حبيبتى ام فاهمة اذا حبيبتى الناجتس تجيبى صدور الفراخ المخلية و تقطعيها على قد المقاس اللى تحبيه (الصدور بتتباع بتكون سميكة شويه) و تتبليها ذى ما تحبى انا بتبلها (بصل - ملح - فلفل - ممكن اوريجانو - توابل تندورى - ممكن كاتشب و ممكن بدل الكاتشب مستردة على حسب الطعم اللى تحبيه ) و دى نفس تتبيلة صدور الفراخ العادية و تسبيها فى التتبيلة فى الثلاجة على الاقل ساعتين و بعدين تطلعيها و تحطيها فى دقيق و بعدين بيض (عليه ملح و فلفل) و بعدين البقسماط اللى هو الخبز المحمص المطحون و بحط على البقسماط ده شوية حبة البركة و كمون و ممكن احط كمان بهارات تندورى

صدور الفراخ البانيه
هو بيكون الصدور سميكة فانا كل صدر اقطعه بطوله الى قطعتين او ثلاثة على حسب السمك و بعمل نفس خطوات الناجتس بس مش بحط الدقيق فى البانيه

و بالهنا و الشفا

ربى لا تذرنى فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة