جزاكم الله خيرا جميعا اخواني أحببت ان اوضح لكم نقطة وهي انها : ليست مجبرة على الزواج مني البنت عمرها 30 سنه مش صغيره وسألتها هل أهلك جبروك ؟ قالت لي مااحد يقدر يجبرني .. قلت لها ليش تعامليني كذا ؟ يعني انتي ماتحبيني ؟ قالت لو مااحبك ماكان عشت معاك والحين انا حامل !! .. قلت لها طيب لييييييييييييييش تعامليني كذا نفسي افهم وش مشكلتك انا فيني عيب ؟ غلطت عليك بشيء ؟ أحد قال لك عني شيء مو طيب ؟ قالت انا مااحد يقدر يأثر فيني ماني صغيره حتى اسمع كلام احد ....... تصرفاتك هي اللي زعلتني منك !! وانا اعاملك بنفس معاملتك لي !!
وهذا عطائي مااقدر اعطيك أكثر !! مشكلتها يااخواني حساسه جدا والله العظيم معاملتي لها زي العسل واحلى
بالنسبة لتساؤلاتك اخي الكريم النور والحنان 1 / نعم هي كذلك من بداية الزواج هذا طبعها حتى من قبل الزواج
بس انا قلت يمكن بعد الزواج تتغير 2/ كانت فترة الملكة تقريبا 6 شهور 3 / زواجنا عن إعجاب رائع يعني تقدر تقول حب بس حب عادي 4 / فترة الملكة كانت حلوة فيها قليل من المشاكل والاختلافات بيني وبينها ولكنها بسيطة جدا تحصل عند كل مخطوبين .. يعني كنت اروح لها واجلس معها وكانت تتكشخ وتتزين وتقابلني بابتسامة لكنها تقول ارتحت لك بعد الزواج أكثر من الملكة هذا كلامها واحيانا اذا زعلت مني بسبب ( مضايقتي لها على حد قولها ) تقول انا ندمت في الزواج من واحد عقليته معقده يغار علي ويضيق علي في كل شيء ؟؟ واحيانا تكون مبسوطة جدا على الآخر وهذا اعتبره شيء طبيعي 5 / ماوصلني اي خبر انها تمدحني او تذمني اعتقد انها لاتذكرني عند غيرها لابخير ولابشر غااااااااااااااااااامضة جدا جدا 6 / علاقاتها مع صديقاتها ممتازه اسمعها تكلمهم في الجوال بس مابينهم تواصل ابدا نادرا جدا في الجوال بس ... اما جاراتها لبس بينهم اي علاقة ابدااااااااااا تقول هم مطنشيني مايزوروني
7 / صعب جدا اني اقول لها عرضت مشكلتي في المنتدى ويبغوا يسمعوا منك ؟ معليش اخوي احسها صعبه وراح تزعل تقول انت تشتكي وتنقد كثير وانا مااحب كذا ........ اما بالنسبة للنت انا مااجلس كثير الآن كنت في البداية لأنها ماتتكلم معاي ولاتجلس جنبي ابداااااااا الآن لاااا تغير الوضع .. صارت افضل من اول صرت انا مااجلس كثير على النت
بس كيف أأدبها يااختي البتول على كلامها ( روح للنت تحصل بنات يريحوك ) قلت لها حرام عليك تدفعيني للحرام؟
اذا ماريحتيني انت زوجتي بالحلال من تريحني ؟ قالت مو شغلي انت حالك زايد في الجنس وغير قنوع انا معاملتي لك حلوه ولافيها اي عيب ولاعندي اي مشكله (((((((((( كلامها متناقض جدا وغامضه اتعبتني ))))))))))