السلام عليكم ورحمة الله وبركاته..

يا هلا بالبنوتات...

الكل عارف اني مبتدئة جدا بالطبخ لكن اختكم استحت على حالها وقررت تبدأ تتعلم وتطبق..

السالفة وما فيها إني كنت قبل كم من يوم مع صديقاتي رايحين نتغدى, ووقفنا عند Santino's عشان نطلب باستا, أنا اخترت Wees Pasta..

واللي يشتغل هناك سواها لي وانا أشوفه, المكونات سهلة جدا وبسيطة ومتوافرة, بس اللي حيرني إنه سألني أي Sauce أحط لك؟ قلت أي شي فحط لي Cream وTomato Sauce وطلع طعم الباستا رهيب..

أنا صممت وأصريت إني أسويها بالبيت واللي شجعني سهولتها, بس اللي حيرني هو كيف ينعمل هالCream وكيف أعمل الTomato Sauce بطريقة تكون لذيذة ومبّهرة "تحتوي على بهارات" ؟..

أدري تعبتكم بالكلام بس أحب التفاصيل..

أتمنى تساعدوني وإن شاء الله بس أسويها انزل لكم صورها..

الاشراف : تم تعديل العنوان يتناسب مع المضمون

مستكة_مستكة

__________________

ودي أفيدك
لكن مافهمت ماتريدين بسبب الكلمات الغير عربية
ترجمي وباذن الله نفيدك

انا نفسي مااعرف شو هذه الاكله!!!لكن شكلها نوع من انواع الباستا..طيب اكتبيلنا مم تتكون?

__________________
{اللهم أكرم اخواتي الغاليات عاشقات الامومة بالذرية المباركة والطيبة قريباً يارب}

دلوعه تبغى طريقه صوص الطماطم اللي نحطه فوق الباستا

وطريقه الكريم صوص اللي يجي لونه ابيض


اختي انا اعرف بس للاسف مااعرف المقادير بالضبط


وما ابغى اقولك مقادير واخاف تطلع غلط


بحاول اجيب لك هي باذن الله

__________________
يارب ...والباقي وحدك تعلمه

كريم صـووص اذا ماخاب ظني ..

هي نفسها كريمـة الخفق الي تجي جاهزه ..!!

انا استعملها على الفوتوشتيني .. ومرره طعمها واااااااااااااااااااااو ..

بس اكثر منها الصراحه عشان تصير متشربه الصـوص ..

ياربي اشتهيت آكلها ..


سلامـووو وبالعافيـه مقدما ..

__________________
{ احبــــ ـــكم بلا استثنـاء ~

دلووعه حسين انتي سويتي نداء للشيفات
بس آنا مو شيفه آنا حلللوه ههههه

شيفه عندنا معناها جيكره(موحلوه)

اعشق الباستات
ومتابعه للاستفاده!!

[SIZE=3]بكر الشايب اشلووونج ..وحشتيني
معاي بالموضوع يحليلها بكوره

__________________
اللهم احفظ لي زوجي وسخره لي واحفظ لي اولادي

هلا بدلووعتنا

شوفي حبيبة قلبي


بعطيك وصفة الصلصتين لكن نصيحتي لك .. حطي صلصة الطماطم وحطي فوقها قشطه عادية (علبة نستله) وشوفي الطعم الرهيب واحتفظي في هالسر لحالك (خليه طبقك المميز وقولي المكونات سرية واخترعي لك اسم له )


المهم


الصلصة الحمراء


تحتاجي الى بصلة مفرومه ناعما
فص ثوم مفروم
علبة طماطم محفوظه (مو صلصة طماطم) - او اذا ما لقيتي ممكن تبشري 5 حبات طماطم
ثلاث ملاعق كبار صلصة طماطم
نصف كوب ماء
رشة ملح
رشة سكر (ضرورية جدا)
رشة فلفل أسود
اوريغانو
(في بالسوبرماركت بهارات ايطالية اذا وجدتيها روعة)

طبعا البصل والثوم في شوية زيت زيتون لغاية ما يذبلوا وتحطي الطماطم والصلصه والبهارات عليهم


في النهاية حطي علبة قشطة نستله فوقهم وذوقي



اما اذا حبيتي تخلطي هذا وذاك


فالصلصة البيضاء هي البشاميل تماما لكن بقوام اخف وهي عبارة عن :

ملعقتين زبده
ملعقتين طحين
نصف فص ثوم مدقوق
كوب مرق دجاج
كوب حليب

تسخن الزبده وتخلط معها الطحين والثوم وعندما يتغير لونه نضيف مرق الدجاج والحليب ونضيف الملح والفلفل الاسود فقط



بالتوفيق حبيبة قلبي

بانتظار الطبق

__________________

هلا ناني طيبة فديت قلبك .. اكتب بهالوصفة وجاني تليفون وانشغلت ورجعت لها ما تشوفيني ساعة بالصفحة ؟

هههه جمعة مباركة لك وللجميع حبيبة قلبي

__________________

يا هلا بأم داليا..

آسفة عزيزتي, بس هو حط لي صلصتين صلصة لونها أبيض قال لي انها "كريم" والثانية لونها أحمر قال انها صلصة طماطم فحبيت أعرف كيف أعملها؟

شكرا لمرورك..

__________________

هي باستا صحيح, ولذيذة جدا..

مكوناتها سهلة جدا, منها المشروم والربيان والخضار راح أنزلكم اياها قريبا إن شاء الله..

شكرا لمرورك..

__________________