المشاركة الأصلية كتبت بواسطة جبراويه

مشكورين لكل من أبدا اهتمامه بموضوعي ولمن رد علي اللي ابي اقوله لكم اني حبيته موووت وكنت اضغط على نفسي بس مايتضايق او يزعل وكنت اعتقد انه راح يقدر هالشي انا عاذرته بحبه لعياله لاكن مو طالبه الا ابسط الحقوق وحاولت اطلبه انه يخلي كل وحده ببيت بعيد عشان ماتعرف كل وحده وش يصير عند الثانيه ونرتاح من المشاكل لاكن مارضي وقال هالشي بالذات تحلمين يصير لاني ما ابي احد يبعدني من عيالي وابيكم مع بعض اسره وحده
اللي ابي اقوله لكم هوا كان عندنا الحين وجاب لي هديه خاتم الماس ب12 الف يبي يترضاني فيه لاكن انا رفضته ورجعته له وقلت السنتين اللي عشتها معك ما اثبتت لك ان هذي الشكليات والمظاهر اخر اهتماماتي انا ابي رجال يهتم فيني ويبين لي حبه واني مو رخيصه بيفرط فيني لاتفه الاسباب وماني عارفه وش تنتهي عليه الامور ؟؟؟؟؟؟؟؟؟ راح ولقيت الخدامه الخاتم عند الباب تاركه
قولو لي كيف الدبره والله العظيم بنجن من التفكير واستخرت ميت مره مالقيت حل ماني عارفه كيف انهي هالموضوع