اذا عرف السبب بطل العجب.....


حاول تسألها وتجس نبضها

الأخ الفاضل .. mansour_ba

هناك احتمالين لحالتك ..

الاول : ان تكون زوجة المستقبل لا تحبك لأي سبب كان ، وبالتالي تفعل كل هذا حتى تفترقا
والحل في هذه الحالة ان تنفصلا عن بعض فالحياة بدون حب وتفاهم تعيسة

الثاني : أن تكون تحبك ، ولكن أفعالها تدل على خجلها ، أو إحراج بأن يراها أهلها تحادثك كثيرا ( وإن كان بينكما عقد شرعي ) وبالتالي يبدأ التعليق والكلام ، واحيانا الإنسان من خجلة او خوفه يفعل أشياء لا يريدها ، او انها تحب ان ترى فيك الشوق والوله إليها ، فتمارس الدلال والدلع عليك و(التغلي) على رأيك ..
وفي هذه الحالة عليك ان تجلس معها ( واترك الاتصالات بما أنكما عاقدين ) وحاول ان تتكلم معها بشفافية وتفهم الامر منها ، وتتوصلا إلى حل مناسب يرضيكما

أسأل الله أن يجمع قلبيكما على الحب
ويوفقكما لكل خير



أختك
ذكريات الطفولة

__________________
وحبيبةٌ للقلبِ أغلى مِنْ عُيونِي والهَـواءِ * وخليلةٌ بالحبِ أنقَى منْ نُسيمَاتِ المَساءِ
وعَفيفةٌ بالطهرِ أحْلَى منْ نُجيمَاتِ السَّماءِ * جَمعتْ منْ كُلِ حُسنٍ منْ صِفاتِ الأنبياءِ

بسم الله الرحمن الرحيم
السلام عليكم ورحمة الله وبركاته
الأخ:منصور
بصراحة والله مشكلتك شغلت بالي ومن قريتها أفكر بالحل بس المهم اولآ أبيك تتعوذ من الشيطان وبعدين حاول تحل أمورك بهدوء وبدون مشاكل ولاتفكر ابد الحل بتلقاه بسهوله في المنتدى صحيح الأعضاء مابيقصرون كعادتهم لكن مافيه أحد بيحس بمشكلتك كإحساسك أنت وزوجتك ولازم تعرف أشياء كثير عن زوجتك يمكن تمر بظروف صعبه نفسيه قاسيه خلتها كذا أو يمكن وأقولها بصدق تمر بظروف الدورة الشهرية لأن المرأة في هالفتره تمر بتعب نفسي أشبه بالاكتئاب أو....أو.... فيه أشياء كثير ممكن تضغط عليها وتخليها بهالشكل وياليت تقرا كلامي وتفكر فيه زيييين أولا لاتفكر بالطلاق علطول خله آخر الحلول لأنه ابغض الحلال ولا تتفاهم معاها بالجوال عن طريق مكالمة او مسجات....هذا مو اسلوب تفاهم بالموضوع بالذات إذا كنت ساكن معاها بنفس المنطقة ياليت تزورها وتتفاهم معاها بأسلوب رااقي ولا تغلط بأي كلمه نهائي خلك هادئ واعصابك مرتاحه عشان ماتتوتر وتخلق مشكله كبيره والكلام اللي بتقوله تنسقه من عندك ولوتبي نساعدك ابشر....والله اكثر المواقف هذي تصير غصب عن البنت نفسها ممكن اهلها مايحبون هالحركات ويمكن صديقاتها يقولون لاتعطينه وجه خليه يطرد وراك عاد بعض البنات الله يهديهم تطبق هالكلام بس بطريقه مزعجه للغايه للطرف الآخر يعني لازم تكبر عقلك وترى ربي يشهد انها دايم تصير ومع الوقت تروح هالأشياء ويصيرون أحلى اثنين..........
ولو كنت بعيد عنها بأقرب فرصه تزورها وخلك هالفتره بعيد شوي يعني لاتكثر اتصالات والرسايل وسط لا تعاتب ولا شي مهما قالت اصبر شوي عشان تلقى الحل وان شاءالله ربي بيفرجها وصلي الإستخاره اكثر من مره والتزم بالدعاء والتمس لها العذر والله والله ياخوي احيانا نمر بظروف قاسييييه على قلوبنا بس نحاول نتجاهلها عشان نعيش بهالحياه وبعضنا يكون صعب نتخطاها بسهوله خلك انسان صبور وواعي وترى المشاكل تكثر بداية التعارف وأنا بنفسي مجربه لازم تعرف ان الحياه تحمل لنا في طياتها الكثير الكثير طولت عليك بس أخاف من الطلاق لأن ماهو الحل لمشكلتك..لازم تشوفها ولا تفتح نقاش هالموضوع بمكالمة جوال ماااينفع اتمنى أكون أفدتك وترى استشرت من هو اكبر وأحكم مني بالأمور ياليت أكون أفدتك وضروري تطمنا على أخبارك وأسأل الله لي ولك التوفيق وان يفرج همك وييسر أمرك ويصلح مابينك أنت وزوجتك.................

.الأميره الهادئه

__________________
سبحان الله وبحمده سبحان الله العظيم
ادعو لزوجي بالرحمه ولي بالصبر ولأبنته بالصلاح

بصراحه تصرف خطيبتك غريب!!!!!!!!!!!!!!!!!!!!!!!

صارحهااااااااااااااااااااااااا لازم تصارحها لا تظلمها وتظلم نفسك بعدين ترا الزواج عشرة عمر

وأسألها وقلها أنتي وافقت علي .. بقناعه تامه ؟؟ وهل انتي مرتاحه معي ؟؟
هل اهلك غاصبينك على الزواج مني وماخذو رايك ؟؟
واضح لها ان الزوج عشرة عمر وحب واذا مب مرتاحه هذا شي راجعلك ومستعد أبتعد


والله يوفقك

__________________

يالله يا كريم أنك توفقني

اولا اجلس معاها جلسة مصارحه


من غير عصبيه وانفعال زائد

لكن حسسها انك مهتم بالموضوع

al7olm6وانا معاك بكل كلمه تقولها

خاصة

كلمتين على بعضها تضيعها واغسل مخها بكلمات الحب

والله يكتبلك الخيره

الثقل صنعه

__________________
قال رسول الله صلى الله عليه وسلم { من قال سبحان الله وبحمده مائة مرة غفرت له ذنوبه ولو كانت مثل زبد البحر }
أخرجه البخاري .

اخوي الكريم ،
اشوف نك تحاول تجلس معها وتصارحها وتشوف اللي عندها ولا تستعجل ان كانت مغصوبه عليك حيبان من الايام اهم شي لاتستعجل بالزواج وشوف ايش يصير معاك .
وان كانت مغصوبة من اهلها اشوف احسن تكتشف الامر دحين مو بعد الدخلة والعيال .
والله ان يشاء الله يرزقك احسن منها ويعطيها على قد نيتها

انا مع اخواني بنصايحهم لك لاتستعجل بتأخذ قرار بس اهم شيء تتأكد بانها تبغاك مو مجبورة عليك انت حاول تحسسها بالامان

لازم تحل المشكلة قبل الزوج لاتقول تتغير بعد الزواج إذا ما اقتنعت فيك الآن ماراح تقتنع بعدين راح تصير حياتكم روتين من البداية ماراح تكون بينكم مشاعر

وربي يكتب اللي فيه الخير

يا اخي صارحها وتناقش معها بهذا الموضوع بس على شرط تكون هادى واعصابك بارده الى اقصى درجه
واسالها الاسئله اللي تدور في بالك هل هي تحبك ؟
هل كانت مغصوبه على موضوع الزواج؟

لماذا لا تحب تطول بالمكالمات ؟


وخبرنا عن النتيجه باسرع وقت لو سمحت

ربي يوفقك ان شاء الله

__________________
يا حي يا قيوم برحمتك أستغيث أصلح لي شأني كله ولا تكلني الى نفسي طرفة عين