويسامحها من يوم ماسجلت في المنتدى ماشفت شخصية بها الطريقة صراحتاً

الله يصلحها ويهديها

__________________

يا اخي الفاضل انا لم اغلط كلامك بالعكس راجع كل ردودي وان شاء الله راح تفهمني

الرجاء مراجعة كامل ردودي .

__________________

أختي قلبي حنون

اقتباس:

ولكن أخبريه انك مثلما سوف تحاولي اصلاح مافيكي .. هو أيضا يقوم باصلاح مافيه من عيوب فلا يوجد انسان كامل..بإمكانكم القراءه في كتب العلاقات الزوجية ونفسيات الرجل والمرأه.. كذلك الحوار الهادئ بينكم ..

الحمدلله هو وعدني بالتغيير ,, لكن أنا ماشفت أي تغيير من ناحيتي

وطلبت منه إني أرجع بدون ماأشوف أخته بالبيت ,, ووعدني مانشوف بعض

لأنها هي بتسافر وراح تطول لسنوات

لكن مايقدر يفتح لي بيت لأنو غير قادر ماديا ,, وأنا تفهمت لهالشي وتنازلت عشان المادية

بس بشرط التغيير يكون من جميع الأطراف ,, يعني أنا وهو وخالتي ,,