تعمدت تتجاوز مشاركتي وللا سقطت سهوا ؟؟

اختي بحرينيه ولكن! اولاً اتأسف لسقوطك سهواً ولكن العتب على النظر وانتي من كبار الشخصيات في المنتدى فلهذا لك اولويه في الرد ومو نقوص في الآخرين ولكن لابد من وضع اعضاء المنتدى في اماكنهم بالمنتدى آمل تقبل اعتذاري.

اختي الحياة مع الزوجه لحظاتها كثيرة جداً سواء في المطبخ في السيارة في البيت في السوق واحياناً يبدر منها اشياء واشياء لاتسمح لي نفسي ذكرها.

ولكن في بعض الأوقات تترك اهلها في اوقات صعبه لإرضائي وإرضاء نفسها ولاتفارقني على الدعسه بالجوال بل احياناً اقولها اهجدي انا مو فاضي لك عندي شغل ومافيهاش زعل تحول على الرسائل وماتقصر الله يعطيها العافيه تنفضلي جسمي عشرين مره ثالثاً البيت والحمدلله اربع وعشرين ساعة مرتب وفي احيان تستهبل تطلب مني فلوس وبعد خمس دقايق تقولي انا عازمتك برا على العشاء وفي اي مطعم تبغاه (ياحبي لإستهبالها) ماعمري حسيت والحمدلله انه ناقصني شي. وهاتك استقبال لما ارجع من العمل او من مشوار غبت فيه حق نص نهار والله ارجع البيت تعبان يدب فيني نشاط الحمدلله وما أحس بأننا في روتين مع بعض كل يوم استحداث شي جديد تقلب في البيت وفي المجلس وتغير اماكن الدواليب والتلفزيون وكل شي. كأني اربع ثلاث شهور بسكن جديد. طبعاً هي رسامة حاولت عشرين مره ترسم صورتي بقلم الرصاص وفي الأخير جابتها صح.

لازم تعرفين اني ما ألميت بكل شي مجرد شغلات بسيطه. احس فيه كثير من الأشياء ماينبغى ان تذكر لأشياء في نفسي.

اتمنى اني وفقت في الرد عليك.

تحياتي لك وماتاخذيش في خاطرك مني.

كيف يكون الحمد بالافعال؟

(أفعال) زي الصلاة والنوافل والصوم التطوع (والأقوال) زي التسبيح والإستغفار وعدم الضلم بالشهادة وو الخ.

توكلنا على الله توكل كل عائذ به من شر كل دابة آخذ بناصيتها ومن شر كل سوء


والله اني خايفة عليك وعليها ودي ماتقول كل شي بس على راي الاعضاء ملينا مشاكل وعقد نفسية من هالمشاكل بس الله يعين هالناس على بلاويها وربي يفرج عنهم
وودنا نفرفش شوي ونعطي طابع مميز للحياة الزوجية بحلاوتها
ولو انا من راي انه التراضي من بعد الزعل يجنن يعني الحياة الزوجية لازم تتخللها مشاكل وان شاء الله تكون بسيطة ومحلولة

وهذي الحياة يوم مر ويوم حلو

اما عن مواقفه المجنونه واقسم لك مواقف مجنونه بقول اشياء خفيفة جدا خوفا علي وعليه

مرة علم على ثوبه روجي
مع اني قلت له علشان يغير الثوب وكنا بنطلع

قال لي والي رسم عيونج ماغيره ابطلع وخلي الناس تشوف كيفي انا وحبي المجنون
بس صراحة فشيلة

ومرة انا مزعلتني امي لدرجة خلتني ابجي ورحت لعنده وعيونه حمر سألني وش فيني و انا سالت دموعي ولفلف فيني الشوارع خلاني اطلع كل الي بقلبي ونزل محل قال لي انتظريني شوي وياب لي قلب كبببببببير لونه احمر كبير وااااايد اخذ نص مساحة الكرسي الخلفي للسيارة ومكتوب بوسطه باللون الذهبي

When you're sad
I'm sad
"because, "I love you

وهو حامله بوسط الشارع وموقف السيارة على الجهة الثانية من المحل ولازم يعبر الشارع وهو يمشي فيه والناس تطالع فيه وانا بعد مستغربة ويوم وصل السيارة فتح الباب ومادخل واقف يقول لي اقري الي على القلب قريته ويوم يات عند كلمة اي لوف يو رددها معاي بصوت عالي والناس تطالع بيه فشله عدل لكن
نسيت همي وحزني بحركته ذي

وبعد يكتب اهو شاعر ويكتب فيني خواطر وشعر يلحس مخي فيها تطير العقل وانا ارد عليه بخواطر بس هههههههه صفر على الشمال جنبه

واحلى مفاجئة بمناسبة ذكرى مولدي فاجئني ببركة سباحة حجز لي مسبح ووداني مفاجأة انا وهو بس كانت احلى مفاجأة

احس زوجي من نوعيتك مجنون في الحب لدرجة ماتوقع تصرفاته ولنا متزوجين 10 شهور

بس كل من يقرى بحسب انه حياتنا وردية لا يااحبابي في الله عندكم انا كل هالحب والشوق -اللهم صلي على نبيبنا والله لا يغير عليكم ولا علينا- ونتصرف كانا عشاق حتى لما نتكلم بالتلفون كانه واحد على علاقة مع وحده لكن ناقصنتني معاه الجمعة والاستقرار ببيت واحد
الله يفرجها وانتقل مع زوجي لبلده وتنحل الامور تتيسر وتفرج من عنده سبحانه

السموحة اخوي سحر الغرام سويت هدرة زايدة

__________________

اقرى على نفسك أخوي

و أهم شئ لا تحكوا لأحد و لا تخلو أحد يتدخل بينكم

أحب بعقلك قبل قلبك كي لاتزرع بصل...اتحفظ على التفسير..

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

مراحب انا زوجي شوي جامد او ما يعرف يبين مشاعرة بس مرة تخانقت مع اخواتي واهلي و قررت مااتصل فيهم لاسباب خاصة وكنت متضايقة وايد وشافني زوجي وكان مشغول بالعمل , ساألني شو فيك وقلت له ما فيني شي بس مزاعلة اهلي ومتضايقة من هالموضوع ما قال شي بس راح وعمل مسج لاختي بالتلفون وقالها لو سمحتي اتصلي بزوجتي وكلميها لانها شوي متضايقة وحاسة انه خلاص تزوجت ونسيتوها اتصلي وكلميها وبينيلها انكم مشغولين عشان كذا ما تتصلون ولا تسالون عنها
وهذا كله وانا ماعندي خبر انه رسل مسج... شوي وتتصل اختي فيني وتراظيني وتسال عني وتبين اسباب انهم ما يسالون ...انا ارتحت وراح الظيق من صدري
في يوم من الايام تظايقت من زوجي وخانقتة ورجعت البيت بيت اهلي وكنت زعلانة طبعا ورحت خبرت اختي وقالتلي كلة ولا زوجك لانه يحبك ويموت عليك حتى رسلي مسج وخبرتني السالفة وقالتلي انه حلفها ما تخبرني شو سوا
وبعدها رحت واتصلت عليه وطاح الحطب
وصدقوني وايد فرحت واستانست على موقفة هذا وما راح انساه طول عمري

وفيه مواقف وايد ما يتسع المقام لذكرها

وراي ما اذكر شي
يمكن من كثر المواقف اصبح ينسي بعضها بعض
يمكن!!!!