لاحظت دوما اننا كلنا (كمتزوجات ) نعانى من مشكلات زوجية ...و قد تكون المشكلة مزمنة ...و كلنا نعانى
و لكن تسمحولى ...اننا كلنا بارعون فى وصف المشكلة ..بل ربما الضحك عليها ....و تارة نبكى على حالنا
و شوية نقول ...هنعمل ايه ...لازم نصبر ...و شوية نقول لازم نرضى ...القسمة و النصيب كدة
وواحدة تانية تقول ...اهو صابرة علشان خاطر الاولاد

و عندما نسمع او نقرأ مشكلة اخت لنا ...تكون ردودنا كلها منصبة على هذا الامر ...اصبرى و احتسبى ....ثواب الصابرين ...و الرضا بما قسمه الله ...اشغلى وقتك باى حاجة تانية ...فضفضى فى التليفون او على النت

المهم مفيش حد ....مع اعتذارى ...و مع احترامى ...بيفكر يحل المشكلة دى ازاى
او دايما بنقول انا عملت كل ما فى وسعى ...و لكن مفيش فايدة
و غالبا مفيش فايدة (فى جوزها ) ...لانها معتقدة ان الحل الوحيد ان زوجها يتغير .... و مش بيتغير ...و مع طول الامد و محاولاتها المستمرة و الحثيثة ...الا انها تفشل
عارفين ليه ...لانها بتحاول تانى بنفس الطريقة الاولى ...لكنها تفشل ايضا ...فتحاول ثالث بنفس الطريقة اللى جربتها مرتين قبل كدة ...و تفشل برضه

انا بقترح اقتراح :
ما تيجوا بدل ما نحل مشاكلنا بالكلام بس ...نفكر مع بعض فى طرق ووسائل لحلها ...طرق ابداعية ....طرق جديدة ....و بدل ما نواسى بعض ....نفكر لبعض
لان صاحب المشكلة قد تحاصره المشكلة فيتوقف قدرته على التفكير
و لكن المشاهد للمشكلة من الخارج ...قد يرى جوانب اخرى و يكون فى صفاء الذهن لحلها

__________________
(من لزم الاستغفار جعل الله له من كل ضيق مخرجا و من كل هم فرجا و رزقه الله من حيث لا يحتسب)

(ان الله حيى كريم يستحى اذا رفع العبد يديه ان يردهما اليه صفرا خائبتين )

(‏عجبا لأمر المؤمن إن أمره كله له خير، وليس ذلك لأحد إلا للمؤمن ‏:‏ إن أصابته سراء شكر فكان خيراً له، وإن أصابته ضراء صبر فكان خيراً له‏")