في البداية شي طبيعي إن يكون كلامها قليل .. لكن إذا أخذت عليك وذابت بينكم الحواجز راح تاخذ وتعطي معاك أكثر

وبالنسبة للمواضيع .. عبر عن حبك لها وإنك بتشتاق لها وإنها دائما بتوحشك

وإنك بدونها جسد بلا روح وإن نفسك تغمض عيونك وتفتحها وتلاقيها قدامك >> ولا اوصيك كثر من البكش

وكمان قلها إنك مستني يوم الزواج بفارغ الصبر عشان تاخذها في حضنك وتعيشها أحلى حياة

وقلها إني راح أخليك أسعد زوجة....

وراح أوريك النجوم في عز الظهر >> طبعا أمزح مو تروح تقلها

ومو لازم تكون كل المواضيع عن الحب .. أتكلموا في أشياء ثانية زي مواضيع الحياة اليومية مثلا

وإذا كانت بتدرس خليها تكلمك عن دراستها أو إذا عندها مشاكل لا سمح الله خليها تفتح لك قلبها

كدا البنت مرة ترتاح لك وتحس معاك بالأمان

ولا تنسى تناديها باسم الدلع واسماء اخرى مثل : حبي ، حياتي ، دلوعتي ، عروستي .. الخ

بالنسبة للمواضيع الجنسية اجلها لوقت قريب من موعد الزواج

وإذا حاب تثقفها في هذه المواضيع دلها على المنتدى أو جيب لها كتب ..

والله يوفقك ويسعدك

__________________
إلى الماءِ يسعى من يغَصُّ بلقمةٍ ::
إلى أين يسعى من يَغَصُّ بِمَاءِ؟!