انا لو مكانك قالت بنروح المكان الفلاني وحتي لو قدام الكل وانا ماابغي اخرج
اعتذر منها واقولها المرة الجايه ان شاء الله مالي نفس او مانمت او تعبانه او اي عذر
واروح غرفتي ع طول مااترك فرصه للمجادله
وبالنسبه للتصوير ضروري زوجك يعرف قبل يشوفها بالصدفه ويسبب لك مشاكل وبعدين ماحيصدقك انك مانك راضيه

حاسة فيك لاني عشت مع اهل الزوج
و ام الزوج تجيها يمين تجيك شمال

عشان هيك قلت لك سايري افضل مادام راح تتنتقلي
ما فادني معاها غير التطنيش و المسايرة و اذن من طين و أذن من عجين

والله بسايرها و أفوت لها , واقول مهما كان هي تعتبر كبيرة
انا سكني معاهم يمكن يطول , ومو معقول افوت لها واضغط على نفسي طول هالفترة .!!
راح اتعب نفسياً , تصرفاتها معايا الان مخوفتني ممكن تتمادى في تصرفاتها أكثر .!!

السلام عليكم ورحمة الله وبركاته ..
مرحباً أختي الكريمة ..
ولما تتوقعي الأسوأ منها هداكِ الله ؟!
الآن تصرفاتها مريها ولا تفكري بماذا ستعمل في المستقبل خذي الأمر من باب حسن الظن ..
لاتتوقعي حدوث المشاكل معها ..
نعومة احمدي الله عمتكِ طيبة وانتبهي لو كثرت المشاكل بينكما ثقي بأن علاقتكِ مع زوجكِ ستتأثر ..
وفقكِ الله ..

وعليكم السلام ورحمة الله وبركاته اختي سقيا

لأني دايما والله وبدون ما ابالغ أحسن الظن في الناس واتنازل , وآخذ على راسي
وكنت دايما اقول لنفسي , معليش يانعومه قدمي السبت عشان تلاقي الأحد
لاسبت ولا أحد , ماغير اقعد أكل في نفسي وانقهر .
انا فعلا ما انكرت انها طيبة ولله الحمد , وانا ما اتوقع المشاكل الا من تصرفاتها اللي بتخليني اكون حريصة معاها

وافهموني الله يرضى عليكم , انا مره مو في نيتي ادخل مع أهل زوجي مشاكل انا في غنى عنها وافتح عليا ابواب , وانا اللي بكون مضرره في النهاية .!
انا بحاول اتجنب معاها المشاكل واتغاضى , بس هالشيء يضايقني ويتعبني ويخليني اضغط على نفسي كثير

بكل بساطة ابغى طريقة اتعامل فيها معاهم تخليها تفهم انه في اشياء تضايقني ما احبها ولي خصوصيات
وحدود ما احب احد يتعداها ,! بدون مانتواجهه وادخل في مشاكل معاها .!

مكانه الانسب ..

__________________



احيانا يجب ان نفقد ذواتنا كاملة لكي نستعيدها كاملة ...

شوفي دامك في بيت الناس ما معاك الا تسايري وتمشي
وضعك ماله حلول جذرية ... مثلاً قسمك لو قلت لك غيري الباب
السحاب وحطي باب ثاني ينقفل ... انت ممكن ترتاحي لكن
راحة مؤقتة وراح يدخل الشيطان بينك وبينها وراح تفسر وتؤل
وتبدا حرب عن حق وحقيق...

المناسبات والخرجات كلمه وحده قوليها مافيني اروح
واسحبي نفسك او غيري الموضوع اووتبسمي وهي تعيد وتزيد
ولما يجي الوقت الموعود اطلعيلها وانت مو متجهزه
وان سألتك قوليلها انا مو اخر شي قلته لك ما ابغى اروح!!

لا تجلسي حاكره نفسك وتفكري فيها قصدها ولا مو قصدها
وتتعبي قلبك ... انا اشوفها وحده تحب تسيطر على حياتها
ولا حظي انت اللي في بيتها مش العكس عشان نقول ممشيتك
على كيفها...

واخر نصيحة اقولها لك من تجربة ... اذا حياتك انت وزوجك
ماشيه تمام والادمي متعلق فيك ومايحب يزعلك ولك بصمة
واضحة على حياتكم الزوجية كل امورك مع
اهله تتعدل لانهم يخافو يوقعوا مع ولدهم ويخسروه
وعلى فكره الحريم مافي ادهى منهم ... ومن نظره يعرفوا
الحرمه اللي مكوشه على كل شي في حياتها
من شخصيتها من لبسها حتى من كلامها ويهابوها كثير
لان عينهم على ولدهم في النهايه ومايبغو مشاكل معاه
هذا اذا كانو هم والمشاكل حبايب .... وفي اهل لما يشوفوها
سعيده مع زوجها ويسمع منها يدعولها لانهم يبغو لها زي مايبغو
لبناتهم ...

المهم اسسي حياتك مع زوجك وبقية الناس محطات مؤقته
في حياتك ...

من جد
احسها هي عرفت كيف شخصيتي , وعارفه اني من النوع اللي يستحي واجي على نفسي بعض الاحيان
و ما اقول لا
لأنها مره قالت لي انتي طبعك كذا وكذا ,
واحسها برضو خلاص ماتحترمني بعض الأحيان فسارت عادي مثلا انها تضربني مثال للفشل
قدامي وقدام بناتها , او تتكلم قدام زوجي عن بنات , مع انها ماكانت كده في البداية .!!
اخاف تحسب خلاص انا ساكنة في بيتها معناته تتحكم وتحركني زي ماتبغى ,
وبحكم اللي شايفته مع ناس واخواتي كانوا ساكنين في البداية مع أهل ازواجهم , شفت كيف حياتهم
كانت صعبة ولاتطاق لحد ما استقلوا لحالهم
وانا شايفة نفسي قاعده امر في البدايات والمراحل اللي مروا فيها , وعارفة انو غلط اقيس حياتي واقارنها
بحياة غيري , بس ما انلام والله

حياتي مع زوجي تعتبر ان شاءالله تمام صح مايحب يزعلني وفي نفس الوقت احسه ما يحب امه تزعل
و يلمح لي , وحتى لو كان على حسابي , انا طبعا ما ابغاه يتعود على هالشيء وفي الاخير اسوي الشيء
اللي يرضي امه حتى لو كان هالشيء يضايقني , والله يرضى عليكم انا ما اقصد انه مايبر أمه و ابوه
أو مايهتم فيهم او يكون ضدهم , انا بعض الأحيان انبهه انه سوا غلط مع اهله في كذا وكذا .
مثال :
زي لمن اقول له ما فيا اروح مع مامتك العزيمة اليوم , يقول لي طيب بس ممكن انها تزعل ويكررها لي !

وهي من ناحية داهية داهية لماحه ودقاقه في الكلام , يعني تعطيني بالكلام وماتقصر

انا ابغاها تعرف من البداية اذا طاوعتها مره ومرتين , ما اطاوعها كل مره .!!
ومو كل مره اجي على نفسي واضغطها واجامل ,

كيف ااوصل لها دا الشيء بدون مشاكل وحروب

يا نعومه يا بنتي يا عيوني يا روحي ام زوجك مو قويه ولا شي
بس الحياه اعطتها خبرات لا اكثر
وانت مو ضعيفه ابداً بس لسى ماشفتي من الدنيا الا وجهها الحلو
انا عن نفسي اول زواجي كنت بريئة زيك كذا واتضايق من ادنى حركه
بس مع الايام والوقت تعلمت ما ادقق ولا اساير احد على حساب نفسي
والشي اللي يرضي الله ورسوله سويته واللي مو جبوره فيه دخلت
في عين اللي مو عاجبه وقلتله ذا الشي مو جبوره فيه شرعاً اذا محد له
حق لا يحاسب ولا يزعل ........

انت بس جمليها ومشيها لحد ماتنقلي من عندها والله يسهلك
وتكون ذكراك طيبه في نفسها....ولا تقولي ما تحسب حسابي
ويلعب عليك ابليس ... انتم اهل وفي بيت واحد وعمرك شفتي
ام تحسب حساب بنتها!!!
والامور دي عاديه كبري مخك وامشي بكره اذا نقلتي وكان بينكم
تاتش تتمني الايام ترجع عشان تعدلي .... وخليك مزوحه وبشوشه
خصوصاً اذا رفضتي لها طلب خذيها بالمزح والضحك عشان تخف
على نفسها كلمة لا.....
بالتوفيق يا قمر...

مع الأخت العقد الفريد ..