اختي بحرينية ولكن
ماسبق لي معرفتك سابقا
لكن قريت من ردودك وفهمت انه فيه موقف حديث بينك وبين زوجك ادى للانفجار كاقلشة التي قصمت ظهر البعير
شخصية زوجك عارفتها و ان كانت بتتعبك
لا اعلم انت هنا الان او بديرتك
حاليا انت منفعلة
ويااختي مريت كثيرا بمرحلتك ولهذا اقول لك قرار كالانفصال يكون مدروس ومايتخذ بهذا الاسلوب
عناد منك وعناد منه وينتهي البيت
زوجك غير مسؤول وتصرفاته مثل ماقلتي تحدي وعناد واختلاط مفهوم القوامة عنده والتحكم الخ الخ
لو اهله بعيدين عنه كان نصحتك تتركيه بهذا الشهر خله يتادب ويجرب رمضان بدون اسرة
لكن واهله حواليه ومع هذا الجو المشحون ماذا ستستفيدي
عيد كئيب عليك وعلى بناتك
فكري بنفسك ولنفسك ولبناتك
زوجك مغرور وعندي وعندك خير وبدون مااقرا مشكلتك السابقة فاهمة اش تعنين
اسلوب تجاريه والاساليب الملتوية وحركات حريم اول لكن الخبيثات تمشي زوجك
يااختي خذيه بالسياسة
ولا يغرك شخطه ولا فرعنته
انت الحين مشحونة وياليتك بديرة زوجك وببيتك
لا تخسرين كل شي
خله يقول اللي يبيه ويتحكم مثل مايشتهي وانت قولي حاضر وطيب ولا ترادديه ومشي الامور وبعدها سوي اللي تبيه طالما مافيه مايغضب الله
اهم شي كيف علاقته بالبنات
هو يحب بناته
وليش مااستقليتوا بمنزل بروحكم
للتو اقرا عن تجربتك مع بناتك وانهم ينامون بالصالة
وانت موظفة
ماتقدرون تطلعون بشقة مستقلة على الاقل تكون لك خصوصيتك ؟؟
كيف اهله معك علاقتك بهم طيبة او لا
عندك صديقات او ماعندك
لا تروحين لاهلك انتظري
تريثي
لا تعالجي حماقته بحماقة تضيعين فيها حياتك وحياة بناتك
يمكن يكون الطلاق حل
لكن مايصير الا مدروس
لا تهدي شركة عمر بناء على قرارات انفعالية
15-09-2007, 06:06 AM
ضوابط المشاركة
العرض المتطور