أمنيتي في الحياة أصير عانس!! - منتدى عالم الأسرة والمجتمع
logo

الملاحظات

المطلقات والأرامل والمتأخرات يعتني بالمطلقات والأرامل والمتأخرات عن الزواج

 
أدوات الموضوع
انواع عرض الموضوع
قديم 28-11-2006, 07:41 PM
  #1
شوبارد
كبار شخصيات المنتدى
 الصورة الرمزية شوبارد
تاريخ التسجيل: Jan 2006
المشاركات: 5,397
شوبارد غير متصل  
Unhappy أمنيتي في الحياة أصير عانس!!

في نهاية الحصة.. كنت في احد فصول المرحلة المتوسطة أعطيت الطالبات تطبيق عالدرس ..

وأمشي بينهم... وأقول خلصتو ياحلوااااااات

قالو لا ياأستاذة..

بعد ثواني

خلصتو ياأمورات

قالو لا ياأستاذة

بعد شوي

خلصتو ياااااااااااااااااا<< قاعدة افكر شقولهم هالمرة

قالت طالبة ياآنسات ياستاذة

قلت.. خلصتو ياآنسات

صارو يضحكون احنا آنسات يله من الآنسة الأولى اللي خلصت..


بدأنا نحل السؤال...

طالبة تسأل استاذة اختي متخرجة من الجامعة وماتزوجت وتقول عن نفسها كلمة تشبه انسة بس نسيت وشي يااستاذة؟

ايش الكلمة اللي معناها البنت اللي ماتزوجت؟

أنا: آنسة

قالت : لا الكبيرة اذا ماتزوجت وش يسمونها؟

قلت اللي اعرفه آنسة وبعدين خلاص نكتب اللي عالسبورة وبدون صوت

(طالبة كل مادخلت المدرسة تجي تصبح علي وكل نهاية دوام تمر علي تودعني واحيانا لما اجي
على مكتبي القى ورود ورسايل منها ودايم أشوفها بوجهي وتقلدني أحيانا..)

فجأة قالت انا عرفت الكلمة يسمون اللي ماتزوجت عانسة!! سويت نفسي ماسمعتها.. وبدأت اسمع همسات الطالبات

استاذة فلانة وفلانة وشوبارد وفلانة عانسات!!



رن الجرس وأخذت أغراضي وأنا طالعة من الفصل

قالت بصوت عالي انا امنيتي في الحياة اصير عانسة مثل أستاذة شوبارد!

الطالبات كلهم

حاولت اتماسك وفجأة لقيتني أضحك بصوت عالي << حالة هستيرية

وقلت ان شاءالله تصيرين معلمة وتصيرين زميلتي بالعمل ومكتبك جنب مكتبي صح؟

قالت وهي مبتسمة صح ياستاذة أبغى أصير مثلك بكل شي

واقول بنفسي بسم الله عليك جعلك ماتذوقين اللي أنا ذقته


بس حرقت قلبي كلمتها انا عارفة انها كلمة عفوية وانا متأكدة بيجي يوم لما تكبر بتحس بقوة هالكلمة!
__________________
اللهم لك الحمد والشكر
"ولئن شكرتم لأزيدنكم"
 

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 06:01 AM.


images