"اللهم لا تبتليني ولا تبتل أخواتي في الله بما تعجز قلوبنا عن تحمله وتخور عواطفنا عن تقبله
اللهم سخر أزواجنا لنا وأجعلنا لهم قرة عين
اللهم اجعلنا كفاية لهم وعفافا وغنى
وارزقنا سعادة الدارين "

اللهم آمين آمين آمين وانا مع الاخت الي كاتبة هذا النص

سهله ياخي ترا المطلقات كثر المطلقين بالضبط لان المطلقه لابد ان فيه زوج طلقها صح ولالا؟؟

انتهت المشكله لو كل مطلق ماراح يدور بنت صغيره يتزوجها وحاول يبحث عن مطلقه مناسبه له كان ما عانينا من مشكلة المطلقات..

ياخوي انت مو مستوعب مشكلة المجتمع المتزوجين والمطلقين يبون يتزوجون بنات صغار ولذلك عندنا مطلقات وعوانس.. حتى الشاب اللي قرر يتزوج في الثلاثينات او الاربعينات ومن حظكم ماعندكم لقب عانس فانه برضوه يتزوج وحده صغيرة وبكر ولا يبحث عن بنت في عمره او مطلقة شابه..

يعني الرجال بس يقرر يتزوج مهما كانت حالته الاجتماعية ومهما كان عمره راح دور بنت صغيره وهذا سبب كثرة المطلقات والعوانس ياخوي..

__________________

اختي الفاضله البحله بالنفس....
خليني اقول كلامك صح !!!!على انك متشدده في رايك !!!؟؟؟ وماانهيتي مشكله في جميع ردودك مع احترامي لها ...ولم تذكري شيئا عن الارامل!!؟؟
في احصائيه جديده قرائتها في احد الصحف ا ن نسبة الاناث 80% مقابل الذكور في السعوديه,,,,, وحوادث المركبات فيها تحصد الالاف,,,,فهل من حل ينهي معاناة اخواتنا القابعات في بيوتهن ولااحدسال بهن وكل نفسي نفسي غير التعدد..!!؟؟
لك تحياتي,,,

حدث العاقل بما لا يعقل فان صدق فلا عقل له.. وش اللي 80 بالميه بنات ياخي كلام غير منطقي بالمرة مدري من وين تجيبون هالاحصائيات.. لو هالكلام صحيح يبيلنا استيراد شباب من برا حتى لو كل واحد تزوج اربع حريم ما كفا!!!

اولا الاحصائيه اللي انا جايبتها من مصدر موثوق تقولك نسبة البنات في الرياض 49.4% مقابل الشباب 50.6% يعني للاسف الشباب اكثر من البنات..

وكيف تقولي مافيه حلول في اجوبتي انا في اجوبتي حاولت اورد عشرات الحلول على عكسك اللي في كل رد تعيد وتكرر التعدد وكان مافيه حل غيره بالدنيا بينقذ العالم..

ياخوي وش فيهم الارامل؟؟ ترا الحريم يموتون بعد وفي رجال ارامل؟؟ ليش مشكلة المطلقات والارامل تشوفونها بس في الحريم؟؟ ياخي والحوادث يعني ايش ماتدري كم حرمه تموت بالحوادث سنويا؟ ماتدري عن تهور السواقين وكثرة الوفيات؟ يعني مايركب سيارات او طيارات الا رجال؟؟

لا تتضايق مني بس اشوف تفكيرك محدود بالمرة وفاتح كل هالموضوع الطويل العريض عشان تحصل على اجابه لن تحصل عليها..

التعدد مب الحل لا للمطلقات ولا للارامل وللعوانس.. ممكن يساعد في حالات كثير انا ما انكر فايدته وشرعيته لكن ليس هو الحل المطلق بل هو حل جانبي و احد الحلول..

اما الحل الجذري والحقيقي هو تسهيل الزواج على الشباب العازفين عن الزواج بطرق كثير سبق وشرحتها وانت تقراها وتنسا وتقول ماجبتي حلول..

والمطلقين والارامل ياخذون مطلقات وارملات والعازفين عن الزواج او اللي قرر يتزوج فجأة يوم وصل الثلاثين او الاربعين يبحث عن عانس تناسب عمره..

يعني لو ربينا اجيالنا تربيه صالحه بعيده عن الفساد وشجعناهم على الزواج في اول عمرهم وابعدنا كل العقبات والصعوبات من امامهم بتنتهي مشلكه عزوف الشباب وعنوسة البنات..

اعرف ان ردي مارح يرضيك لانك ما فتحت الموضوع للنقاش الجاد مع الاسف وانما فتحته متوقع فزعة الملطقات والعوانس هنا لكن للاسف خذلوك لان حتى المطلقه والعانس لا تحب مشاركة الرجل مع امرأة اخرى الا في بعض الحالات وليست سائده في المجتمع..

__________________

لعلمك التعدد كان منتشر ايام الرسول صلى الله عليه وسلم لان الشباب كانو يموتون في المعارك والحروب ولا تقارنها بالحوادث لان الحوادث عندنا مشتركه بين النساء والرجال بس الحرب تقضي على الرجال فقط..

في زمننا هذا الشباب كثر البنات ويمكن اكثر لذلك التعدد يكون للضرورة وليس واجب او الزام هو مباح وليس واجب يارب تفهمون هالنقطه..

__________________

الاخت البحله بالنفس...
الايكفيك هذاالردالحكيم الذي يدل على اخلاق فاضله وخيره ممتثلة لقول نبينا الكريم عليه الصلاة والسلام(حب لاخيك ماتحب لنفسك) من الاخت الفاضله (الهروب) امااقولك..رجل..ارمله..رجل ..عانس..!!!؟؟لاتعليق لاتعليق!!!!
صحيح تمنيت مشاركة الفئة المعنيه بهذاالموضوع امالماذا فارجع للردود وتفهم!!!
للجميع تحياتي,,,

معترض على وجود رجل ارمل؟؟ او مطلق ؟؟ او رجل عازب وعازف عن الزواج؟؟ والله بكيفك تاخذ من المجتمع اللي يناسب قضيتك وتتجاهل البقيه..

وش دراك ان الاخت حكيمه؟ عشان رايها وافق رايك يعني؟؟ يعني لازم اقول يارجال عددو وتزوجو اربع عشان اكون حكيمة؟؟ عجب لامرك اما ان الناس توافق رايك ولا تكون غلطانه وغير حكيمة واللي ما يحط الحل اللي يناسبك قلت ما جبتو حلول ولا جبتو جديد؟

ياخي اسمحلي ماتعرف اساليب النقاش الصحيح ولا تعرف كيف تحل المواضيع من جذورها وانما انضميت الى فئة التعدد هو الحل الامثل لاي مشكلة في اي زمان واي مكان..

__________________

التعدد حلال المشكلة شباب هالوقت ------------------

ايهاالاخوه عندشروعكم بالرد على هذاالموضوع فلاتذكرو كلمة(مشكله)لان الاخت البحله بالنفس.. لاتر ى ان هنك مشكله اساسا!!!!؟؟؟عجبا!!!
اسال الله لي ولك ان يفرج همومنا وان يشرح صدورنا واساله جلة قدرته ان يعطي كل سال ماسال وبقدر نيته اللهم امين,,,,,
(الاختلاف في الراي لايفسدللودقضيه)
للجميع تحياتي,,,,,

انا قلت مافيه مشكلة؟؟

يا اعضاء انقذوني مادري من وين يفهم الرجال من الصبح اشرح المشكله واحاول اسرد الحلول والاخ يدخل من هنا ويطلع من هنا..

حاولت اسرد الحلول اللي اعرفها والي ماعرفها وكل مرة اقولك لازم نحل المشكلة من الجذور وليس القشور وتقول انا قلت مافيه مشكلة؟؟

اسمحلي بعد ردك هذا اتضح ان الفهم عندك صفر والنقاش معك بلا فائدة لذا سيكون هذا اخر رد في موضوعك مهما قلت او كتبت وانصحك بكثرة القرائه والنقاش مع الناس لعل وعسا تتوسع مداركك وتفهم كيف تناقش مشكلة وتبحث لها عن حلول وكيف تستمع للطرف الاخر وتفهم هو وش يقول ووين يبي يوصل وتعرف كيف ترد عليه..

__________________