السلام عليكم ورحمة الله وبركاته

مساء الخير\ صباح الخير

كيف حالكم جميعا00 ان شاءالله بخير

زي ماوعدتكم اني راح اقولكم تفاصيل موضوع زواجي اللي تم الحمدالله من فترة بسيطة

وان شاءالله بإإذن الله يستفيدون اخواتي منه00

اولا الكل يعرف اني كنت ادوام عند شيخ ويقرا علي ماهو لتأخر زواجي00 لكثرة خطابي وتقدمهم لي وفجأة يعتذرون بعد مايكون الموضوع متطور شوي

وكان اخوي الوليد الله يجزاه الجنة يساعدني بأذكار وأدعية ورقية شرعية ونصائح وكنت مداومة عليها

وحلمت حلم سيئ بشخص قريب لي ( كنت شاكة فيه من اول بس ماهتميت كثير )

وقالي الشيخ خذي من اثره وأخذت من أثره وكلها فترة بسيطة

الا زوجي جا ولله الحمد :14:

فترة الخطبة طبعا كان في بالي انها زي اي خطبة بيتطور الموضوع وبعدين يروح الخاطب وربي ماكنت حاسة انه زوجي ابدااا

بهالفترة ادعي ربي كثيييييييييير واصلي الليل واتصدق وربي ماقوله رياء تراكم ماتعرفوني ولااعرفكم
بس والله ودي البنات يستفيدون من كلامي ويطبقونه

احرم نفسي في السوق من اشياء احبها بس عشان اتصدق للعمال اللي بالسوق

في سوق معين لما اروح له احد العمال يعرف شكلي من كثر مااجيه ويقولي السلام عليكم! تعود علي

وبعد زواجي لما شفته دمعت عيني وتذكرت كم مرة جيته وكم مرة لحقته وهو مايحس ولما اعطيه اقول يااااااااااارب ياكريم ياحي ياقيوم يارحيم ارحم حالي وارزقني الرجال الطيب يارب ارحم حالي ارحم ضعفي

حتى زوجي قال وش فيه الهندي هذا بس يناظرك !!!!
قلت بنفسي ماتدري ياما جيته وجيته كله عشان اتمنى ربي يجيبك لي! والحمدالله والشكر ربي حقق لي ماتمنى

حتى اختي تقول لما شفت الهندي بعد زواجك بأسبوع اقشعر بدني وقلت سبحان الله ماندري عن الأقدار

تطور الموضوع وجت الشوفة الشرعية ودخلت عليه ولما راح احاول اتذكر شكله ماقدر لأني كنت داخلة وانا بصراحة ماكنت متفائلة كنت اقول زي كل مرة
ولما تطور الموضوع وجت الملكة قلبي بعد قارصني كنت خايفة

تعرفون وحدة تحطمت اكثر من مرة جواتي فرحة صح لكن خووووووووووووووووووووووف

والحمدالله ربي يسر لي وسهل علي والحمدالله

هذا مقدر ومكتوب ورب الكعبة ان العنوسة زي ماهي مؤلمة وكلها حسرة وعذاب وحرمان
بس والله لها فواااااااااااااائد

عرفت قيمة االزواج وعرفت كيف اتعامل معه كل ماصار موقف بيني وبين زوجي وحسيت انها بتصير مشكلة
واقول بنفسي لازم اعوده لازم يصير مثل مابغى
اتذكر حالي اول وكيف كنت اتمنى بس اعيش مع رجل في بيت وحد مستورة كل شي اتنازل عنه
حتى زوجي يقول انا انصح اصدقاي لاتتزوج وحدة عمرها تحت 25 يكون تفكيرها سطحي
تزوج وحدة كبيرة <<< يوم قال هالكلمة قهرني قلت شقصدك كبيرة شايفني عجوز اصلا ساعات اقول كني استعجلت بالزواج <<< لاتفوتكم كلمة استعجلت خخخخخخخخ

ناضجة عارفة كيف تعامل زوجها وتكسب رضاه وتقدر الحياة الزوجية ماهو همها نطلع نسافر نستانس

من جد فيه اشياء كنت اهتم فيها قبل لكن لما جربت الحرمان وربي ماصرت اهتم فيها

ومن فوائد العنوسة اننا تقربنا لربي اكثر صح ولالا؟ والله انا عترف اول غير الآن
اصلا التقرب لله بالدعاء والصلوات والصدقات وامتثال اوامره واجتناب نواهيه بحد ذاته عبادة وله اجر
ماهو شرط يتحقق امرك الدنيوي يعني التعب ماراح يروح هدر
واللي ربي كاتبه راح يصير لكن على الانسان انه يبذل الأسباب


نصيحتي للبنات اصبرو وتقربو لربكم اكثر واللي شاكة بأمرها شي تلجأ للرقية الشرعية
وتبذل الأسباب تطلع للمناسبات دايم او تلجأ للخطابات وان شاءالله افرح في البنات بهالقسم
والله يرزقكم الرجال الصالحين عاجلا غير اجل

انا اعتذر ان اسلوبي ماهو مثل العادة لأني بصراحة مستعجلة وحاسة اني تأخرت عليكم لأني وعدت بعض الأخوات اني راح اكتب لكم قصتي

واشكركم اخواني اخواتي على وقفتكم معاي الله يسعدكم دنيا وآخرة

__________________
اللهم لك الحمد والشكر
"ولئن شكرتم لأزيدنكم"

الله يوفقك أختي شوبارد دنيا وآخره



ويرزقك بالذرية الصالحة



ويارب ما نسمع عنك إلا كل خبر حلو وسعيد

__________________
اللهُمَّ اجْعَلْ أوَّلَ يَوْمِي هَذَا صَلاحَاً ، وَأوْسَطَهُ فَلاحَاً ، وَآخِرَهُ نَجَاحَاً .

وَأَعُوذُ بِكَ مِنْ يَوْمٍ أوَّلُهُ فَزَعٌ ، وَأوْسَطُهُ جَزَعٌ، وَآخِرُهُ وَجَعٌ

قرأت كلامك كامل وبتمعن ماشاء الله تبارك الرحمن

الله يوفقك يا شوبارد .. أهم شي حافظي على بيتك وعلى ممكلكتك وزوجك

شوبارد أنا معاكي في كل اللي قلتيه إلا في شغله بسيطة

مو العوانس بس اللي يتمنو الزواج لا والله حتى البنات اللي تحت العشرين

وهذه حقيقة أنا أول مرة أعترف فيها

صح أنا أتزوجت بدري وماصار عمري عشرين إلا وعندي بيبي الحمد لله وماشاء الله

لكن كنت أتمنى أتزوج وأعيش زيي زي البنات الكبار وأكون إسرة

أتمنى يكون لي زوج يحضنني بين إيديه وأضع رأسي على صدرة وأحس بحنانه

وكل بينت تقول إنها بدري عليها ولسه صغيره وما تبغ تتزوج

مو صحيح أبدا

كله كلام ودعاية وإعلان

ألف مبروووووووك يا شوبارد

المهم إحمدي الله على النعمة

ومرة سمعت شيخ يقول قيدو النعمة بالشكر

أحمدي ربك دائما .....خلي كلمة الحمد لله على لسانك

والله يا شوبارد مرة جلست أدعي وأدعي ربي في مسأله وبحان الله تحققت لي

وبعدها كملت بالحمد ..... وصرت كل ما أتذكر أحمد الله بس عشان أقيد النعمة

والحمد لله إلى الأن نعمتي مقيده معي

الحمد لله

اللهم أتمها نعمة

مبروك شوباااااااااارد

الله يبارك لك حبيبتي ويسعدك ويرزقك بالذريه الصالحه
بس ايش عملتي بالاثر للشخص الي شاكه به
وبالنسبه للرقيه كم استمريتي عليها انا صار لي يومين ارقي نفسي بنفسي
وعقبال بقيه البنوتات نفرح بهم

__________________
سبحان الله وبحمده سبحان الله العظيم

أكثر شيء يعجبني يا شوبارد التمويه الذي تفعليه أحيانا

أضحك الله سنك

,,

بارك الله فيك أختاه و بارك لك في زواجك و أٍسعدك و زوجك في الدارين

و حماك من كل مكروه

__________________
اللهم تقبل دعاء

الله يوفقكم يارب ويديم عليكم السعادة والهنا
وعقبال كل العزاب والبنات يااااارب

__________________

"العقل وعاء ثلثه فطنه وثلثاه تغافل واخضاع"

قبل ماكمل القصه

وفقك الله واسعد بالك

..
.
.


وعقبال كل البنات اللي هنا





بجد ياشوبارد أكثر شي يعادل فرحتي فيك كعروس

هي فرحة البنات فيك هنا

..



موفقه بإذن الله

__________________

سبحان الله كنت حاسه ان موضوعك فيه عين والحمدلله انك شفيتي وتزوجتي ياحبيلك ياشوبارد منزمان وانا اقرا مواضيعك وردودك وماتوقعت يكون وقت زواجك بنفس وقت زواجي..

عموما الله يوفقك وصدقيني اني اتمنى لك السعادة من كل قلبي رغم اني ماعرفك لكن هذا المنتدى قربنا من بعض كثير وخلانا كلنا صديقات من غير صوت وصورة ياربي يهنيك ويسعدك ويفرحك بالذرية الصالحة يارب..

__________________

اقول اختي شوبارد

عندك مانع تضعين الادعية ..

و ما معنى اخذت من اثره ؟

ما فهمت صراحة ؟

و الشيخ ماذا كان يقرأ؟

__________________
اللهم تقبل دعاء

الله يوفقك ويتتم عليك بخير ويرزقك الذرية الصالحة


اخوكم ////// الهجرة

__________________
[IMG][/IMG]