لاحول ولا قوة الا بالله
الصراحه انا ما ادري ويش ابدا فيه لاكن اللي اقوله
حسبـــــــــــــــــــــــــــــــــــــــــي الله ونعم الوكيل
على عاداتنا وتقاليدنا اللي ذبحتنا والبنت لولد عمها من يوم عمرها سنه وهذا الشي اللي جعلني اليوم مع قافلة المطلقات
انا تزوجت ولد عمي بعد ما بهذلني ابوي وماترك مكان في جسمي الا وضربني فيه الين ماكرهت نفسي وبالفعل زوجني بالغصب وقعدت فترة سنتين مخطوبه لولد عمي وانا والله في حاله نفسيه مايعلم فيها الا الله كرهت الناس وكرهت البيت وكرهت الكون كله لاني ما ابي ولد عمي هذا مع العلم انه مافيه اي عيب لاكن هو ما يبيني وانا ما ابيه وكلنا مغصوبين على بعض هو يحب بنت خالته وانا ما اطيقه كذا لان لي شروط خاصه في اللي ابغاه زوج لي لاكن احنا محجوزين لبعض من ايام الابتدائي المهم بعد سنتين تزوجنا ومن اول ليله حسيت ان بيني وبينه حاجز واشعر كانه اخوي مو زوجي وهو نفس الشي لاكن كل واحد فينا خايف يقول للثاني المهم قعدنا نجامل بعض اسبوعين وماتركنا مكانما رحنا له وتمشينا فيه واخر يوم بعد ماتمشينا رجعنا للبيت حسيت بتانيب الضمير لاني كنت اعتقد اني انا بس الي اجامل معه وقلت لازم اقوله المهم رحت له في الغرفه قلت ايش رايك في وحده تخدع زوجها هل تستاهل تعيش معه قال لا طبعا بس ليش سؤالك وفهمته كل الموضوع قال الصراحه وانا مثلك واتفقنا انا نتطلق بهدوء وبالفعل تم الطلاق والاهل كلهم متفاجئين ما يدرون ايش السبب والحين هو تزوج وانا الى الان مالقيت الشخص اللي اتمناه مع اني والله على قدر كبير من الجمال والعلم والاخلاق والله الشاهد علي وتقدم الكثير لخطبتي لاكن انتم تعرفون من الذين يتقدمون للمطلقه اما رجل كبير في السن او من يبحث عن الزوجه الثانيه او الثالثه.....الخ
وانا لي الان 4اشهر مطلقه وعمري21 والى الان ماتقدم لي الشخص اللي اتمناه واتمنى منكم تدعون لي بالرجل الصالح عسى ان يرزقني ربي بالزوج الصالح الملتزم الذي يخاف الله والقى سعادتي معاه
تكفوون لا تبخلون علي بدعائكم لي في ظهر الغيب واحتسبوها عند الله
ونصيحه لجمع الاباء ان لا يجبر بنته او ابنه على الزواج حتى ما يضيع مستقبله مثل ما فعل والدي فيني
ولا حول ولا قوه الا بالله
التعديل الأخير تم بواسطة ميمي جده ; 07-08-2006 الساعة 04:01 AM
07-08-2006, 03:57 AM
ضوابط المشاركة
العرض الشجري