اختي المجروحة

تحياتي لك

بالفعل انا مره متعاطف معاك واتمنى انه مشكلتك تنتهي بأسرع وقت

لكن عندي بعض الملاحظات اختي ابيك تعرفينها زين

المرءه بطبعها عاطفية وكذا خلقها ربي وبالتالي انا ماني مستغرب من انه اكثر قراراتك عاطفيه بحته. ولاحظي اختي انه اي قرار مبني على عاطفة فهو في الأغلب بيكون فاشل.
يعني لما تفكرين وتبين تتخذين قرار اول حاجة استشيري عقلك او استشيري ذوي العقول
ولا تستشيرين قلبك يا مجروحة.

وبالنسبة للشايب إلي ماخذك انا اقول والله اعلم وما ابي والله اخرب عليك
نصيحتي ((( صارحيه انك تحبين زوجك الاول وقوليله انا اخاف اني ما اكون الزوجة المثالية لك وانت ما ترضى اني انام معاك وانا في بالي واحد ثاني )))

لكن العقل يقول انه احتمال يطلقك وبعدين زوجك الأول ما يرجعك وبالتالي انت ما استفدتي شيء ( ملاحظة )

حاولي تقنعين زوجك الأول انك اجبرتي على الزواج من هالشايب وانه لازم يساعدك في عملية الطلاق منه عشان ترجعون لبعض ( بشرط يكون انسان واعي ) لكن العقل يقول انه احتمال هو ما عاد يبيك وبالتالي لا تجبرين نفسك عليه ولا ترخصين نفسك ابدااااااااااااااااااااااااااااا

وملاحظة مهمة ترى كلامي المذكور فوق ماهو قرءان منزل بالتالي هي مجرد اجتهادات فكرية بس كل إلي ابيك تعرفينه انك لازم تفكرين وتتخذين قرارات عقلانية وليست عاطفية وإذا اتخذتي القرار العقلاني (( أصبري )) إلين تجنين الثمر

الله معك