أختي الكريمة ...كان الله في عونك ولكن هل تعرفين طبيعة المواقع التي يزورها زوجك على الانترنت؟؟ وما مدى حرصه على الصلاة وتدينه؟؟
لي عودة بخصوص موضوع المكالمات الهاتفية وللأسف صارت عند كثير من المتزوجين والمتزوجات مثل "الموضة" انه صار يكلم نساء أو أنها صارت تكلم رجال والله المستعان!!

و الله يا اختي انا نفسج تقريبا زوجي مدمن نت و انا بعد حامل و اللي قاهرني ان زوجي يستخدم الكمبيوتر اللي في مكتبه و ما يستخدم اللاب توب يعني طوووول الوقت بعيد عني في مكتبه و مرات يجيني احساس انه يدخل على مواقع اباحية، افكر مرات اني ادخل عليه و افاجأه عشان اشوف المواقع اللي داخل عليها بس ما اقدر لانه يدخن و مكتبه مليان دخان و انا حامل و الدخان مب زين للحوامل
بس الله يعينج على زوجج اللي يعترف انه يكلم وحده و ماخذ المسأله بكل برود

والله انا نفسك دايم بعيد عنى وبعد يدخن منى عارفه والله>>>>>>شين وقوى عين

انا لو مكانك كان دخلت اطراف اخرى في السالفه مثل الاب او الاخ
لان زوجج بصراحه مصخها يعني عنده بنات الشوارع اهم من زوجته هذا و انتم توكم متزوجين
السالفه متلخبطه من البدايه و لازم تصلحينها قبل لا تتفاقم خصوصا انج حامل
حاولي معاه و فهميه و اذا ما نفع و ما خلى البنات و هالسوالف كلمي ابوك او اخوك او احد افراد اسرته
و اذا رفض و وصلت السالفه للطلاق خليه يطلق و لا تتحسفين عليه لانه ما يستاهل
هاي لو انا مكانك بسوي جي بس اتمنى من الاعضاء انهم يساعدونج بطرق احسن من طريقتي

مدرى ايش اقولك انا اليوم تكلمت معه قلت له تبى ادخل ابوى قال ما همتينى وان قلتيله بقول خل بنتك عندك وذا ولدت جب ولدها يعنى ينرفزنى زود عنده رد على كل شى ...صراحه وانا خايفه يركب راسه ويطلق وانا بنت فى بدايه عمرى احس انى بموت واتحطم انا اشوف صحباتى غير والله مو مدح فى نفسى بس مرات اذا شفت صحباتى اقول هى وشفيها زود على .. والمشكله مو هنا المشكله فى الزوج نفسه مدرى ومرات يقول انا اكيد جايتنى نفس عليك لانك تحبينى ودايم تراكضين وراى جتك عين من الناس عشان كذا صرت اكره القعده معك... ومرا يقول اذا طلقتك مين بياخذك الا واحد عنه عيال او بتقعدين بيت اهلك انا شوى وتجينى سكته قلبيه