أخي abou maryam

جزاك الله كل خير!!

انا رابطه على قلبي وصابره أقول لعل وعسى يشعر بغلطته أو على الاقل يشعر أنه ما قارد يستغنى عني وعن بنته لكن للاسف ما أتصل ولا حاول حتي يرسل لي مسج. وهالشي جرحني أكثر وقهرني.

الله على ما أقول شهيد أني هالانسان دلعته وحبيته وكنت أدوس على نفسي عشان اشوفه مبسوط لكن للا سف كل اللي كنت أسويه كان هباء منثورا

أنا رديت على اتصال عمتي (أمه) وكانت تطمن علي وعلى البنت وسألتني عن زوجي لكن ما خبرتها انه صاير شي ولا أنه ترك البيت وخلانا بس حسيت من صوتها أنها متوتره او شاكه بشي لانها كل شوي تسالني خير في شي.

ما خبرتها باللي حصل لاني قلت اعطيه فرصه يراجع عقله ويتدارك الموقف قبل لا يطلع خارج نطاق السيطره ولا خبرت أهلي

اليوم أخوي سألني وين زوجك وايش صار!! خبرته انا ما قارده اتكلم ف الموضوع وما صار شي. هوه زعل وهو بيرضى لحاله.

قلبي مجروح وعقلي منشل ما قارده اركز ف شي. كل ما اتذكر قتاله المستميت اني اوافق اتزوجه ووعوده ودموعه انه بيخليني سعيده وتصرفاته الحين أحس اني بموت من الحسره.

الله يهديه ويسامحه. والله محتاجه دعائكم. ما اريد اذل نفسي عشانه وما اريد أقوله يرجع لاني خلاص دست على كرامتي بما فيه الكفايه.