يقولون عزوبي دهر ولا عزوبي شهر 000

قبل 6 شهور شرف مولودنا الاول وطبعا اخذت الزوجه بعد الولاده لاهلها بمدينه

تبعد عن مكان عملي 1500 كم 000

ورجعت للدوام اول اسبوع ماكنت متأقلم على جو البيت بس اخوكم ذيب عرف يسنع عمره

ومع اني من هواة النوم بالمجلس عند التلفزيون قفلت كل غرف البيت الا المطبخ

واول شي قفلت غرفة النوم وهاتك ياحوسه بالمطبخ استعمل كل ادوات المطبخ

والمجلس انواع تشويت الكنب وترامس القهوه والشاي وصحون و00و000


بالاضافة الى سهرات الشباب اللي دايم عندي بالبيت يقولون انت ماعندك احد

عادي ناخذ راحتنا بالصياح واللجه والسهر لوقت متأخر

وبعد كل ثلاث ايام اجيب الهندي اللي عندنا بالداوم للترتيب والتنظيف

بس البيت من غير صاحبة البيت ماله طعم 00

الله يخليهن لنا ولايحرمنا منهن لولا الله ثم هن كان الله عالم بحاالنا

الصيفية الماضية رحنا للديرة وجلسنا اسبوعين ويوم فكرنا نرجع فجاة اخت المدام جاها عريس عالطاير وقال بعد اسبوعين ابي اعرس لاني مسافر بعثة لكندا وباخذها معي

زوجتي الله يخليها قالت مابي ارجع معك بجلس مع اهلي الين يخلص عرس اختي وافصل ثيابي مع العروسه

قلت بكيفك على راحتك ،، خليتها هي وعيالها ورجعت لمدينتي لان عندي اشغال كثيرة

ليلتين انام بالبيت وبعدها استوحشة منه اعوذبالله ،، اطالع في الغرف غرفة المدام وغرف العيال ،، والله البيت صاير جوه ماينبغى مرررررررررره

المهم بيت الوالده جنبي في الحارة صرت ساكن عند الوالده واخواني

وساعات ارجع البيت ،،، اسبوع وهجيت رجعت للمدام وعيالها الله يخليهم لي ،، العيشة بدونهم ماتسوى

لما كنت نفاس عند اهلي .. ورجعت لبيتي بعدها ..... اللهم سلم سلم

شي ابد مو طبيعي

الجرايد ( قبل ايام النت ) منثورة في الصالة ومفككة كل ورقة لحالها .. وجايب سرير للبيبي وكرتونة السرير وقراطيسه

كلها مرمية على الارض

المطبخ .. زريبه كل المواعين برا الدواليب

غرفة النووم .. كلها ملابس وسخة مرمية في كل مكان

تدرون اش هي ردة فعلي ؟؟

جلست ابكي من قلبي

لذلك يا رجال ما تسوى تحرق قلب زوجتك ... كلها كم حركة ويطلع البيت معقول مو شرط جنان

والله مثل ماتوقعت:
صرت المواقف على طرف نقيض مع بعض الإستثناءات :
1- الطرف الأول هجوم نسائي مخيف على الرجال وأشدها التي قالت التي ادعت ان (الرجال لا يأتي منهم خير )
ويالرجال انتم ساكتين عليها ولا أحد منكم يرد عليها طايحين بس مدح فيهم (أنفع بدل فيصل القاسم في الجزيرة)
2- الطرف الثاني الرجال وهم يتشكون من سوء أوضاعهم من دون الطرف الآخر وهذه محمدة تعد للرجال الأوفياء .
تناثر هنا وهنا بعض الفوائد التي أثرت الموضوع الذي هو شيق الى الآن بكم وبمشاركتكم ننتظر المزيد