عندي مشكله
خطيبي لم اجد اطيب ولا اروع منه يلبي لي طلباتي قبل ما اطلبها انا عندو اول واخر شي في حياته

بيجي عندي كل جمعه وبيحكي معي كل يوم ومرات مرتين وثلاث باليوم يعني عايشه عيشه ولا اروع من هيك

المشكله انو هو لما اروح عند اهلو بيشوف سلفتي المخطوبه تشتغل بليت عمي وكثير تتحلس وتتقرب لحماتي

وانا في طبع ما بعرف اعمل شي انا مش مقتنعه بي او مش حاسه بي او اني امثل اني منيحه ما بعرف غير اتصرف بطبيعتي دائما

يعني ما بشوف سلفتي تشتغل بروح اشتغل مستحيييل وهو بدو انو اشتغل واضيف لضيوف عند اهلوا

للعلم الشغل الي بحكي عنو هو انو اضيف لضيوف وارتب البيت على الخفيف واجلي الجلي ويعني يشوفني كثيره حركه في بيت اهلو

يعني عشان يقولوا اني انا معدله وست بيت شاطره ......... وانا بعمل هيك بس ما بقتل حالي وبرقض ركض في البيت يعني ما بموت نفسي عشان الكل يلاحظ اني نشيطه

وخصوصي انو بعدنا مخطوبين يعني مش متجوزه عشان اعمل كل هذا العمل

اخر مره رحت قلي لي ما كنتي تشتغلي وقبل مره قارن بيني وبين سلفتي انو هي بتشتغل وانا لا

وانا كثير بتحسس من هذا الموضوع يعني بنزعج كثير بدي ارضي ويكون راضي بس ما بدي يقارن بيني وبين حدا

واذا قلتلوا لي بتقارن بيصير يقول شو بيها ولي بتنزعجي منها وانا والله ما في بيني وبينها اشي بس قصه المقارنه الي ما بخلص منها وخصوصي انو رايحين نتجوز مع بعض يعني حفله وحده وكوشه وحده ..............

بدي نصيحتكم ارجوووووووووووووووووكم نفسيتي كثييييييييير تعبانه من هذا الموضوع

واسا ودالي مسج كتبلي انو بيحبني لانو اكيد حس من صوتي انو منزعجه من الموضوع

شو اعمل دلوني ..............

الحائره من ارض البرتقال

شي طبيعي راح يقارن

بينكم

لأنه يشوف خطيبة اخوه تتقرب لأهله

وتشتغل معاهم

انتي حاولي تشتغلين على الخفيف

وتقربي اكثر لأهله

اظغطي على عمرك علشانه[يبي يشوفك افضل منها]

وقوليله انك إلا الأن مخطوبه وتخجلين تتحركين كثير بالبيت

وإنك بعد الزواج راح تتغيري وتكوني افضل منها

والله يوفقكم

والمسلمين اجمعين

برأيي تبدأي تساعدي حماتك على الخفيف حتى لا تتم المقارنة بينكم من قبل خطيبك او حماتك او اي شخص
ممكن تعملي شئ واحد كالضيافة مثلا

__________________

اختي بيت حماكي لاختلاف اللهجات والمصطلحات (الحمى عندنا هو والد الزوج) هو بيتك الثاني

انا اسكن بمدينة واهل زوجي بمدينة اخرى لا اراهم بالشهرين الا مرة او مرتين بسبب ظروف الطرق عندنا قبل الظروف

كنا كل اسبوع نذهب عندهم

لكن اقسم لا اعتبر نفسي الا في بيت اهلي وفي بيتي اجلي واطبخ وارتب ليس لاسمع كلمة شكر

بل لانها طبيعتي وحتى عندما كنت فترة الخطوبة اساعدهم بالجلي و بالترتيب وسلفاتي كذلك الامر

صدقيني اجمل لحظات ونحن نكون جميعا بالمطبخ نتحدث و هذي تجلي وتلك تطبخ وهذي تنشف الجلي ونضحك

لا تاخذي الموضوع على انه خدمة او او او خذيه ببساطة ولا تعقدي الامور

__________________

المقارنة دى غصب عنة لان اكيد اهلة بيتكلموا قداموا انها نشيطة وشاطرة وهو لانة بيحبك لا يريد ان تكونى امام اهلة اقل منها
حاولى تيجى على نفسكوتعملى اللى هو عايزة لان دة مش هيقلل منك بالعكس دة هيقربك منة اكتر
وربنا يوفقك

انا مع الاعضاء في جانب
وفي الجانب الاخر لست معهم
اقصد لابأس بأن تعملي قليلا في بيت اهل زوجك ولكن لا تضغطي على نفسك ( لا تمثلين بالعامية )
ولا تعودي زوجك على ان يقارن بينك وبينها لأنك لو تركتيه يقارن ستظل حياتكما مقارانات في مقارانات
قولي له انك لا تحبين المقارنات وصدقني انتي لو قارنتي بينه وبين مثلا صديقه او اخوه لن يعجبه ....
واسال الله لك التوفيق..


اختك

حاولي ما تكوني هناك و هي موجودة يعني سلفتك

و ان كان و لا بد كوني شاطرة و ساعدي و لا تقعدي طالما هي عم تشتغل الا اذا كانت عم تعمل شي ما بدو مساعدة

اختي انتي من واجبك تساعديهن و ما تكوني متل الضيفة

لكن في نفس الوقت ما تظهري بمظهر تمسيح الجوخ (بتمنى يكون مصطلح مفهوم )

و لما تكون سلفتك عم تعمل شي قومي و اعمليه معها قوليلها بدك مساعدة ؟ و ساعديها و فتحي معها سيرة

يعني احكي معها حديث و لا تجلسي حتى تنتهوا من الشغل

و أفضل طريقة لاثبات نيتك هي لما تكوني انتي و خطيبك عند بيت حماكي من دون وجود بيت أخوه

يعني مشان ما يصير مقارنة


و في نفس الوقت افتحي موضوع مع خطيبك لما تكونوا هاديين انه الواحد فيكم لازم يقبل التاني متل ما هو

يعني مو معقول تتغير طباعه كليا مع الوعد بانك ممكن تتغيري بأي شي كرماله - من أجله -

و لازم هو يكون في المقابل مستعد للتغير من أجلك

استغلي وقت يكون انتي بنفسك هو يتغير مشان أهلك بأي ناحية من النواحي و افتحي الموضوع معه


الله يوفقك يا رب

الله يبارك فيكم يا رب ويسدد خطاكم

اخواني الاعضاء نصائحكم على العين وراس

وشغل عند بيت الحمى صار من كلامكم من الضروريات عند الكنه

رغم اني ما تربيت هيك ولا تعودت على هيك يعني عيشتي في بيت اهلي كلها دلال في دلال كباية المي تيجي لحدي

بس رغم هذا انا مقدره المجتمع وبدي اساعد وبدي اكون طيبه قدام اهل زوجي

بس المشكله انو مش معقول انو لو انعزمت على غدا مثلا اروح اجلي الجلي كله وامسح الخزاين كمان هذا اسمو انها معدله وشاطره ؟؟؟؟؟؟؟؟؟؟؟

وين اسمي عروس ومخطوبه !!!!!!

هو بدو اياني اني اكون وحدي من اهل الدار وانا تمسيح جوخ مثل ما تفضلتوا ما عندي يعني ما بمثل على حدا عشان رضى حماتي

حماتي انا بحبها وبحترمها وبضيف وبرتب على عيني بس مش الزق بيها واصير مثل خيالها عشان تحبني

انا بعيد وبكرر انو تمثيل ومقارنه بكرهاااااااااااااااااااااااااا ولما اجي افتح الموضوع رايح يفسره على انو غيره منها

على كل حال هو جاي عندي يوم الثلاثاء ورايحه افتح معو الموضوع مره ثانيه واجيبها من ناحية انو لو كان محلي وقارنتو باخو شو رايح يصير

وعلى الله التيسير ....

بارك الله في مشاركاتكم وردودكم وخلوكم جنبي لاني بحاجه الكم في هاي الاشهر كثير

الله يكون في عونك اختي
واتمنالك السعادة

أرض البرتقال .. وين هذي ؟