السلام عليكم و رحمة الله

هذي بنتك و من حقك تخافي عليها لكن هالشي مو في مصلحتك و لا في مصلحتها..

حلو البنت تكون علاقتها قويه مع امها بس غلط تكون مرتبطه مع امها بهالشكل..

خلي شخصية بنتك تتكون و تكون مستقله عنك.. غلط تحطي بنتك في قفض و تقفلي عليها..

بتمر عليك حاجات و مواقف تفرض بعدها عنك مثل دخولها المدرسه (و بيكون صعب كثير عليك وعلى

بنتك لانك انتي عودتيها على الارتباط بك والله يعينك على اول ايام) و في مواقف ثانيه

و هي تحصل فجأه و بدون مقدمات يعني لو لا قدر الله تعرضتي لعارض صحي و نمتي في المستشفى

يوم "لا قدر الله" بيكون هالشي مشكله كبيره بالنسبه لبنتك لانها ما تتخيل ساعه بدونك و لك انتي بعد..

و كمان ما اعرف إذا عندك بيبي او لا (اتوقع ماعندك غيرها) عموماً فتره الولاده و النفاس بتنشغلي

عنها بالمولود لانك بشر و ماتقدري تخلي اولادك طول اليوم في حضنك و هالشي بيسبب ازمه نفسيه

كبيره للبنت لانك ربطتيها فيك بعدين انشغلتي عنها.. انا جالسه اذكر لك مواقف بتمري فيها انتي و بنتك

لازم تكونوا متهيئين لها.. غلط الارتباط و الخوف لهالدرجه.. انا من رأيي ان انسب حل للي حصل بينك و بين اخ زوجك

توافقي انها تروح معاهم و تفهمي الأم ان البنت ما تعرف تروح للحمام و هي اكيد ام و فاهمه و بتقدر هالشي

و اطلبي منها كل ساعتين او كل فتره تاخذ البنات على الحمام..

و بالنسبه لك انتي اكيد معاك رقم الجوال اتصلي و تطمني عليها..

و انتي ما خليتيها مع اغراب هذا عمها و زوجته..

اضغطي على نفسك يوم بس بيغير في شخصيه بنتك و شوي شوي يعلمها الاعتماد على نفسها..

لكن مو كل مره توافقي انها تروح بدونك.. يعني مره وحده كل فتره مافيها شي..

والله يخليها لك