الله يعينج أختي .. ويصبرج
واعتبريه اختبار من رب العالمين .. أتمنى إنج تنجحين ف هالاختبار
وعندي لج نصيحة عشان تنسينة للأبد<< اسألي مجربة
احفظي القرآن .. حاولي تخصصي لنفسج وقت تحفظين فيه القرآن ... صدقيني 100% بتنسيه
فيه هناك اللي أكبر منه .. وأقرب منه لكل انسان ولج طبعا
حاولي تتقربي منه .. لأنه يحبج .. ابتلاج ..
ركزي في الحفظ بداية احفظي 5 سطور بعدين زيدي الكمية لين ما توصلينها ربع حزب في اليوم .. والله إني أحفظ في اليوم ربع حزب و الخميس و الجمعة و السبت أراجع اللي حفظتة ..
أحس إني غييييييييييييييييير... صح إني كنت أحفظ من زمان .. لكن الحين كثفت الكمية وف شهر سبعة حفظت سورة الأنعام كاملة
والله أنصحج يوم تدومين شيلي المصحف وياج وف وقت فراغج .. ابدأي احفظي ولو آية وحده .. وصومي كل اثنين وخميس ..
دوري شي يشغلج .. مثلا تعلمي شي جديد .. أنا مثلا هالاجازة تعلمت الرسم ع الزجاج وحطيت موضوعي عنه ... و تعلمت أشياء وايد
اشتري مثلا كتاب "لا تحزن" وااااااااااااايد مفييييييييد والله لما أكون متضايقة أقرأ ولو فقرة واحدة .. نفسيتي ترتاح .. أحس شكثر هالدنيا حقيرة ..
و أعرف بأن الله الحين يراقبني ويراقب حركاتي ويشوفني شو بسوي ف الاختبار
و لازم أنجح فيه ...
بإذن الله تعالى
وإنتي لازم تنجحين فيه بإذن الله تعالى ...
خلي عزيمتج قوية ... وترى بو الشباب ما يستاهل كل هذا .. الحين حتى ما يفكر فيج .. فليش ترهقين نفسج .. وتتعبين أعصابج <<< تذكري هالشي...
واحمدي ربج ع العافية وعلى كل شي ... والله يوفقج ..
ويسهل أمورج ويرزقج بأكبر رومنسي <<
وقولي اللهم آتنا في الدنيا حسنة وفي الآخرة حسنة وقنا عذاب النار
أدري عورت راسج ...بس حبيت أساعدج من تجربة... و السموحة ...
__________________
*************************
اللهم اغفر لأبـــي وأرحمه ... يا أرحم الراحمين
اللهم اغفر لـ أخينا سنون ومنون ..يا أكرم الأكرمين
اللهم غسلهما بالماء و الثلج و البرد
اللهم نقهما من خطاياهما .. كما ينقى الثوب الأبيض من الدنس
يا أرحم الراحمين ..
آمين آمين أمين
*************************
21-08-2007, 10:15 PM
ضوابط المشاركة
العرض الشجري