حبيبتي

زوجك 100% غلطان ، بس في شغله انا دايما أقولها الرجل طفل كبير ... يعني بعضهم عنده من عدم المسئولية والأهمال وزوجك الله يحفظه واحد منهم.

تبين رأيي وتسمعين مني وأنا اختج ... عمرها العصبية والشد مافادت مع الرجل .. سمعي مني بأسلوبج عاتبي عتب رقيق وبدلع بيني له ان انتي كنتي ميتة من خوفج عليه وقوليله انج تحبين أكثر من ماهو يحبج صدقيني بوسط هالكلام بتلاقين دموعج انزلت وبتلاقينه حس بتأنيب الضمير .. قوليله بعد أنا اطالع الله وأطالعك اذا صار فيك شي الله لايقوله أموت والله.

صدقيييني ... عمره أسلوب الشد مافاد مع الرجل ... دوسي على نفسج وتعوذي من ابليس وسوي اللي قلتلج عليه وأنا ناطره النتيجة قوليلي شيصير معاج.

توكلي على الله

__________________

هدي اعصابج عزيزتي....ومافي داعي للعصبية .

وعلى فكرة كثرة الاتصال والسؤال طوال الوقت بعد خروج الزوج من البيت تضايقه

تمني له السلامه وتوكلي على الله ، انا كنت مثلج في البداية والحين الحمدلله تحسنت الحالة

اما بالنسبة لمشكلتج الحين ، برأيي ان تجلسي معاه وتكلمينه بهدوء وتعبرين عن شعورج

وابتعدي عن الصراخ والزعل..وبيني له عمق وكبر حبج واهتمامج فيه وشوفي شو بيكون رده

وتذكري لازم تكونين هـــــــــــاااااااااااااااااااااااااااااااااااااا اااااااااادئة علشان ما تكبرين الموضوع

والله يسعدكم ويهنيكــــم..

اختـــج............لمنـــي بشــــــــوق

__________________

حبيبتي مادري أنا بارده ..ولا الأمر مايستاهل كل هالعصبية



أقدر إنج كنت قلقة عليه ..
لكن مش معقول ..طول عمرج بتنظرين إنه يدخل عشان تقولين الحمدالله هو بخير..


ليش كل هالوسواس..


وبعدين صار انه دخل ..وما شافج ..ومن التعب حط راسه ورقد ..شو يعني؟؟

آآآآآآآآآآآآآآآي ..أدري انج تبغين تذبحيني


بس بصراحة أنا أحس مش معقول مطالب زوجي كل مارجع من شغله ..يمر علي يقول ترى أنا وصلت


ما توقع انج ماراح تدخلين على مكان نومه ..وتشوفينه
ماتوقع كل هالقلق راح يصير عندج..


هدي حبيبتي ..وادعيله بحفظ الله له ..ومش معقول ..تظلين تاكلين في قلبج كل هالحد


خايفة تجيني على راسي..

****

تدرين ؟؟
أنا كنت أشوف العنوان وأتجنب قراءته ..لأني تعبت من قراءة المشاكل ..وأحس بس نفسنا بشي حلو ..بس والله لما قريت المشاركة قلت ياليت كلللللللللل المشاكل جذيه..
مشكله حلوه وخفيفه عالقلب..

__________________
أبا مريم ..

هنيئا لك ..خيرا قد ساقه إليك الكريم ..

هنيئا لك ..
قلوبا تنبض بالوفاء ..
وألسنة قد عانقت الدعاء ..
في صمتها ونطقها..في صبحها والمساء..
(أن رباه يا رب البرايا ..ارحم الكريم واجعله في أعلى عليين..
فوالله ..إن القلوب لتتفطر ألما على فراقه..)


رحمك الله أخي ..رحمك الله يا أبا مريم ..وطيب ثراك