السلام عليكم ورحمة الله وبركاته

حبيباتي الامهات حبيت اشاركم بصندوق المدرسة اللي بعمله لبنتي وان شاء الله نفيد ونستفيد من خبرات بعض كامهات واتمنى كل وحدة تكتبنا شو بتعمل لاولادها وشو بتحط بصندوق المدرسة عشان كلنا نستفيد


اولا بالنسبة لصندوق الاكل لازم كل يوم بعد ما تيجي بنتي من المدرسة اعمل عليه كشف واشوف اذا اكلت او لا وبعدين انظفه وامسحه منيح



بالنسبة لقنينة الماء كل يوم لازم يكون فيها ماء نظيفة وبعد ما ترجع من المدرسة اغسل القنينة بالصابون منيح واملاها ماء واحطها بالبراد



نجي للسندويشات ممكن الام منا تعمل اي سندويش اولادها بيطلبوها منها بس اهم الشي ان ما نعمل لهم الا الاكل الصحي ومش كل شي الولد يطلبه الام لازم تلبيه لان لازم يكون في كلمة لا بعض الاحيان

بالنسبة لي انا ممكن اعمل لبنتي سندويش جبنة مع خيار او تونة مع خس او لبنة او حتى نوتيلا بس اكيد مش كل يوم عشان النوتيلا شوكولا والشوكولا مش منيح كتير للاولاد

اليوم انا عاملة لبنتي سندويش كتير لذيذة وديما تطلبها شوفوها

اولا اجيب السلايس واحتاج الى قطعتين



تانيا هي الجبنة كتير لذيذة ومفيدة للاولاد احتاج قطعتين منها



اولا اجيب قطعة سلايس واحط فوقها قطعة جبنة



وبعدين اجيب خسة صغيرة واحطها فوقها



ثم قطعة جبنة تانية وبعدين السلايس الباقية




انتهت السندويش اقطعها من النص على كل مثلثات علشان يسهل عليها حملها



اهم الشي حفظ السندويش انا احفظها باكياس خاصة بالسندويش وكتير ممتازين طبعا السندويش لازم تنعمل من الصبح قبل ما يروح الولد عالمدرسة في ناس تعملها من الليل بس ما احسها تفضل طرية عشان الخبز يتش اذا فضل وقت كبير بالبراد المهم احسن وقت تتعمل بكير



خلصت السندويش اهم الشي عندي بعد السندويش ان يكون في الصندوق فواكه اي نوع كان انا احط على كيف بنتي يوم احط تفاحة يوم اجاصة يوم دراق اللي تحبه الفواكه كتير مفيدة للاولاد



بعد الفواكه نجي للعصير ابدا لا تعطي الاولاد عصير فيه غازات على المدرسة اي نوع يكون ابدا مش صحي لهم في نسبة سكر عالية وبعدين يخليهم يجنوا ويتحركوا تير وطبعا ابدا مش مطوب هالحركات بالمدرسة احرصي ديما على اعطائهم عصير صحي متل عصير ليمون او تفاح واحنا عندنا قاني عاملينهم مخصص للاولاد متل الصورة



ممكن تحطي للولد كيس شيبس عشان ما يشوف اصحابه ويصير بده مثلهم فاحسن تحطيله قيس صغير مش كبير وعاملين اكياس صغيرة للاولاد يعني الكيس ما فيه كتير كم حبة شيبس



اخيرا نجي لترتيب الصندوق ديما احرصي ان تضعي الشيبس او اي شي وضعتيه للتسلية باسفل الصندوق ثم ضعي الفواكه وبعدها تاتي السندويش عل الوجه اهم شي عشان الولد لو فتح الصندوق ووجد العصير والشيبس ما رح يتتطلع بالسندويش لكن عندما تكون السندويش بالاول الولد رح ياكلها



اولا انتبهي عزيزتي الام دايما لازم تذكري ولدك باكل السندويش اولا حتى لو حطيتيها على الوجه وانتهى تحضير الصندوق



واخيرا خلصنا ولا تفكروا اني بحط كتير لبنتي بصراحة انا بلاقيه قليل عشان بنتي تروح من الساعة 8 الصبح ما ترجع للساعة 3 ونص حرام عشان هيك بحب اكترلها عشان ما تجوع المهم اتمنى اني اكون افدتكم كام واتمنى ان تفيدونا ايضا كامهات والف شكر

__________________


لا احلل نقل اطباقي دون ذكر المصدر

(ام علي وريما شخص واحد وهو انا )

الله ينطيكي العافيه اختي ام علي

اولادي يقضو نفس الفتره في المدرسه

و تقريبا نفس الاكل

التوست اسمر
مرات يحبو فواكه مجففه
مثل المشمش و الزبيب

و يحبو ياخذو لبن زبادي بالفواكه يحطوه باكياس صغيره تنعصر
او لبن سائل ينشرب
و فعلا الاكل للاولاد تحظيره الصبح احسن

الله يخليلك بنوتك انعام و علي ويصلحهم يا رب

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)