بنت اختي عمرها 3 سنوات ... وتوها تتعلم تروح الحمام بروحها ... امها تخليها طول اليوم بدون حفايظ

بس تسئلها بين فتره وفتره بتروحي الحمام .. اول الايام صارت تقول ايه وهي مافيها شي .. بس بعدين

تعودت ... والحين بس وقت النوم تلبسها حفاظه.. وبعد فتره بتعودها انها تصحيها من النوم على فترتين

وتوديها الحمام ...

وياختي ولدك مو انه مايفهم لا... لكنه شي جديد عليه وراح يتعلم بعدها ... لكن انتي اصبري شوي ..

الله يخليه لك يارب ..

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

شوفي يالغالية

ترى الطفل في هذا السن يعرف يروح الحمام لكن انصحك بالتالي"ترى ما قد جربت لكني شفتها في برنامج"

المرحلة الأولى:
وهو صاحي بدون حفايظ وعند النوم أو برا البيت تلبسينه حفاظة
لكن

فيه وسائل تشجيعية للطفل منها
تواليت الأطفال وتلقينه بالصيدليات
حطي له لوحة بالحمام هذي اللوحة فيها منافسة يعني كل ما جاء عندك وقال لك انه عنده حمام ويعملها على التواليت حطيلة نجمة بحيث انه إذا حصل على ثلاث نجمات تعطينه جائزة
وإذا عملها على نفسه مرة وحدة اسحبي منه نجمة


لا عبيه وقت قضاء حاجته على التواليت وأكثري من ضمه واحتضانه اذا خلص واجلسي على ركبك عنده وطالعي في عيونه وقولي له أنا مبسوطة منك لأنك صرت رجال كبير

أما إذا عملها على نفسه وضحي له إنك متضايقة وقوليله انك راح تسحبين النجمة منه ولا راح تعطينه جائزة
هو طبعا راح يتضايق
بس وضحيلة السبب يعني تقولين له بجد وصرامة
أنا زعلانه منك لأنك ما جيت قلتلي انك تبغى الحمام

لكن انتبهي في المرة اللي بعدها إذا جاء قال لك انه عنده حمام كافئيه لأنك إذا ما كافئتيه ماراح يحس بفرق يعني سوا على نفسي أو في التواليت

زيني الحمام بأشياء يحبها طفلك علشان ينجذب للحمام ويحس بمتعة وهو فيه

المرحلة الثانية:
عند النوم وبرا البيت
أولا قبل لا يروح ينام قولي له يالله نروح الحمام علشان ينام وهو فاضي
على فراشه افردي مشمع أو سفرة من تحت الشرشف علشان ما يعدملك الفراش

وصحيه مرتين إلى ثلاث مرات وخذيه الحمام وقوليله يعملها أو رشيه في بطنه بشويه موية وهو دايركت راح يعملها

إذا صحي في الصباح وهو ما عملها على الفراش كافئيه وتدريجيا راح نتظم معك

برا البيت في الغالب انه راح ياجي يقول لك انه عنده حمام إلا إذا كان يلعب فهنا ياجي دورك اسأليه فيه حمام أولا
يمكن يقول لا علشلن يبقى يلعب خذيه معك الحمام ونفس الطريقة رشي بطنه بشوية موية

لكن
ترى ما فيه طفل يتعود على الحمام ويترك الحفايظ بدون ما يعملها كم مرة في المكان الخطأ

وأتمنى أكون أفدتك

الله يعينك ويعينني نفس المشكلة بس انا ولدي عمرة سنتين ونصف
وباحاول اعوده على الحمام يعني كل يوم ثلاث الى اربع ساعات يجلس بدون حفاضة واول ما يبدأ يطفش ويتملل البسه حفاضة علشان لا يكره دخول الحمام
بس مدري اذا طريقتي صح ولا لا؟؟

اختي الكريمه دعيه بلا حفاض وحاولي اخذه بين فتره واخرى للتواليت واخبريه بما يجب فعله مثلا (عفوا)قولي له عاعا للتبرز وكرري الكلمله عليه وسوف يتعود تلقائيا على ذلك

__________________

والله إبني الكبير ماتعبني ( الكبيرة ) الله يكرمكم عودته من سنة و4 شهور كل

ما أحسه سوى أه أجري فيه على الحمام وصار يتقرف إذا سواها في الحفاض فتعود ونظف سنة و6 شهور

بس الصغيرة البي بي أخذت وقت لحد ما أتجرأت أنا وخليته يخرج من دون حفاض لأنه لو قعدتي طول اليوم

تعلميه وجيتي في الخرجة أو عند النوم لبستيه حفاضة راح كل مجهودك بالفاضي

فنظف سنتين ونصف بس إذا راح هم الكبيرة مو مشكلة

أما الثاني مو مثل أخوه عمره سنة و8شهور مطلع عيوني يبكي مايبغى الحمام ومازبطت خطتي معاه

كل ولد حسب شخصيته

والله المستعان

أرجو إني أكون أفدتك .......

__________________

بالنسبة لي ابني سنتين وتسعة شهور
حاولت لما طشفت معة كان ما يفهمني
بس دي اليومين بدأ يستجيب لي بالنسبة للتبول أكرمكم الله
ويطلب مني لوحدة ان ادخلة الحمام لا وبعد يبي يغسل لوحدة
لكن الحاجة الثانية ما يرضي يعملها الا بالحفاظ
وكثيير منمن أعرفهم نفس المشكلة وبنفس العمر
لذا الامر يحتاج صبر لأنة يختلف الفهم من طفل لطفل

بلعكس عزيزتي هذا هو السن المناسب لدخوله الحمام كرمكم الله وعليكي بصبر واحسبي له كل ربع ساعه وديه وحاولي تحطي على رجليه شوي مويه وان شاء الله راح يتعود على الذهاب وهو راح يقول لك ماما حمام
مع تحياتي والله يعينك