مرحبا اخي متزوج ومتوهق وان شاء الله منت متوهق
ياأخي انت مع زوجتك الاولى 18 سنه ماهي سنه ولاسنتين ولاثالثه بل ايام وشهور وسنوات....
زوجتك كانت عند اهلها زعلانه انت حاولت انها ترجع ثم ترجع وكانت هي رافضه ثم جيت انت
وكسرتها بزواجك (والحب الاعمى ترك في قلبها جرح زواجك اللي هي رافضه تتقبل هذا الامر)
هي ماتوقعت ابدا انك بتتزوج وهي مابين حيره وتفكير وعذاب انت كنت تقول أن احنا نتعاشر ولاكان بينا شئ صار
واذا ذهبت أنت للمحكمه وامام القاضي بدت مشاعرها تتلخبط بين الغيره القاتله وبين الحب الاعمى وبين نار مشاركة زوجه للك
وانها بتاخذ كل حياتك
أنا متاكده ان زوجتك مو قصدها انها تفتري عليك او تظلمك بس تعرف كيف مشاعرها يعني بالاصح يعيش بداخلها (بحر من القهر )هي رافضه تتقبل هاذا الامر
ولكن يأخي بعد كل هاذي سنوات تبي تجعلها تخرج من بيتها اللي عاشت كل لحظه حلوه وكل ذكرى جميله عاشت فيها بذا البيت هاذي ام عياللك وعلى حسب ماتقول انك تحبها وتموت فيها وقلبك وروحك وحياتك معها تبي تتطلعها من اجمل ذكريات عاشتها بذا البيت مو كفايه انك كسرتها بزواجك وبعد كل هاذا العمر تبي تتطلعها من البيت حتى بنتك قالته قالت انت بتطلع امي وتحط زوجتك ثانيه في بيتنا شوف كيف صغيره حست وفهمت ونا ماااتوقع ان امهم بتسلطهم عليك لانها بالاصح تحبك
ولا اتوقع انها بتضر عيالها وتضر نفسياتهم وشئ طبيعي جدا ان البنت يكون قلبها على الام هاذي امها ماهي وحده من شارع
والله انا اقول ياأخي في الله اذا كانت ظروفك جيده فجعل البيت لاأم عياللك فهي احق بهاذا البيت هي واولادها ونت اذا كنت مقتدر ابحث للك عن بيت مثل بيتك اللي انت فيه وصدقيني ستكبر بعين اولادك وعين زوجتك الاولى وعين زوجتك ثانيه
وبارك الله فيك على رغم من حبك لزوجتك الاولى انك لم تتطلق ثانيه وهاذا القدر فيك العدل يأخي في الله
وصدقيني سواء رجعت للك طليقتك ام لم ترجع وأذا اخرجتها من بيتها فهي ام اولادك فهاذا شئ سيؤثر على نفسية عياللك
بارك الله فيك ياأخي

__________________

(ياليل حزني كبر)عليك نوور قلتي اللي في بالي

يااخ متزوج ومتوهق معظم النساء اللي يتزوجون عليهم ازواجهم اذا كان بينهم حب تطلب طلاق الثانية من حبها له وغيرتها عليه ماتتحمل تشوفه مع وحده ثانية وصدقني زوجتك الثانية لو هي بمكان الاولى يمكن تسوي اشد منها.
انت تزوجت عليها وكمان جاف معاها وقاسي المفروض احتويتها وطمنتها انها الاغلى وانه مافي مثلها وبينت لها حبك بس تخاف من عقوبه ربي ماتقدر تطلق الثانية صدقني معاملتك الحسنة وحبك لها راح يخفف عليها صدمة زواجك.
عندي احساس انه لما طلبت طلاق الثانية انت رفضت وجلست تدافع عنها اكيد بتنقهر زياادة وتحس انك كرهتها .
وعيالك لاتتعب نفسياتهم وتدخلهم بمشاكلكم اتمنى تجلس مع نفسك وتفكر بمصلحة عيالك وحبك لزوجتك مو حب يوم او يومين او سنه علشان تبيعها بهالسهوله تخيلت نفسي مكانها وزوجي سوا مثلك تزوج وطلقني انا ونسى العشره اللي بينا والله راح انساه واتمنى اني بحياتي ماعرفته.

__________________

اشكرك اخت ترف على المشاركه....هي فعلا طلبت الطلاق ومصره عليه فهي اختي لاكثر من سنه وهي تعاند وتتهمني باشياء الله العالم انها بعيده كل البعد عني .... ويوم تزوجت جات تعاتبني وتلومني ... اعتقد لو كان فيها عقل تبقى على بيتها وعيالها وتحاسب نفسها وتتحمل على الاقل جزء من الي صار وانا متاكد ان 90% من مشاكلنا منها ولكن كيف اقنعها ... وبالنسبه لها مشاكلنا السابقه انتهت والمشكله الان زواجتي.... ومرة وجدت عمها بالصدفه وتكلمت معاها قالي بالحرف اخي شوف لك زوجه اخرى فهي لن تصحى من ماهي فيه الا اذا تزوجت اما ان تعتدل واما ان تطلق ...و انا كلمتها وحاولت فيها الا انها شايفه الجميع غلط وهي على صواب ففضلت عدم التدخل مره اخرى ....

ياليل حزني كبر.... اشكرك على المشاركه تاكدي اختي باني لم اكسرها فهي التي كسرت نفسها بنفسها وهي من دمرت بيتها ... وانا هنا انصح خواتي ممن لديهم مشاكل بسيطه ان يتغاضين عنها ويحافضين على ازواجهم وبيوتهم ويبعدو عن العناد والثقه الزايده فقد تنقلب على روسهم ورؤس ازواجهم وتدمرما بنوه لسنوات طويله ... بالنسبه للبيت معتقد انه من العدل اخلي لهم البيت الكبير وانا اطلع صعبة جدا و معروف ان الزوج يجب ان يوفر مسكن مناسب يتناسب مع عدد الافراد ....فطليقتي هي من اختار هذا الطريق وعليها تحمل تبعاته...تناقشت انا واحد اقارب طليقيتي (خالها) فقال انا ما اقدر اتدخل لان مستحيل اقدر اقنعها بغلطاتها قبل زواجك او بعده فهي تعتقد بان العقل والرزانه والحكمه عندها والغريبه انها تعتقد بان الناس الي حوالينا مؤيدينها وهذا عكس الواقع تماما وايضا بعض اخوانها معارض لما تفعله ولكن ما بيده شي يفعله والبعض الاخراقنعتهم بامور لا يمكن ان تصدق فوقفو معها بالباطل.... وهي ما كانت تعي بان هلامور سوف تعجل في دمار بيتها .....لكن انا متاكد بانها الان وعت وفهمت الدرس ولكن بعد فوات الاوان والله وحده يعلم باني متاثر وزعلان عليها اكثر من نفسها....

نصيحه خذا مني لاتطلق الثاني لانك ماراح تتعدى حوبتها نصيحه وزوجتك الله يهديها مافكرة بالعاقبه
ماخافت من الذنب من طلبت طلاق ظرتها حرمت عليها رائحة الجنه زوجي السابق رضخ لكلام زوجته وطلقني بعد اصرار منها ودعيت ان الله ياخذلي حقي منهم وفعلا حصلت المعجزه بعد سنه من طلاقي وطاح من العماره حقته ونكسر ظهره مسكين له الان سنه وهو لسى ماجبر يعني صار مثله مثل الحرمه بالبيت بالعكس الحرمه احسن منه فهمتني وش اقصد وهي جاها مرض نفسي لانهم ضلموني ونا مالي ذنب وكسرو خاطري
اصر ع رايك انت لو طلقت الثانيه خلاص اتاكد انها راح تمشي كلاهما عليك

ياأختي هو شاف في زوجته الثانيه مميزات اكيد حبها قلبه ولو راى فيها عيوب في اخلاقها او اي شئ ثاني لاكان طلقها هو متمسك بزوجته الثانيه ومستحيل يطلقها وهاذا شئ منتهي منه
لكن حنا نتكلم عن احساس امراءه زوجها تزوج عليها ثم انكسرت بطلاقها وهو بنفسه ياحبها ويقدرها وانها كل شئ بحياته وهو يبي يرجع حبه له وهو بنفسه قال انها ونعم الزوجه ولكنها تغيرت بالاخير ....

__________________

الاخت بقايا حلم اشكرك على المشاركه ....انا اخذت الثانيه عن قناعة ولا يمكن ان اطلقها لطلب الاولى فلم ارى منها شي يستوجب طلاقها ..... واكون صادق انا احب الاولى واعشقها ولكن ما ذنب الثانيه انا لن اطلقها لكي اراضي الاولى مهما كانت النتائج .... الثانيه انا لم اكرهها ولم احبها اعاملها بما يرضي الله قد يجوز مع العشره احبها وقد يجوزبان الي انا مار فيه الان مع الاولى حاجز نفسي بيني وبينها ما ادري ... بس الي انا متاكد وواثق منه حبي للاولى رغم انها قالت وفعلت اشياء عني المفروض اكون ان انا اكرهها واكره معشر النساء جميعا ....

عندي ملاحظة

أنا أقدِّر جدا كلام الأخوات القائلات بابقاء الزوجة في البيت الكبير , ولكن لتعلم أخي الكريم أن هذا سيسجل في المحكمة ( ومحاكم الامارات وقطر والكويت ) معروفة بحفظ حقوق المطلقات بشكل قوي جدا لهن نفقة للأولاد تخصم من الراتب مباشرة بدون مشاورة الرجل اصلا ولهن بيت وحتى خدامة وسائق لو تريد ...

هذا غير الأراضي والبيوت التي تنفق خصيصا للمطلقات من جهة الحكومة

فان كنت تطمح لأن يكون البيت هذا لك فيما بعد فاحذر أن تلزم نفسك بشيء أمام القاضي لانك ستوقع نفسك في حرج لن تخرج منه أبدا

وان كنت تنوي ترك البيت لهم وتبني لك بيت جديد ( اذا كان لديك القدرة ) فاترك البيت لأولادك ولا تبخل عليهم

والله ولي العلم

__________________

يَا ذِكْرَيَاتِ الصِّبَا عُودِي لِذاكِرَتِي

فَقَدْ يَجِدٌّ إِلَى لُقْيَاهُمُ أَمَلُ

بارك الله فيك يالليل حزني كبر

والا كثر اللي عجبني ردود الاخت الماضي الدفين ماشاء الله تبارك الله على رجاحة عقلها

أخي الكريم

اذا سمحت لنا أنت قلت :

اقتباس:

ولكن لا انكر ابدا اختي الماضي الدفين معظم اوطول حياتنا كانت ونعم الزوجه الا في الفتره الاخيره انقلبت راس على عقب

أولا : ما الذي قلب زوجتك ؟

ثانيا : فترة خروجها من بيتك سنة هل استرضيتها وطيبت خاطرها ؟ لأنك قلت انها رجعت من نفسها يمكن انها كانت تنتظرك تراضيها وما راضيتها ورحت تزوجت ؟

ثالثا : ذكرت أن زوجتك بعد زواجك باسبوع رجعت ؟ كم الفترة اللي قعدت فيها زوجتك الاولى مع الثانية قبل الطلاق ؟

رابعا : هل كنت تعدل بينهم ؟ ولا ملت لاحدى الاثنتين ؟ هل كنت تغيض زوجتك الاولى بالثانية ؟

أتمنى تجاوب على أسئلتي وما يكون فيها احراج

اقتباس:

المشاركة الأصلية كتبت بواسطة صرخة حب بارك الله فيك يالليل حزني كبر والا كثر اللي عجبني ردود الاخت الماضي الدفين ماشاء الله تبارك الله على رجاحة عقلها

شكرا غاليتي صرخة حب

وما توفيقي الا بالله

أرجو الله أن يوفقنا لمساعدة غيرنا بالطريقة الصحيحة التي ترضي الله

موفقة

__________________

يَا ذِكْرَيَاتِ الصِّبَا عُودِي لِذاكِرَتِي

فَقَدْ يَجِدٌّ إِلَى لُقْيَاهُمُ أَمَلُ