الحمدلله يارب وماشاء الله تبارك الله احس اني مرتاحة وزواجي بعد شهر ونص بس انا يمكن لان خطيبي يقرب لي واعرفه زين وهو عارفني ومخطوبين من سنه ونكلم بعض منزمان ومتملكين الحين واطلع معاه كثير واحس اني خلااص نفسيا متهيئة اني اعيش معاه بالعكس يمكن متحمسة..

ما انكر قبل فتره كنت مرة تعبانه نفسيا وقررت جديا أأجل الزواج فتره مب بسيطة ومن شدة الاعصاب صارت تجيني دوخة وهبوط وطلع لي حبوب كثيرة في وجهي وانا ماعمره طلع لي حبوب لكن كان فيه اسباب قوية ومشاكل عرقلت سير الامور وانا من النوع اللي اذا خرب تخطيطي احوس كل شي وأثر على نفسيتي جدا..

لكن زوجي الحمدلله كان واقف معي وقالي اللي تبين يصير اجلي خلي على كيفك استخرت ربي وقررت اثبت الموعد وسبحان الله ما خاب من استخار فعلا هدا كل شي ومشت الامور تمام التمام وانا الحين باذن الله مستعده ومرتاحة ولو انه طبعا فيه بعض القلق انه ما يخرب شي في الزفاف او تنحاس اموري او يستجد شي.. لكني متوكلة عليه سبحانه

__________________