مع انك طلبتي رأي الرجال00 بس تحمست معك والله ودي ارد عليك لأني تفاعلت كثير مع قصتك
أختي حطي في بالك نقطة مهمة انه الصح صح والغلط غلط00 وان مجتمعنا متعود على نمط معين
وطريقة زواجنا وحدة مافيه غيرها اللي هي التقليدية00 ونادر جدا مانسمع بزواح عن طريق نت وغيره وكان ناجح00
لكن أحيانا الوحدة تضعف وتلجأ لهالأمور والحمدالله انها وصلت معاك لكذا ولاتمشكلتي ولاشي--
النقطة الثانية00 المفروض اول ماشفتيه ياخذ منك فلوس عرفتي انه لعاب ويستغل وبصراحة لو انا بمكانك
كان اول ماطلب مني بيطيح من عيني مررررره لأن طريقته من جد غريبة وين الرجولة وانت تاخذ من وحدة راح تكون زوجتك فلوس!
النقطة الثالثة والمهمة مابني على باطل فهو باطل 00تعارفتو وكلمتو بعض كثير وصار بينكم حب
انت هنا خالفتي الدين فما تدرين ممكن تتزوجينه وماتتوفقين00
النقطة الرابعة00 لاتعالجين غلط بغلط
تدخلين مواقع زواج وتلقين واحد وتبدون تتناقشون ويمكن يمثل عليك زي غيره الى اخره
الا خلك في بيت اهلك معززة مكرمة وابذلي الأسباب المناسبة لمجتمعنا--
ترى ياحبيبتي الرجال بكرة يشك لما يتزوجك عن طريق النت رجالنا مهما تفتحتو والله تفكيرهم واحد بهالموضوع
تعرفين كيف تبذلين الأسباب؟ واسباب مناسبة لحياتك؟ عندك الخطابات وعندك مراكز خاصة مثل مشروع بن باز الخيري فيه قسم خاص لهالأمر
واخر نقطة <<< ياكثر نقاطي
ان الله كاتب لك من راح تتزوجين ومتى ووين؟ يعني كل شي مقدر ومكتوب
حاولي تنسين موضوعك اللي صار وقولي الحمدالله خيرة ان ربي ماكتب اتزوج فلان
واكثري من الدعوات00 وتحري أوقات الإستجابة 00 وتصدقي تصدقي باستمرار
وصفي نيتك وابدأي من جديد وربي معك ان شاءالله
موفقة ان شاءالله00
27-06-2007, 06:48 PM
ضوابط المشاركة
العرض الشجري