خبر مؤسف اخوي..

الله يكون في عونك..

__________________

..اللهمــ ارزقني زوجـاً صالحـاً يحبني وأحبــه ويعينني على طاعتـك,, اللهـم آآمين..

نصيحة من باعنا بعناه والبنات ياكثرهم البيوت مليانة مو معقول يا اخي من اول محاولتين تيأس
وين ايمانك بالله معقول تفكر كذا
اجل وش تقول بالبنات اللي يتقدمولهم عرسان ولما تصير النظرة الشرعية يتركونهم تتوقع بيفكورا نفس تفكيرك ويقولوا بنعيش حياتنا
هذي البنت مو من نصيبك وهي يمكن تندم لانها تركتك
بس اقدار والمكتوب على الجبين لازم تشوفه العين
بس انصحك ياخوي ماتتنازل عن فلس انت مو جايب فلوسك من التراب ولاتطلقها انت خليها تخلعك هي وبكذا ينرد لك كل فلس ومو لعبة ماتبيك وماتبي ترد لك فلوسك



لا تتنااااااااااااااااااااااااااااااااااااااااااااااا اااااااااااااااااااااازل

والله وياك وبالتوفيق

والله يا اخ ساري كلامك اعجبني و خفف عني كثييييييييير

تصدق كل اللي دفعته على حسابي

الذهب بس كلفني 15 الف

وابوي خسر في الاسهم خسارة جامدة بالملايين

يعني خليها على الله

يعني اقدر اقولك يا اخ ساري لو ما رجع لي شيء من اللي دفعته اكون خسرت شقى عمري و سهري بالعمل

والله ما اكذب عليك آخر مره كنت بالمستشفى كان ضغطي 160 و هذا عمري 21
اجل اذا صرت 30 او 35 كم بيكون؟!!!

مالنا الا الصبر و احتساب الاجر

و نسيت اقولك يا اخوي اليوم اختي الكبيره لمحت لي تلميح عن السبب الرئيسي اللي جعل البنت تغير رايها و تطلب الطلاق

والله يا اخي لو اقولك السبب ما تصدقني

السبب انه انا مو من مستواها الدراسي لأنه ابوها بروفيسور بالمدينة و انا موظف ارامكو معايا الثانوية

و حسبي الله و نعم الوكيل

اخي الفاضل

ابدلك الله خيرا منها ولا تجزع من خيره الله

بخصوص انك تطالب بحقك كامل فانا اوافقك الراي وهذا حقك الشرعي وانا معك الا تتنازل عنه

وان شاء الله ربنا يبدلك الي احسن منها وانا مع الاخ ساري اطلب ذات الدين تربت يداك

ونصيحه انتهت حياتي اصدق الله يصدقك

لا ما تدفع 75 على حرمه بس تدفعها على سياره فووووول اوبشن!!!

كانكم تتكلموا عن سياره فعلا (تحصلها ب30 وتحصلها ب 40) اعوذ بالله من الاستحقار!!!

انا سمعت انه فيه تنزيلات في الصيف وبتلقو عليهم خصم 50% ولا كمان اشتر ي وحده وخذ اختها مجانا!!!

محد قاله يدفع 75 الف ريال.. هو عارف انه ظروفه صعبه يمد رجوله على قد لحافه ،، لو رجعنا لايام اول كان لقيته دافع المبلغ والابتسامه شاقه الوجه وينه ذاك الوقت؟؟

اخي انتهت حياتي:
سامحني ان كنت قاسيه (كلامي فوق) بس اسلوب الاخ ساري استفزني اتخيل انه احد يتكلم عن اختك ويقول ( حصلتها ب 40 ولقيت بنت عمها ب 30!!) كانهم غنم!!..

ارجوك تأكد من سبب عدم رغبة البنت بك ربما صدر منك شيء وانت مو منتبه وعلى نيتك الطيبه وصفاء قلبك الابيض وهي فهمتها غلط اما كلام اختك فهو غير منطقي لانه معقول توها اللي تنتبه انك موظف في ارامكو وهي ابوها بروفيسور!

تاكيدي على وجوب معرفة السبب حتى تتفاداه المره المقبله..

اتذكر قصتك لما قلت شفت البنت في مطبخ بيتكم مع الوالده : )

الله يعوضك باللي احسن منها وتستاهلك..

__________________

نصيحه يا خوي..

انت ما رح تستفيد إذا أخذت و عطيت مع اللي يوافقك بالراي أو يعارضك..

و عيوب الناس .. المفروض تحتفظ فيها لنفسك .. و إن أحد سألك.. لا تكتم الشهاده..

لكن التشهير .. ما أعتقد إنه رح يجيب نتيجه.. بالعكس يأثر عليك إنت أكثر.. لاحظ عصبيتك..

بديت الموضوع هادي و شوف كيف صار حالك الحين ..

و لا تنسى اللحظات الحلوه اللي عشتها مع هالإنسانه.. سواء بالكلام أو زيارات..

عالأقل تشفع لها إنك تتغاضى و تصفح و تنهي العلاقه بسلام..

مانت بخسران شي.. بالعكس تكون قمه في التعقل و الذوق ..

قولهم شرط الطلاق أن ترجع فلوسك كامله.. و ما أعتقد إنهم مارح يوافقون.. إذا كانوا مصرين على الطلاق..

و 75000 مارح تعجزهم إن هم مصرين و أبوها بروفيسور مثل ما تقول..

و صير إنت الكريم و تجاوز عن الإساءه.. و قل لهم إنتم طيبين و البنت طيبه لكن كل شي قسمه و نصيب..

ماله داعي إنك تنتقم لأنك مارح تكون مرتاح بينك و بين نفسك..

صدقني كلمة مطلقه هي بحد ذاتها عقاب.. و يمكن في سبب ثاني لرفضهم بس كتمويه قالوا لأختك عن الشهاده..

لأنه العقل يقول هي تدري عن مستواك الدراسي مسبقا .. و إنت أكيد ما طقيتهم على إيدهم عشان يزوجونك إياها.. صح؟!

و أنا أقول .. دام الناس خلاص ما يبون.. عادي مانت بخسران شي.. طلقها .. بالشرط اللي تبيه..

بهدوء دون محاكم و دون مشاكل.. رح تكبر في نظر غيرهم.. و ما أعتقد المستوى الدراسي يأثر و لا هو بمعيار لرجوله..

بارك الله فيك .. إنت إنسان فاهم و لك تجربه سابقه .. و هذي تجربه ثانية .. لا تعتبرها فشل أو إنه فيك نقص لا سمح الله..

هم الخسرانين .. و انت لازم تكون عندك ملاحظه .. تلاحظ في نفسك عيوبها و تتجنبها .. لا تقول ما فيني عيوب لأنه ما في إنسان كامل.. صح؟!

أنا مليانه عيوب .. لكن ما استسلمت لعيوبي أحاول أصلحها و أسأل اللي معاي عن رايهم فيني و شو عيوبي.. و ما يقصرون ما شاء الله..

يمكن عندك سلوك غير مرغوب .. أو أسلوب حوار غير مستحب.. أو عاده مستمر عليها..أو يمكن أهل العروس شافوا لبنتهم شخص ثاني..



و يمكن يمكن .. يكون أحد يريد يؤذيك .. فطلع عليك إشاعه.. .. محد يدري..

أنا أقولك موقف قبل يومين صار لأختي .. قبل العقد بيومين .. طلعوا على خطيبها إشاعه شنيعه جدا.. مخطوبه له من تقريبا 8 شهور و لا أحد تكلم أو طلع عيوب على الرجال.. و قبل العقد بيومين طلعوا فضايح..
لدرجة الأهل كلهم كانوا مصرين إن الزواج ما يتم .. لكن لأن أختي كانت مصره على الزواج منه.. تم الزواج أمس الحمدلله..


لا تتسرع و حكم عقلك .. و لا تتصرف بعصبيه .. و تذكر .. (و الكاظمين الغيظ و العافين عن الناس و الله يحب المحسنين)

بارك الله فيك و أسعدك في الدارين

__________________

اللهم ارزق إخوتي زوجات صالحات و أخواتي أزواجا صالحين عاجلا غير آجل يا رحيم..

"علمت أن رزقي لن يأخذه غيري فاطمأن قلبي"

لا حول ولا قوة الا بالله ان شاء الله فلوسك بترجع لك

بس ما لا داعي المسخرة وب40 وعلى 30 وغيره في عوائل ماتبي الا الستر وفي عوائل تبيع البنت بيعه

وحط في بالك اذا اخدت البنت وعطيتها مهر هذي هدية مو اشتريتها بهالسعر

ايش اقول بس...

يا بر الأمان كلامك صحيح و مقنع لكن اعتقد انهم بيماطلوا في ترجيع اللي دفعته

وبالنسبة لكلامك عن العيوب كل انسان به عيوب لكن والله ما عمري قصرت مع البنت بشيء البنت قلبت 180 درجة مو عارف ليش؟!

ما فيا انتظر و يعطلوني صرت انا اللي معلق

والله ودي اخطب اليوم قبل بكره

و اشكرك على الإفادة الطيبة جداً



وانت يا اخوي ساري لا تزعل ولا ينرفع ضغطك ولا حاجة الدنيا ما تستاهل كلنا اهل و اخوان و اخوات بالمنتدى

اقولك اخوي..البنت ما تقرب لي بالمره

تحبني بشهر و تكرهني بلحظة و تستمر عليها

يا ليت اعرف ليش

تصدق اصحابي و عيال عمي و خوالي يقولون لا تتزوج الا بعد 7 او 8 سنين

ايش رايك؟؟؟


الـلـه الـمـسـتـعـان

__________________