المشاركة الأصلية كتبت بواسطة fatiflowers

السلام الحبيبة نوال انا غادي نساعدك رغم انني ممزوجاش
خاصك يا حبيبة تشري 2 او 3 ثواب ديال تكاشط و ثوب واحد ديال جلابية ثوب جلابية يكون لونه فاتح الى مشيتي للي تيبيع ثواب قولي له لون ديال العرايس و تخيطيهم.
خاصك تشري صبابط او صنادل على لون التكاشط و كدلك لون جلابية.
اشري الصبق اللي يعملوا فيه الحلويات (الفنيد و الشكلاط)اللي خاوي تيعما 70 درهم العتمر يعمل 250 درهم.
خاصك تشري كدلك الطبق ديال الحناء.
خاصك توجدي التمر معمر باللوز و الكركاع او معمر بالكوك بالسيرو.
علبة الماكياج تكون كبيرة.
الروايح و جميع المعطرات اللي عندك.
العريس يشري 1 grande boite d'huile و خنشة السكر خنشة الدقيق يا عيني على المصطلحات .
مشموم النوار.
اجمل شيء هو تعملي هده الاشياء كلها في الطباق ديال الدقايقية او عيساوة تيجي منظر الدفوع رائع .
نتمنى نكون افدتك ادعي لي معاك ربي يسهل علي بولد الناسو يكون عرسي قبل منك و مبروك مقدما:14: .
الى ما فهمتيش شي حاجة قوليها لي.