احبتي الكرام....
قام بكتابة هذا الاقترا ح زوجة اخيكم حفظهاالله ورعاها,,,,
**************





وحده اعرفها جمالها متوسط بس اخلاقها رفيعه والبنت رائعه جدا ..

وصل عمرها للثلاثين وهي لسى مااعرست ..

وأستغربت وسالتها يمكن هي تردد اللي يجيها وحاطه شروط ومواصفات صعبه ..

قالت انها بصراحه جتها عقده نفسيه من كثر مايجون هالحريم يتفرجون عليها ويطلعون ولايردون خبر ..

وطبعا بعض الحريم يبون مواصفات معينه .. زي الحريم الكبار يبون المليانه والبيضاء وام شعر طويل ..



وبصراحه انا اقترحت عليها هالاقتراح وان شاء الله انكم تؤيدوني عليه ..



قلت لها شوفي .. اول ماتدق عليكم الحرمه وتسال عنكم وعن اصلكم وفصلكم ..وهي اكيد مادقت الا عارفه من انتي بنته وووش اخلاقك ومواصفاتك بشكل عام .. او امك تقولها عن شكلك ومواصفاتك .... الخ

خذوا رقم ولدها .. وخلي ابوك يسأل عنه .. ولما يطلع ابن ناس اجاويد واخلاقه تمام ..

علطووول خلي ابوك يطلعك عليه ويشوفك .. وانا متاكده ان شاء الله انك بتعجبينه



لان ذوق الرجال غير ذوق الحريم ..

ويمكن الرجال يرتاح لك من اول نظره ..

ويشوف فيك اشياء وأمور تهمه ويمكن امه واخواته مايشوفون هالاشياء او يهتمون لها ..

وبنفس الوقت ماله داعي امه وخواته يجون يشوفونك الا اذا جت الشبكه او الملكة..

دام انتي عجبتيه .. وانتي اللي راح تعرسين عليه .. خلاص الامر منتهي بإذن الله





ولا وش رأيكم .. قد أحد جرب هالاقتراح ونجح معاه ؟؟؟

ممتاز جدا

ناس كثير مشت امورهم بهالطريقة

واهم الشيء الاختلاط وحضور المناسبات

تمنياتي للجميع بالتوفيق

ينقل لعالم المطلقات والعوانس مكانه الانسب

__________________

اقتراحك حلو وممتاز جدا جدا
وفعلا الامهات والاخوات يدوخون ويدوخون

ولا يصلح لهم شي ابدا ابدا

والله يوفق الجميع يارب يارب

	بسم الله الرحمن الرحيم أشكرك أختي على هالموضوع المهم كلام زوجك من ذهب وكلام منطقي 100 % أنا شخصياً صارت معي لما نويت أخطب زوجتي قالوا أهل البنت ما نبي أهلك يجون الا بعد ماتشوفه أنت أول وبعد ماشفتها أعجبتني ودخلت قلبي لكن خواتي قالوا تراها عاديه بس كانت بعيوني ملاك وتم الزواج والحمدلله وحنا الأن مبسوطين وسعيدين لكن أتوقع لو خواتي شافوها قبلي كان يمكن ما تم الزواج

السلام عليكم

والله مشكوره يا اخت

على هل الموضوع بس في مشكله تانيه ومحد بيدري فيها وهيه

وقت بيشوفو البنت اهل العريس بيروحو بيحكو كاشي فهاد الشي اكيد غلط لانو لو صح ماكان تحدم هل الشي

صح

لزم الشب بينفسو يروح طبعا بعد مايشوفها الاهل بس بدون ذكر اي شي بيخص البنت من نواحي شخصيه

وهوه بيقرر بانو تكون زوجه لهو ام لاء

وشكرا علي طرحك هيك شي حلو

موضوعك حلوووووووووو فعلا نظرت الرجل غير وغالبا تعجبه البنت أكثر من الحريم
ذكرتيني بقصة واحد راحت اخته تشوف بنت مذكوره لهم وشافتها البنت أخلاق وكويسه لكنها نحيييييييييفه مره مره فقالت له قال أصلا شفتها دخلها ابوها علي وعجبتني ومن قال لكم اني ابي دبه؟؟؟
وتزوجها وصارت نصيبه
لكن انا اهلي مايرضون بهالشي يقولون لأ ماتدخلين على واحد ما سألنا عنه ومايرضون يسألون قبل لأنهم يقولون ماصار شي عشان نسأل عنه
وفي بعض الناس يزعلون لما ماترضين تطلعين عليهم م وتصير مشاكل مع أهله لأنهم ماجو شافوها قبل...
وعموما جيت الحريم لها فايده وحيده هي انك تستشفين بعض طبايعهم لأن بعض الناس ما يتعاشرون خاصه إذا شفتيهم من أول زيارهم مجلسهم غيبه أو متكبرين أو ما أرتحتي لهم لأنهم في النهايه لو صار نصيب رح يكونون بمكانة أهلك

__________________

((رب لاتذرني فردا وانت خير الوارثين))


http://www.tafseer.info/







طريقه سهله ومتوفره للجميع للمحافظه على الاستغفار

هل ترغب في الخير ؟؟هل تريد ميزانك يثقل بالحسنات ؟؟اضغط هنا من فضلك

عين العقل وهذا اللي المفروض يصير بصراحه انا مارضيت حريم يجون يشوفوني ابد..

لكنهم كانو يروحون يشوفوني بالجامعه او اي مكان قبل يرسلون ولدهم..

__________________

احبتي الكرام.......
اشكركل من اطلع او شارك في هذاالموضوع مني شخصيا و من زوجتنا المصون ولازلتانننظر مزيدا من الاراء في ردودكم القادمه,,,,,,لكم تحياتنا,,,,

بصراحه الاخوات مصيبه المصائب وشر
لو انت ملكه جمال يخلونك بنظر الرجال بشعه
ويطلعون عيوب الدنيا فيك
ومصيطرات عالاخر على اخوانهم انا مدري وش هالرجال اللي ما عندهم شخصيه
طب تعال شف واحكم
مب تعتمد على اختك اللي يمكن تكون تدور لك وحده اشين منها
ولا شافت وحده جميله
كرهتها حسد الله لا يبلانا
الامهات طيبات بس المشكله اخواااااااااااااات العريس مصيييييييييييييييييييييييبه

__________________


]