السلام عليكم
ارجو ان تنصحوني فانا بحاجة لكم
انا فتاة متزوجه منذ اشهر قليله ولكن لااملك بيت خاص بي بسبب ظروف عمله ولكن من شهرين استقر زوجي في عمله وعندما اطلب منه ان يجهز لنا بيت يقول لي انه يبحث عن منزل وانا سافرت مع زوجي ببداية زواجنا ومن ثم ذهبت للعيش في بيت اهلي واصبحت لاارى زوجي الا بالاجازات والتي يكون فيها مشغول مع اهله واصحابه لذلك فانا لااعرف زوجي جيدا واصبحت اشعر انه يكذب علي وزوجي ايضا ضعيف الشخصيه امام اهله وياخذ برايهم في كل شي المهم اني قلت لزوجي اما ان تحضر لي بيت اعيش به معك واما ان تطلقني لانه حتى في اجازته نذهب للعيش عند اهله ولا اراه الا وقت النوم وانا سئمت الحياة معه ويرفض ان نستاجر شقه مفروشه بحجة انه يخاف علي وطلبت من اهلي ان يتدخلون في الموضوع لاني تعبت من وعوده الكاذبه ولكن زوجي لمن يرد على اهلي وفي اخر مره تكلمنا قال لي لو اصريتي على البيت راح اطلقك فانا محتاره هل بهذه السهوله يتخلى عني وهل اخطات عندما طلبت منزل خاص بي لو غرفتين فانا راضية بالقليل لكن المهم ان اكون بجانبه هل اتصل به ام اتركه وهل الطلاق من صالحي فهو زوج لايتحمل المسووليه ام ماذا؟
جميع من حولي يقولون انني على حق ولكني محتاره
اعذروني كلامي ملخبط لكن اتمنى اجد حل ؟

الله يعينك حبيبتي
طيب هذا لو يقول لو طلبتي بيت الي هو ابسط حق من حقوقك وليش اصلا الوحدة تتزوج االا عشان تجتمع مع زوجها تحت سقف واحد..هل تضمنين هذا الرجل في المستقبل انه ممكن يطلقك لو طلبتي شى اخر؟
اترك الاجابة لك

__________________

انتي على حق واذا رفض يوفر لك مسكن وطلقك فهذا بايع خالص ومعليه حسافه
الا اذا كان مفهمك من قبل الزواج انه راح يكون هذا وضعك فهذا شيء ثاني

لو طلقني علشان بيت اكيد ماراح اضمنه وبنساه والله يعوضني ومشكوره اختي

ياليت اللي يدخلون يردون علي والله حطمتوني

لاحبيبتي احنا متفقين ببيت خاص فينا من قبل الزواج

حبيبتي لا تتحطمين ولا شى
اذا موفر لك ولو غرفة ليه تتحطيمن هل يستاهل منك التحطيم
المفروض تطلبين بيت من اول ماتزوجتي وهذا الشى الطبيعي عنده ولا ماعنده اجل ليش تزوج؟
ان شاء الله غرفة اهم شى تكوني مع زوجك

__________________

حبوبه شوفي لو طلقكـ عشـآن بيت

جد ما يستاهلكـ

و لا يستاهل تعيشين معــآه ..!

بس انا مابي احطمك و بقولك شي منطقي

جربيه و ان شاء الله تستفيدين منه و تتعدل حياتكـ

لو كــآن عندهـ غرفه حاولي انك تضلين معه على طول مو عند اهلكـ

حتى لو بغرفه ... و انتي بسياسه و دلع حاولي تفهمينه و تقولين له ابي شقه صغيره

اكون معك لحالنا فيها عشان ادلعك و اسوي لك .. اسوي و اسوي و اسوي ....

بس كذا ما اقدر اخذ راحتي .. و قولي له انك تحبينه و بعادهـ عنك يذبحك ..

و اذا كان ما عندهـ شخصيه قدام اهله .. و صار شي حسسيه انتي انه الكل في الكل و شخصيته

قويه ... و انا اعتقد ان الرجال كذا يلين و اذا صار معك لين تقدرين تاخذين اللي تبين

بس بالكلمه الحلوة و الصبر و الذكاء ...

خليك على شرطك
المتزوجه لازم يكون لها بيت مستقل وتشعر
انها في مملكتها
نصيحه لاتتنازلي عن شرطك ابدا

__________________
اللهم صلي على نبينا محمد وعلى اله وصحبه اجمعين

الله يعينك يا أختي هاذي هي مشكلة بعض شباب اليوم يتزوج ومايبغى يشيل هم المسؤليه إللي عليه أنا أشوف إن أفضل شئ تجلسين عند أهلك حتى يجي إجازه ويتفاهم معاه أبوك على البيت وإذا أنتي عارفه إن ظروفه الماديه أو راتبه ضعيف فلازم تصبري أنت عارفه اليوم الإجارات نار وأنتي تقولي توه متوظف يعني أكيد إن وضعه مو ذاك الزود يمكن إن راتبه مايساعد يفتح بيت علشان كذا سكنك عند أهله أنا عارفه إن الوحده دايما نفسها في بيت لحالها وبتاخذ فيه حريتها وتتصرف مثل ماتبغى أنت من حقك تطالبين ببيت لك شرعي
بس أحيانا تكون ظروف الزوج صعبه بالذات إذا كان توه طالع من مصاريف عرس وأكيد عليه ديون أو قروض وطبعا توه متوظف فلازم تراعي ظروفه مو من أول عاصفه في الحياة تتركينه أختي إذا الزوجه أحبة زوجهاوهوأحبها يعتبر قلب كل واحد سكن وبيت لثاني وياما حريم ساكنين عند أهل أزواجهم وعندهم ثلاثة وأربعة عيال وعايشين ومرتاحين أنت عارفه بعض المشاكل لابد تحصل من أهل الزوج أنت توك عروس وماعندك عيال يعني باقي ماعندك مسؤليات كبيره وشئ أكيد إذا كنتي قريبه من زوجك إن شاءالله تغيريه
وأنت بمعاملتك معاه وحسن عشرتك وتفاهمك معاه أكيد إنه بيرجع يحقق لك إللي تبغينه منه اما إنك جالسه عند أهلك
ويابيت أو طلقني ليش كذا أنت بكذا بكلامك هاذا تزيدين عناده وكلهاكوم وكلمة طلقني كوم وأنتم بعدكم عرسان خلي عقلك براسك وإذا زوجك أنت تقولي ماتعرفي شخصيته كيف بتعرفيها وأنت جالسه عند أهلك حبيبتي تبغين تعرفين شخصية زوجك وتعامله خليك جنبه وعينك في عينه مو أنت بديره وهوبديره وتقولي شخصيته ضعيفه يسمع كلام أهله لاتنسين إن البعد يولد الجفاء والقرب يولد المحبه سكنا مع أهل أزواجنا وعندنا عيال والحمدالله إذا إحترمناهم إحترمونا وقدرونا وطلعنا بعد تحسن ظروفنا وحنا نبكي على فرقاهم
ولحد الآن أحن على أيام جلستي عند أعمامي لأن هناك ذكريات لاتنسى ممكن هناك بعض المشاكل ولاكن أعتبرها ملح الحياة أهم شئ إحترام أهل الزوج بالذات أمه وأبوه وصدقيني إذا عاملتيهم بإحترام إنه راح يحبونك ويعزونك صراحه أنا أذكر عمي أبو زوجي كان لوجلس على سفرة الأكل وماشافني قدامه ماياكل ويقول لبناته وين فلانه قالوا الحين تجي يقول لا أحد يمد إيده ياكل قبل لاتجي فلانه يقصدني وبصراحه حتى بناته كانوا يغاروا من تعامل عمي وزوجته معي وكان قبلها زوجي قد أستأجر بيت في منطقة عمله بس سأت الظروف وكان عليه دين قال له أبوه جيبهم عندي في البيت حتى تتحسن ظروفك وبعدين شيلهم معك
أذكر يوم سافرت من عندهم عمي أبوزوجي ودعنا هو وزوجته وقال لزوجي جيت تاخذهم عقب ما تولعنا في عيالك وعيونه أدمعت أذكر زوجة عمي كان عندي ثلاثة عيال كان إثنين منهم مايناموا إلا بحضنها ولوالواحد منهم مريض ماتنام اليل أنا أمه ما أسهر عليه كثر جدته عسى الله يحفظهم لنا
وأنا أنصحك نصيحه إنك تعيدي تفكيرك زين يا أختي والله إني مادخلت إلا رايده مصلحتك إذا كنتي تعرفي إن إمكانيات زوجك زينه ووضعه المادي ممتاز فلك حق تطالبيه في بيت لك لحالك أما إذا كنتي تعرفي إن وضعه مايساعده فإصبري وإن شاء الله ربي يفرجهاعليكم من أوسع أبوابه ويرزقكم من حيث لاتحتسبون وتحققون ماتصبوا إليه أنفسكم أختي الحياة الزوجية تحتاج صبر وتضحيات في سبيل من نحب أتمنا أن تشيلي كلمة طلاق من قاموسك وتحلين هاذا الإشكال بجلسة تفاهم وهدوء أنت وزوجك وأنتما مازلتما عرسان فيجب كل واحد أن يعطي الآخر فرصة كي كل منكما يفهم الثاني أكثر أتمنا لكي حياة سعيده وأرجوا أن لاتتضايقي من كلامي
لأني والله ماقصدت إلا الإصلا ح في حياتك وأردت نصحك حتى لا تهدمي بيتك ومستقبلك .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

عزيزتي..
الأمر يحتاج إلى تدخل من والدك أو من ينوب عنه.. والتحدث فوراً مع من تصدروا في خطبتكِ له من ذويه..
بيت الزوجية.. ضرورة لا تقبل الجدل..
كيف يترك أهلك الأمر لتفاوضكِ لين الجانب معه.. أتركي الأمر لهم.. فهم الأكثر تأثيراً في مثل هذه
المسلمات..

__________________
اطبع الطين ما دام رطباً، واغرس العود ما دام لدنا، لو رأيت ما في ميزانك لختمت على لسانك.