تبغي تفرحيه قلبها نكد عليكي

يقولو انو احنا الحريم عقولنا ناقصه والرجال يضحكو علينا وعلى هدايانا
ترا الرجال مايبغو كل دي القلوب والهدايا والحفلات لو سألتيه راح يقول انتي بسطتي نفسك ولا الرجال بسطته انك ماتدفعي وتخسري كل دي الخساير
ويوصله الحب بإنك تكوني مطيعه
وفري فلوسك

على قد ما كنت مزعوجة من ردة فعل زوجي على هديتي
بس انحرق قلبي عليك وهانت علي ردة فعله.
الله يعينك حبيبتي ويقويك ويرزقك الصبر
أنا لما شاف الهدية قال شاريتها لك مو لي
لأني كنت أبغى شي مشابه بس حسيته أحوج مني
وماطالع فيها حتى
وأكدت انها له ويكرر لا لا واضح شاريتها لك
زي اللي يقول خذيها
وإلى اليوم مركونة على جنب ولا كلف نفسه يفتحها أو يقول كلمة شكر.

قلبت عالوجه الحلو امس واليوم
وقلت له قبل شوي ابغى شغلات للعيد
بابتسامه حلوه ودلع
قال: طيب مع انك ماتستاهلي!!
قلت نعم؟
قال ايه ماتستاهلي بعد اللي سويتيه
انا هنا انفجرت عليه
وقلت كل اللي بخاطري
عصب وغصب انا غلطانه غلط فادح
ورجع يذمني ويذم هديتي
وقال لي يابخيله هديتك ماتوصل 100ريال
قلت والله ب600 قال انا استاهل الفين
قلت مافي بحسابي الا 5000
قال اللي يسمعك يقول 5 ريال
قلت يعني اصفر الرصيد عشان ترضى؟
قال ما ابي منك شي يا الكذابه
اثبتي لي انك كذابه ومحتاله وانا صدتك


كلمه منه وكلمه مني وعلا الصوت
ونزلت دموعي
وجلس يتمنن علي بهديته اللي كرهتها

قلت ما ابي منك شي
وقال اني ما ابي سحورك
ودخل يطبخ الاكل لنفسه

شفتي اللي ملون ؟

انت غلطانة هنا ..

الرجال بيمزح معاك ، و يتغلى عليك ..
كان ممكن وقتها تتصرفي بطريقة ( تكون لصالحك )

شيلي موضوع الكرامة بينك و بين زوجك ، و بترتاحي و يرتاح ..

,
,

مشكور اخوي محب السنة على رأيك ..
اول مرة اعرف اني كذا

انا لو تقبلت جملته لما قال: طيب مع انك ماتستاهلي
وقلت اوكي خلاص بكرا نشتريها
كان ما صارت الهوشه
بس انا ما تحملت انهان يومين على شي عملته بحسن نيه
ما اقدر اتقبل يجرحني واسكت
اهم شي اخذ اللي ابي
قاعده غبيه
الاحترام قبل الماديات

هوا كذا لكن اللي سار سار
سيببيه اليومين هذي وتفرغي للباقي من رمضان
الله يصلح الحال

__________________
اللهم صَل وسلم على نبينا محمد

هديته هو شاريها لي حتى اكشخ للعيد
ناويه اتركها بالدولاب بعلبتها
لاني فعلا كرهتها
ودام يتهمني بالبخل
ويقول لي حتى بالصيدليه تاخذي فيزتي!!
فانا ناويه ما اخذ منه ولا ريال هالفتره
وهالشي اعرف بيصغره عند نفسه
وبعد العيد بدور لي اي وظيفه
هذي قرارتي والله يكون بالعون

كنت رح اقترح عليك تدوري وظيفة
لقيتك سبقتيني.
دامه يتمنن عليك بالهدية و يقارنها بهديتك رغم انك مو موظفة عيب عليه
قول معروف خير من صدقة يتبعها اذى
حطي هديته لك بمكان يشوفه و خليها مثل ما هي.
قومي بواجباتك عالصامت و ان كلمك ردي عليه على قد السؤال.
تتذكري وش قالت لك شوك لما رجعتي بيتك دون ما تحطي النقط عالحروف ؟؟
ما تعلم ابدا من اللي صار و رجعت حليمة لعادتها القديمة باقل من شهر.
الله يرزقك بالوظيفة و يعينك عليه

مستمرة في تصعيد المواقف
للأسف

ستسلكين الطريق الخطأ

المشكلة أنك تعرفين الحل لكن عند التطبيق

ترجعين لنقطة الصفر

ومحلك سر...

وما هو الحل يا محب السنة؟