اختي الغاليه بعلمج طريقة معكرونه حمراء متعودين نسويها في البحرين

المقداير
معكرونة (اي نوع تحبين )
بصل ( تقطعينه بهيئة مكعبات )
فلفل اخضر بارد مقطع مكعبات وسط
دجاج مسلوق ( تسوينه شرايح رقيقه صغيرة ) او ممكن تستبدلين الدجاج باللحم المفروم
جزر مقطع مكعبات
بطاطس مقطع مكعبات ايضا
مكعبات ماجي
رب البندورة ( صلصل بالبحريني )
طماطم مقطع مكعبات
بهارات و ملح
لوبيا حمراء ( معلبه )
بازلاء خضراء ( معلبه )
واي نوع من الخضروات الي تحبينها قطعيها وحطيها وتقدين تحطين فيها خضروات مشكله يبيعونها في السوبر ماركت



الطريقه
1_ اسلقي المكعرونه وحطي معاها شوية زيت
2- اسلقي الخضروات في طنجرة ثانيه عشان ما تختلف مدة سلقها عن المعكرونه
3- عقب ما تنضج المعكرونة تشخلينها عن الماي وتخلينها تنشف
4- تاخدين طنجرة وتحمصين البصل ومعاه الفلفل
5- بعد ما يحمر البصل ضيفي الطماطم وعقب ما يذوب الطماطم ضيفي اللوبيا و البازلاء
6- ضيفي الخضروات الي سلقتينها طبعا بعد ما تشخلينها عن الماي
7 -ضيفي لبهارات ( شويه سنوت + كركم + اذا تحبينها حارة حطي شوية فلفل احمر ) و مرقة الماجي
8- ضيفي الدجاج مع الصلصل ( رب البندورة ) واخلطي المكونات وقبل لا تضيفين الملح تذوقي الطعم لان المرقة مالحه
9- ضيفي المعكرونة على الخلطه الي سويتيها
10- خليها لمدة 3 دقايق تنشف وعليكم بالعافيه



بالعاااااافيه


واتمنى ما طولت عليج بالشرح