المشاركة الأصلية كتبت بواسطة تهقون توافق

استــخـــر وتــوكـــل عــلــى الـلـه

واذا تزوجتها احتسب هالشي عند ربك

اشوف ان راح ترتاح معها كثير وراح ينفتح لك ابواب الرزق من بعدها اذا اخلصت النية


ومايمنع ان تتزوج بعدها ثانيه وثالثة ورابعة

أهم شي تعدل بقدر المستطاع


والله يوفقنا وياك وكل مسلم

المشاركة الأصلية كتبت بواسطة قزم بس عصبي

اخوي رجل طيب



مشكله الزواج ماتنفع فيه المجاملات ابد

والمشكله الاكبر انك اذا جاملت ووافقت تحسبك تبي ترتاح ???



لا والف لا


بيضل هالهاجس يجيك اثناء الخطبه ويمكن يستمر معك اثناء الزواج

وهو اني ليش اخذت وحده اكبر مني

ويبيلك تسد اذنك عن الناس اثناء الخطه ترى فكر الشخص يكون مشتت واي كلمه تجيبه وتوديه


يعني باختصار


لازم تكون مقتنع اقتناع كلي



اذا انت تحس انك مستعد تضحي عشان هالبنت ولا تسمع كلام الناس
ولا تقعد بكرا تهزءها وتجرحها وتقول انا اخذتك وانتي اكبر من وانا وانا



اذن توكل

المشاركة الأصلية كتبت بواسطة بنان

المشاركة الأصلية كتبت بواسطة night2005

اخوي ، ما شاء الله فعلا اسمك على مسمى
نصيحتي الشخصيه لك اولا طبعا تستخير الله
ثانيا، الرسول عليه الصلاة والسلام قال اقضوا حوائجكم بالكتمان، اللي ابي اقوله ، يا ليت تاخذ الموضوع بانفراد، اقصد ما له داعي مثلا تخبر المقربين انك براح تخطب قريبتك او وحده تصغرك، ليس من باب الأحتياط وبس ، لكن بالأمور ذي وايد مفيد الكتمان ما اعرف شلون اوصلها لك
ثالثا، ان كانت مواصفات بنت خالك مثل المواصفات اللي في بالك، اقولك توكل علىالله واخطبها
لكن لو ناوي تزوجها علشان تنقذها من عنوستها ، فانا اقولك لا تستجل

بالنسبه عن كلام الناس، ترى كلامهم ما فيه فايده، ورضا الناس غايه لا تدرك، لو خذت ضعيفه قالوا لازم تاخذ متروسه
ولو خذيت وحده اصغر بخمس سنوات قالوا ما راح يكون بينهم تفاهم
يا اخي، شعليك من كلام الناس، اهم شي تكون سعيد ومرتاح ، والرسول عليه الصلاه والسلام لنا فيه عبره

بالنسبه عن الأنجاب، يااخي البنت موكبيره يعني ما طافت الأربعين علشان تقلق

انا اشوف من كلامك عنها انها مناسبه ،

بالنسبه عن سالفه الرفض والموافقه هذاكله بيد الله، اللي ربك كاتبه بيصير، بس لو باذن الله تزوجتها بليز لاتعايرها وتقول لها مثلا لو ما انا جان ما تزوجتي وانا اصغر منك وانا وانا ، وانا اعرف ان ما راح تقول بس لازم اوصيك
في دعاء ((اللهم سخر لي فلان كما سخرت الرياح لسليمان))
وحاول امك تتقرب من البنت وانت اكسب ودها وباذن الله بتشوفها موافقه

راح ادعي لك ولو بغيت رايي اقولك توكل واخطبها
لأن لو انا كنت بوضعها صج ما جاني نصيب ومثلا تقدم لي واحد اصغرمني بس مناسب وشيخ الرياييل راح اوفق مو لأني ما في نصيب لي من قبل بس ليش اضيع فرصه ممتازه ، بالعكس هذي هديه من الله

دعواتي لك واتمنى فعلا انتدعو لي بسجودك ان يرزقني الله زوجا عاجل غير آجل
بالتوفيق يا اخوي

المشاركة الأصلية كتبت بواسطة الوفية لوالديها

أخي الفاضل .. هناك شيء واحد أريدك أن تسأل نفسك . هل اذا تزوجتها ستظلمها معك ؟؟ سواء أكان بالكلام أو حتى بالتفكير .. هل ستتحسر أنك لم تتزوج بمن هن أصغر منها ؟؟

أرجو أن تجلس مع نفسك و أن تجيب على هذه الاسئلة - بكل - صدق و شفافية

اذا كنت ستظلمها .. فأنت تعلم مالذي يجب فعله ..