لازم اختي تصارحينه

لا تجبرين نفسك على شي إنتي ما يعجبك

هذي حياتك ومستقبلك ولازم تخلين لها حدود

صارحيه وبشكل طبيعي وبهدوء ،، قولي له هذه الليلة ابغي افرح فيها بروحي معاك ،، وابغى الناس تفرح فيها لنا انا وانت بس ،، (بهدوء وبابتسامه حلوه وكلام حلو ) ان شاء الله الامور تتيسر

بالنسبه للسكن في بيت أهل زوجك

هذي لا تسكتين عنها ابدا طالما ما تعجبك

الحفله ممكن تمشينها وهي في النهاية ليلة وحده وتنتهي ،، لكن السكن ،، ليالي وايام وشهور ويمكن سنوات ،، لو ما يعجبك ،، قولي له ،، ودي يكون لنا مملكه صغيره لي ولك ،، نعيش فيها حياتنا ونبنيها سوا ،،

صدقيني الكلام الصريح وبهدوء راح يجيب نتيجة بإذن الله

خصوصا إذا كان خطيبك من النوع المتفهم والعاقل