السلام عليكم ورحمه الله وبركاته ..

هذي اول مشاركه لي وهذي مشكلتي بين يديكم وياليت تلقون لها حل

بعايلتنا اغلب البنات بعمري وكلهم تزوجو وكل وحده ما شاء الله مرتاحه << اكيد فهمتوا معاناتي الله يسعدهم بس كل العيون علي ووو مو هذي مشكلتي



خطبني واحد بس المشكله انه مو مقتدر يعني راتبه ع قده << لاتفهموا من كلامي اني اريد غني

واريد واريد واهم شئ عندي الفلوس والله انا ما همني هالشئ بس ابوي يقول 5000ريال سعودي ما تعيش ايجار بيت ومصاريف وووو وراتبه اقل من كذا يعني 3000 تقريبا ويصرف ع اهله

قلت عادي بس اخواني وابوي خلوني

افكر ومن تفكيري احس اني بنجن ما تتصورون الكلام اللي يقولونه

وبعد ما وصلت لحل قلت خلاص ابيه جاني خبر انه مو مثبت بالشغل يعني بأي وقت يقولوا له مع السلامه
ا


انا استخرت وفكرت وتعبت من التفكير

طيب لما استخرتي كيف كان احساسك ؟؟؟؟؟؟؟؟؟؟؟؟؟؟مرتاحه ولا متردده ومشوشه اللي اعرفه انه الاستخاره تحسم الموضوع .................وانت ايش موقفك من عدم ثباته في العمل؟؟؟؟؟؟؟؟؟هل لو تزوجته ونفصل من عمله لا سمح الله بتتحملين الظروف الصعبه لين مايلاقي عمل ثاني ولا تحسين انه هالموقف اكبر من قدرتش على التحمل؟؟؟فكري اكثر وانت الوحيده اللي تقدرين تحددين......وبالتوفيق

اختي توكلي على الله وتزوجي

نصيحتي لك

الفلوس والله مو كل شي

تروح وتجي

صدقيني الدين والاخلاق اهم شيء

اذا ارتحتي لدينه وصلاته وبره لوالديه واخلاقه توكلي على الله

بعدين راتبه ماشاء الله 3000 حلووووووو


تزوووووووووووووووووووووووووجي


ولاتسمعي كلام احد

اذن من طين واذن من عجين

وربنا يوفقك

يارب رحمتك .الحين 3000 الاف مهيب شئ ؟؟؟

الله المستعان...................الله يصبرنا بس

__________________

تزود من التقوى فإنك لا تدري إذا جن ليل هل تعيش إلى الفجـر

فكـم من فتى أمسى وأصبح ضاحكا وقد نسجت أكفانه وهو لا يـدري

وكم من صغار يرتجى طول عمرهم وقد أدخلت أجسادهم ظلمة القبـر

وكـم من عروس زينوها لعرسـها وقد قبضت أرواحهم ليلـة القـدر

وكـم من صحيح مات من غير علة وكم من سقيم عاش حينا من الدهر

فمــن عـاش ألفـا وألفيـن إنـه لابـد من يـوم يسـير إلى القبر

الله ارزقنى الذريه الصالحه وكل محروم ولجميع المحرومين يارب .
اللهم يامقلب القلوب ثبت قلبى على دينك

صح100%

اختي عافاك الله في البلد كثير عوايل محترمة عايشة بس على 2000 والف وخمسمية اختي احنا عندنا الي راتبه 5000اووووووووه هذا مدير والكل يتمناه وعايشين ومبسوطين والله احسن مني ومنك لاتعقديها اهم شي الرجال كفؤ ولا لا

حبيبتي انتي شوفي نفسك على ايش متعوده في حياتك -- يعني طلباتك مجابه مثلا
تشترين اللي تبين ؟
والا حياتكم عاديه وتقدرين تتعايشين مع وضعه

انا ماابي اعيب فيه -- والله يرزقه بوظيفه رسميه راتبها يكفيه ويغنيه --
بس انتي اسألي نفسك تقدرين تتعايشين معه والا لا
الزواج مو لعبه هذي حياة مشتركه

وماتدرين يمكن لو تزوجتيه الله يغير من حال الى حال
ويدرس دورات مثلا وتجيه وظيفه محترمه ويتغير وضعكم

انتي استخيري وخذي راي اهلك -- تراه مهم ولهم نظريه غير عاطفيه --
وقرري وتوكلي على الله
والله يوووووووووفقك

احس اني مشوشه مشكوره حبيبتي ع المرور



آمين يارب وربي لما قريت ردك بكيت


انا ما قلت انها مهيب شئ بالعكس ولا همتني الفلوس بس هو يصرف على اهله واخواته((((((((((((((( ابوه متزوج ع امه وتاركهم))))))))))))))))))))))))))))))))))))))) وانتي ما تدرين كم اخوانه واخواته كلهم صغار كل شئ فوق راسه ؟

الله يعينه بس انا محتاره وبينت لكم والله يكتب اللي فيه الخير


الحائــــرة يعطيك العافيه يالغلاا

انا ما قلت شئ وارجع واقول انه يصرف ع اخوانه وامه الله يخليهم لبعض واللي مجنني ما ادري اقدر اساعده واصبر ولا راح اكون عليه

عبئ <<<<<<<<<<<<<<<<<<< بس والله يجزاكم خير

شوفي اختي 00

انا وحدة من اخواتي تزوجت برجل راتبه 1500 فقط وغير مثبت ويعول 3 من اخوانه الشباب 00 وهو يتيم الابوين

بعد فترة اصبح امام مسجد فزاد دخله 00 ومازال يتنقل بين شركات القطاع الخاص

صدقي او لاتصدقي 000

عمري ماشفت ناس ينوعون بالاكل واللباس مثلهم 00 سبحان الله ربي مبارك لهم

حتى حنا نعلق عليهم نقول 00 مافيه مثل سفرة الفقراء >> هذا اسم نطلقه عليهم من باب المزاح

ودايم نختار مكان السهرة عندهم 00

هالحين عندهم بنوتة صغيرة 00 مافيه نوع لعبة او ملابس 00 الا وعندها


فلا تترددين 00 خوذوهم فقراء يغنيهم الله

اهم شيء استخيري وامضي بالامر بالموافقة 00 فاذا لم يكن فيه خيره يبعده الله


بالتوفيق

نقل الى عالم المقبلين على الزواج

ما دمتِ لستِ مرتاحة لهذا الزواج فلستِ مجبرة على القبول ، نحن نتزوج ليس من اجل الهروب من العنوسة ولا من اجل اسكات السنة الناس ، لان الزواج لهذه الاسباب سيكون فاشل ، فالزواج لا ينبغي ان يكون حل لمشكلة بل ينبغي ان نتزوج لاننا مقتنعين بهذا الرجل او بتلك المرأة ، لنتشاطر معا حياة مشتركة بكل تفاصيلها فيها المودة والرحمة والحب والانجذاب وغيرها ، فهل لديكِ تلك المشاعراو بعضها او على الاقل بداياتها ؟
هذا رأيي الخاص بالزواج ولا الزم به احدا .