السلام عليكم

شخباركم اخواني وخواتي

انا ماعندي حد غيركم استشيرة واخذ رايه

انا بحاول اني ادخل في الموضوع على طووووووول

امس باليل جاتني الوالدة وقالت لي خبر يمكن لو انقال لاي بنت غيري راح تفرح بس انا مدري ليش مافرحت على العكس كنت خايفة انا من زمان وانا احلم اني اتزوج مثل اي بنت من يوم انا في الثانوي والحين انا في سنه رابعه في الجامعه يعني عروسه وفي سن زواج بس المشكلة انا مالي رغبه في الزواج بالذات في هاي الوقت

قالت لي الوالدة انه في ثلاث رجال متقدمين لي ( طبعا انصعقت ) ثالثه في وقت واحد

اثنين من العايله وواحد من عايله ثانيه

بس الوالد والولدة متشجعين لواحد منهم بس وهو ولد خالي مع انه الوالد عطاني حريه الاختيار بين واحد من الثلاثه بس قالي ولد خالج هو الافضل بينهم كلهم

شاب اخلاق ويصلي وحالته المادية ممتازة وراح يسكني في بيت لحالي ويحضر للدكتوراة وشاب محترم بكل معنى الكلمة وكل رجال العايله يتمنونة لبناتهم وحته انهم كانوا يعرضون بناتهم عليه يعني هو زوج مناسب بكل معنى الكلمة اخلاقيا وماديا وكل حاجه حته كل بنات العايله يقولون لو خطبنا بدون تفكير راح نوافق لانه مافي مثله

بس اكيد راح تسالوني وين المشكلة ؟؟

المشكلة انه انا بيضاء وهاي الشاب اسمر بالنسبه لي انا مع انه الوالد يشوف لونه عادي مو اسمر كثير نفس امه ( خالي كان متزوج وحدة سمراء وااااااااااايد )

انا خايفه من هاي المشكلة هو مو نفس والدته اسمر يعني افتح منها بس انا خايفه لو تزوجته عيالنا يطلعون على جدتهم الي هي ام ولد خالي يعني انا كنت ابي شاب يكون على الاقل ابيض ولا حنطي ماكنت مفكرة اني راح اتزوج شاب اسمر اموي تقول لاتضيعينه من يدك انا قلت لهم انه ولد خالي عمري حياتي ماحطيته في بالي ولا عمري فكرت انه يكون زوجي لانه بصدق مو الشاب الي احلم انه زوجي

امس طول اليل صادني ارق مانمت الا اربع ساعات واول ماصحيت الصبح على طول دخلت المنتدى ابي اعرف رايكم شاسوي والله حاسة بالضياع

ادري يمكن تحطون في بالكم اني سطحيه وتافهه مثل ما الوالدة تشوفني تقولي الشكل مو مهم بس انا عندي مهم لما الشخص يرسم صورة خياليه في باله ويقعد يحلم وفي الاخير ينصدم بالواقع

اتمنه اني انكم تشورون علي شاسوي انا محتاجتكم بصدق هاي المرة لانه احس انه هاي قرار مصيري بالنسبه لي وبعد الحين ماعندي عذر الدراسه لانه باقيلي سنه وكورس صيفي واتخرج يعني ماعندي عذر اتعذر فيه قولوا لي لو انتوا مكاني شكنتوا راح تسوووون واتمنه القه منكم تجاوب وماتخلوني لحالي لانه ماعندي حد اقوله الي في قلبي مثل مانا اقول هنا في المنتدى

ادري اني طولت عليكم بس انتظر ردودوكم

مع تحياتي :

اسيرة قطــــــــــــــــــر