أختي محارة الشرق..
الله يفرج همك وينفس كربتك ويوسع لك ويعوضك بعيالك..
واضح من كلامك انه زوج غير صالح وماذكرتي شي عن تعامله مع اطفاله..او مشاعر اطفاله تجاهه وهل هو يجي يزورهم ولا لا؟
فكري بطريقة ثانية..لو انتي رجعتي..ماتحسين ان الوضع بيكون اصعب؟تتحملين اكثر وتصبرين اكثر وتجيبين عيال أكثر ويزيد الوضع تعقيد؟
نتايج الاستخارة مو احاسيس بنفسك بس..اظن ان الاستخارة تكون في توفيقك لامر من الامور..اذا استخرتي انك ترجعين له ولقيت ان كل شي مايساعد فيمكن ربي يدلك انك ماترجعين له..
ركزي عزيزتي على اطفالك وتربيتهم وحافظي على نفسيتهم..الله يجعل فيهم العوض..
مقدر اقول لك اتركيه او ارجعي له..اللي يده في النار مو مثل اللي يده في الموية..ولكن استمري في الاستخارة والدعاء وربي ان شاء الله يدلك على خير الامور لك ولعيالك..