عليكم السلام ورحمة الله وبركاته

من قريت العنوان عرفت إنه لك ياأم وداد

ويعلم اااالله إنك على بالي من أمس وأدعي لك من كل قلبي

ياقلبي هدّي بالك وريحي أعصابك وأشربي لك ليمون يروقك شوي

وبالعكس نامي وريحي لو ساعة بالليل علشان تكونين مرتاحة وتتكلمين وتقولين

كل اللي في خاطرك إذا إنك خايفة تنسين بعض الكلام أكتبيه بورقة معك

كذا رؤوس أقلام تتذكرينها

قولي اللي تبينه واللي تحسين فيه ولا تتأثرين من وجود أي أحد حتى أمك

الله يهديها وأخوك ، وأنا أتوقع إنه الوضع هناك ماراح يكون عشوائي

يعني أكيد مااحد راح يتكلم إلا المعني بالموضوع إنتِ وزوجك

لاتضعفيــــــــــــن وقولي رغبتك بكل صراحة وهذي حياتك

الليلة صلي وأدعي وطوووولي في سجودك لأنه العبد يكون أقرب لله في سجوده

وادعيييه ييسر أمرك ويفرج همك ويبعد عنك كل شر

وإذا خلصتي إقرأي قرآن علشان ترتاح نفسك أكثـر واستمري بالإستغفـار

حتى وصولك للمكان ..

والله يكون في عونك يارب وماراح أنساك من الدعاء هذه الليلة والله يكتب لك اللي فيه الخير

لاتنسين ياأم وداد تعالي طمنيينا عليك والله يوفقك يـــــــــــــااااارب .