بالنسبه لدولاب الملابس عندك أكياس القماش الصغيره الي مثل حق قرقيعان بس على أصغر عبيها ورود مجففه الي تكون فيها روائح خفيفه ومختلفه قبل لا تحطي الكيس بالدولاب عطريها زياده بروائح انتي تحبيها وإذا تبغيها تطول ماتروح بسرعه حطي من العطور الزيتيه تدوم اكثر وممكن تزيدي عليها كمان كور الخشبيه او الفلين المعطره وحطي الكيس بأي زاويه من الدولاب.
اما السرير عطري المفرش الداخلي للسرير وكمان لباس المخدات ..بعد ما تغسلينه رشي عليه ببخاخ الكوي نقاط من الزيوت العطريه مع الماء وإكويها لأن مع الحراره تثبت الريحه أكثر.
هالحركه امي تسويها بعد بشراشف وسجادات الصلاه بس بعطور عربيه
اتمنى اكون أفدتك عزيزتي