اليوم صارت لي مشكله مع زوجي.. يمكن انا الغلطانه ويمكن هو الغلطان


انا بقولها لكم وانتو احكموا من الغلطان ؟

ولو هو الغلطان وش الحل معه ولو انا الغلطانه كيف أراضيه ؟ لأن أبو الشباب شوي زعول...



المشكله:




الخدامه طلب مني أمس انها تتصل على أهلها تبي تكلم ديرتها طبعاً ماعندنا صفر قال زوجي بجيب لها

بكره بطاقه تكلم منها ... جا اليوم وجاب البطاقه وقال روحي اتصلي لها قلت ..


قلت له: انا ماعرف كيف استخدم هالبطاقات ؟

قال: تعالي بقولك قام يشرح لي وفهمت بس قلت له انت كفيلها انت دق لها التليفون..


قام عصب قال انا بنام العصر جاي تعبان من الدوام وانتي ما عمرك سويتي خير فيني!!


انا عصبت وطلعت من الغرفه وخبطت بالباب ..بعدين رجعت مرة ثانيه باخذ بنتي قام

يستهبل ويمزح


يبي يضيع الطقاق وينسيني المشكله .. قمت سفهته وقلت له وش هالمزح البايخ


قام نام وتلحف وهو زعلان..




يمكن انا الغلطانه بس والله نفسيتي مرة تعبانه أبوي تعبان ومريض وطول يومي افكر فيه حتى وانا نايمه

أحلم فيه .. وزياده هاليومين انا حاسه بتعب شوي بس ساكته وكاتمه على عمري


والنوم وما ادراك ما النوم بنتي شقيه الله يصلحها سهر بالليل ونوم متقطع وحالتي حاله


وفوق كل هذا هو دايم حابسني بالبيت لا اطلع ولا اروح ولا اجي

قاعده بهالشقه ...


كيف براضيه وكيف اخليه يسامحني ...مع اني ما احس انه بيرضى لأن شكله متنرفز من

دوامه وكملتها انا


أبي اعرف وشلون وكيف راح أقدر امتص غضبه وكيف اخليه يهدأ ويروق ويسامحني...

__________________

هههه كل هالمشكلة عشان طلب رقم؟حرام عليكو
المهم اختي يعني اجا يمزح ويمشي الموضوع ليش عملتي نكد هيك؟؟؟
اقلك كيف تصالحي
ولاشي يعني اكيد هوة حيرضى لانو المشكلة بسيطة
روحي راضيه باكم كلمة حلوة او بكيكة زاكية او لبسة وزبطي حالك
او جيبي بوكيه ورد وحطيه عالسرير ومعاه كرت غرامي
وولعي الغرفة شمع وقبل ميدخل انت كوني بالمطبخ وخليه يفتح الباب ويشوف الشمع والريحة الحلوة والورد عالسرير واكيد بيدوب فيكي

موفقة يارب

__________________

انت الغلطانه وليه النكد لما راح يمزح معاكى وبعدين اقعدى معاه وفهميه ان الجاحات اللى انتى ذاكرتيها هى اللى تعباكى وخليك يناقشها معاكى

__________________
ربى لا تذرنى فردا وانت خير الواثين
ادعوا لى بالذيه الصالحه

اللي يزعل بسرعة يرضى بسرعة !!

خلي بنتك قايمة طول النهار وأشغليها بالألعاب والحلويات ونوميها بالليل وتجهزي وتشخي بالليل وإذا جا احضنيه وتأسفي منه وقوليله نفسيتي تعبانة عشان أبوي .. طبعا تكلمي بغنج ودلع وحركات و........ و...........

وآخر شي بيرضى

انتي الله يهديكي كمان كبرتي لاسالفه وهي بسيطه...

شوفي لا تجيبي كيك ولا تعتذري ولا يحزنون...عادي اتكلمي معاه عادي كانك ما سويتي شي..

خلي الكيك والاعتذارات للمشاكل الاكبر من كذا ترى الدلع الزايد مو كويس للرجال

__________________

الدلع الزايد يا كريستالا للرجال كويس
بخليه مايشوف بعيونه الا مرتو وتملى عليه القلب والعين والحياة والعقل
طبعا لو كان رجال سوي وبحب بقلبو
اما لو رجال نص كم فمعك حق

__________________

كلام سليم

حبيبتي انتي الغلطانه

اولا : الشغاله وأمورها لاتخلي زوجك أبدا يتدخل فيها .. "الشيطان شاطر حبيبتي "


ثانيا : حاولي انك توزني كلماتك قبل لاتقوليها .. يعني انتي ذكيه وتفهمي تماما متى يكون الكلام اللي راح تقوليه يزعل أو لا ..

ثالثا : لما بدا يضحك ويسولف .. ليه كسرتي بخاطره .. يعني حطي نفسك في مكانه بالله مو تزعلي .. واللي يزعل أكثر ان السالفه ما تستاهل ..

رابعا :لا تعتقدي ياغاليه ان مافي أحد مهموم غيرك .. الله يشفي الوالد ويخليه لك يارب ..يعني يمكن هو

عنده هموم الدنيا وضاغط على نفسه كمان ..

أخيرا .. الزعل نسويه بالساهل .. والاعتذار نحسب له الف حساب .. فليكن اعتذار بسيط وعفوي مغلف

بالحنان وحملي نفسك الغلط عشان يقول هو ولو في نفسه انه هو كمان غلطان..

الله يهدي سركم يارب ..........

والله قبل شوي الرجال صحى ونفسه بطرف خشمه


ويطالعني بنظرات مخيفه


خفت اكلمه يصارخ علي


ألتزمت الصمت بس صلحت له القهوة والكيكه اللي يحبها


وقلت له تعال اشرب قهوة وذوق الكيكه اللي صلحتها


سفهني ولبس ثوبه وشماغه وراح لبيت اهله....



وش الحل ؟


والله انا خايفه يصارخ علي بالليل ...





وش الحل معه أسفهه وألتزم الصمت والا ابوس راسه وأعتذر والا أقلبها نكد والا وش اسوي بالضبط؟؟

__________________

هو عارف ان ابوي مرة تعبان وهو بنفسه شايفه كيف مريض وغير كذا المستشفيات كلها وتحاليله

كلها تقول سليم .. بس هو تعبان حييييييل



عشان كذا انا افكر فيه ليل نهار لأن حالته غريبه وتضيق الصدر

والله نفسيتي زفت من حاله ابوي الله يشفيه


ولما اقوله اني أفكر في ابوي مثلاً امس قلت له ضايق صدري على ابوي قال بكل برود


روحي نومي عند اهلك ان كانك شايله همه!!!


يعني انا لو نمت عندهم وش راح اسوي؟؟



يعني لو اقوله بعد شوي ان نفسيتي تعبانه من ابوي ومرضه بيقول خير ياطير وانا وش دخلني ؟...

__________________