بسم الله الرحمن الرحيم

قدر الله علي وتزوجت ولد عائلة مــــــــــعروفة وغنية

كنت وقتها هبله,,, وما تشرطت ولا تطلبت لاني كنت اعتقد ان المهم هو الحياة الزوجية بعد الزواج

لاحددت مهر,,,ولا شبكة ولا مؤخر..... هو جاب من نفسة مهر يساوي عندة هلل مقابل لثروة الي يمتلكها

علشان كذا ماكان لي ذيك القيمة بعد الزواج

وابشركم ...طلع من اشباه الرجال,,,الي من براء هالله الله ومن جواء يعلم الله..سبحانة

وطبعا ماتحملت الحياة الي هو عايشها نفاق ... وبلاوي...استغفر الله

الحمدلله تطلقت..... وبعد طلاقي ماشاءالله العرسان يجوني... لكن سبحان الله,,, مايتم اي شي

لابد تتفركش الخطوبة,,,,, او يطلع فية عيب العريس

ومشكلتي إني ما ابي اسكن في مدينتي,,ابي الرياض جدة الشرقية...((لا احد يعترض على رغبتي هذي بلردود رجاااااااااااااااااااااااااااء)) كل واحد ينام على الجنب الي يريحة


دايما الجى لله عز وجل وماني يائسة من رحمته بلعكس ثقتي بلله كبيرة

بس..... انا متظايقة من وظعي ...الي يجوني كثير بس... فية شي غريب يصير

مايتم الموضوع,,, قبل اسبوع تمت خطوبتي على شخص فية كل المواصفات الي اتمناها
واخلاقة عالية,,, ومن الرياض ومن اكبر عوائلها

وافق على كل شروطي ((لاني اخذت درس من تجربتي السابقة)) بنات تشرطو المهم لايكون مافية شروط

حطي شروط..ومؤخررررر هو وافق على مؤخر عالي جدا.لانة كان شاريني

بس حصل موقف بسيط... ومالقيت نفسي إلا كرهت الرجال... ورحت لابوي وقلت,,ما ابية

وفكينا الخطبة,,,,,,, السؤال الي يحيرني.... لي سنتين متطلقة

وكثير يتقدمون .... بس مايتم شي.... تتوقعون فيني عين مثل مايقولون لي

تتوقعون راح اضل بدون زواج

تكفون,,,, إذا تعرفون وحدة نفس حالتي,,,,, طمنوني هل فية احد عانا مثلي بعدين تزوج


ادري إن النصيب,,,لسى ماجا..... وادري إن المكتوب راح اشوفة وراح يكون

بس غصب عني تعبت.... عمري يروح وأنا جواتي خوف من الزواج وبنفس الوقت خوف من ان عمري يروح

بس اكبر مشكلة اعاني منها...خوفي من اشباه الرجال

لذلك دايما يكون عندي شك بكل الي يتقدمون .... اجلس احلل شخصيتة

واتمنى ,,, لو فية احد يقدر يسئلة الاسئلة الي ,,ابيها

لان تعرفون لمى يجي للوالد ...الوالد يهمة اخلاق الرجال...

وانا برضة تهمني اخلاق الرجال...بس فية جوانب كثيرة احب اعرفها ......
لذلك قررت أتعامل مع خطابات

علشان يكون فية وسيط....من خلالها اقدر اعرف هذي الجوانب
واهلي عليهم انهم يسئلون عن الرجال...

إيش رئيكم.. بكلامي

اختي ... انتي لم تحددي المقصود بأشباه الرجال لأن الوصف يحتمل أكثر من معنى ..

وبكل الاحوال ,,,, أشباه الرجال هم ظلال الرجال .. والظلال لا يصبح لها وجود بدون أجساد حقيقية أي رجال حقيقيون .

انتي رفضتي الرجل الاخير المناسب من تلقاء نفسك وهذا يتعارض مع وجود عين أصابتك

أرى أن تعيدي بناء جدار الثقـة المفقود لديك بالرجال ... الرجال الحقيقيون كثر مهما كثرت أشباههم .

وفقك الله ..

أشباة الرجال....معروفين

الي مافية من المرجلة إلا الشماغ والثوب

وهو بلا رجولة ولا أخلاق

ومنافق...... وعقلة وتفكيرة منحط


يعني...ابسط مثال ...شاب يكون مو متزوج وعمره...25 ويبي زواج مسيار

هل هذى يصنف من الرجال

او الذكور أشباه الرجال

لاتقولون ..مهر و و و....ياما ناس يشرون الرجال

وبعدين المهر متعارف علية.... ومعروف هو كم

راح اقولكم.... واحد شاب 23 سنة تزوج واحدة كاملة والكامل الله
دفع مهر 30 الف ريال سعودي و البنت واهلها...وقفو مع الولد
وساهمو من المهر في اغراض البيت


وبعد الزواج...... عاملها معاملة زبالة لانة حس إنها جت بكل سهولة

وماكان يصرف عليها,,,, لانة تعود إن اهلها ,يساعدو في كل شي

وبلاخير تطلقو....وماكان يهمة البنت بقدر ماكان يطالب بلذهب الي هو من حق البنت المسكينة
لانة كان هدايا من اقارب الزوج...يعني هو ماله اي حق فية

لذلك لاتبيعون نفسكم يابنات بلرخيص

علشان مايبيعكم بلتراب بعد الزواج.,,,صدقوني قيمتكم بلمهر..... وهو ماراح يشحذ
والشباب الي مو قد الزواج لا يتزوجون..... لان قيمتك بمهرك ودم قلبة

نصيحة لوجة الله.....هي ماحصلت معي حصلت مع الكثيييييييييييييييير

وللاسف عندنا الرجل مايجازي الاحسان بلأحسان

بلعكس ممكن يعايرك ويقول اهلك ساعدوني علشان يفتكون منك

الرجل بعد الزواج....... مخلوووووووق ثاني ....إنتبهو

معيارك لأختيار الزوج غير سليمة , أمن المعقول أن يكون كبر المهر او المؤخر كما تعتقدين سوف

يجعل الرجل كما تريدين , من أتيتي بهذا التفكير , ألم يشفع لك حياتك مع زوجك السابق بمعرفة طبع

الرجال أو أشباه الرجال , فهل سيضبط الرجل بالمهر الكبير والمؤخر ,
الرجل لا يمنعه من التنكيد على زوجته , الا دينه وخلقه , مو المهر الكبير والمؤخر , كما تعتقدين

وزوجك كان من محض اختيارك ولم تلزمي به , فأنت من بحثتي عنه وأنت من قبلتي به , فانت

جزء من المشكلة , أنسيتي المنهج النبوي ( اذا اتاكم من ترضون دينه وخلقه فزوجوه ......)

اختي الكريمة


المرجو كتابة موضوع بإسمي في قسم الرسائل الخاصة للأهمية


بوركتم

__________________

الشرع ماقلت فية شي

لكن الزمن هذى,,,,غيرررررررررررررررررررررررر

وبعدين المهر والمؤخر,,,,هم الي يخلون الرجال يفكر بعقل,,,يعني خلينا نكون صريحين

الزوج مهما كانت زوجتة ,,,,,, كاملة,,,,,فهو بلخير ينظر على انها انثى فقط...عارفين معنى كلامي
والرجال عموما عينهم زايغة,,, ويحبون التغيير

والسفرات..اكبر دليل

لا احد يعارض لمجرد إني جرحت العنصر الذكوري...وننقسم لاحزاب ذكور وإيناث...لا

الموضوع إن الزوجة الي ماتعطي نفسها قيمة من البداية..... راح تتخربط حياتها بعدين

وهل المهر العالي أو المؤخر الأعلى منه سيكون رادعـا لأشباه الرجال عن ظلمهم للمرأة أو التنكيل بها ..

بل بالعكس .. قد يكون سببا لزيادة التنكيل والتنكيد على المرأة بصورة تجعل المرأة تتنازل عن كل فلس منه بل وتعطيه من حر مالها في سبيل الخلاص والفكاك منه .

لماذا تتنازل بعض النساء عن بعض حقوقهن ويطالبن بالخلع من الرجال سوى ما ذقنـه من شدة تعذيب الرجال لهن .

معيار الاخلاق والدين هو الحامي للمرأة بعد الله من غدر الرجال لا جيوبهـم ..

اختي غزلان .....اضحكني كلامك ......وهو نفس كلام عجايز الايام ذي ..........

اقول يااختي ليسو كل الرجال سوي .........والمهر ليس مقياس ...


واينك من حديث الرسول صلي الله عليه وسلم ...ايسرهن مهرا ...........الخ .


بحكي لك قصتي ........تزوجت فتاة ..من طبقه ثريه ... واهلها تكفلو بكل شي


قصر وبوفيه وغيره ..........


وايضا زوجتي الله يحفضها ويوفقها .ساعدتني وفتحنا مشروع باسمها ..الحمد لله


امورنا ماشيه ....وتزوجت عليها الثانيه ..فما هاوشت ولا صارخت ..ربما انها انجرحت


لكنها كبرت بنظري واحببتها اكثر من ذي قبل .....وصرت استحي منها لانها قدرتني وتحملت شقاوتي


فالرجال ليسو سواء ...... قضية المؤخر والمهر الزائد لاتسمن ولا تغني من جوع


فكل يري الناس بعين طبعه ............وربما انك اساتي الاختيار .........وكما قال عليه الصلاة والسلام


اذا جائكم من ترضون دينه وخلقه ..........ولم يقل جاهه وماله ................ساعود ....بيب

الـســـلام عـلـيـكـم ورحـمــة الله وبــركــاته

أهلا بكِ غاليتي بيننا

عزيزتي قد يكون ما مررت به شيء قاسي ومؤلم ولكن لا يصح التعميم والخروج من هذه التجربة بنظرة عامة

وثقي غاليتي بأن لا المهر ولا المؤخر هو من يجعل للمرأة أحترام وتقدير عند زوجها

بل قال رسول الله بما في معناه ( أقلهن مهرا أكثرهن بركة )

فالدين والخلق في الرجل هو من يجعل زوجته ملكة على عرشها وإن كان مهرها بخاتم من فضة

عزيزتي اتمنى أن ترقي نفسكِ وخاصة عند خطبتكِ

وفقكِ ربي لما يحب ويرضى

و عوضكِ بالزوج الصالح الذي يجعلكِ قرة عينه وماء قلبه

__________________


سبحان الله وبحمده عدد خلقه
ورضا نفسه وزنة عرشه ومداد كلماته

معك حق.....الظاهر إني ابكون من العجايز وأنا أنتظر رجل بمعنى الكلمة...... لان أشباه الرجال واجد وأنا أختك

إلا ماقلت لية تزوجت على زوجتك بلرغم من كل الي عملته هي واهلها علشانك...حرام تجازيها بزوجة ثانية

لو مكانك مهما كانت الاسباب مستحيل أعض اليد الي إتمدت لي